бркање – Kurir.mk

Заради напишан ФБ – статус – поранешниот директор на струмичката Подружница на ЈП „Македонски шуми“ – избркан од работа ?!

Магдалена Андонова — Fri, 16 Oct 2020 08:06:43 +0000

Од директор на Подружница, по брза постапка станал чувар на рампа, па добил решение за суспензија, а неодамна и отказно решение од работното место – самостоен референт за расадничко производство ?! И се’ тоа заради напишан фб-статус во месец март, во кој како што тврди отпуштениот агроном, Кире Михаилов укажал дека дел од директорите од ова ЈП, биле заразени со Ковид 19 и дека тоа го криеле од своите вработени со што го довеле во опасност здравјето на останатите колеги. Михаилов кој сега е оставен на улица, вели дека е жртва на политички реваншизам, пренесува телевизија Алфа. -Јас сум една од низата жртви што се најдоа на улица без корка леб, само затоа што сум неистомисленик со оваа власт. Ова е класичен пример за тоа како не треба…Во оваа држава дојде животот дури и за магарињата, меѓутоа нема живот за Македонецот. Јас бев вработен во Македонски шуми во Струмица, бев префрлен во Радовиш и оттаму го добив Решението за престанок на мојот работен однос, – револтирано раскажува агроном КИРЕ МИХАИЛОВ од Струмица. Според него, апсурдот да биде поголем, по само два дена од неговата фб- објава, се испоставило дека наводите во неа биле точни.Тоа се потврдиле со јавното писмо на вработените од Подружницата во Велес, која, без никакво официјално образложение за вработените, едноставно била затворена на неопределено време. -Јас останав без работа, затоа што напишав една единствена реченица на фб, на мојот личен фб-профил и тоа во период кога бев на неплатено отсуство. Веднаш штом се вратив на моето работно место, вториот ден добив дисциплинска, бев суспендиран, па ми беа поднесени редица кривични и прекршочни пријави, за една реченица, која што, за жал, беше вистинита. Ништо ниту излажав, ниту навредив. Меѓутоа, очигледно е дека онаа позната на Фрчкоски, ќе ја тераат – вие избркајте ги, па Судот нека ги враќа, – објаснува Михаилов. На чија страна е вистината, одговор побаравме и од ЈП „Национални шуми“, но до овие вести, не добивме одговор. Инаку, Михаилов тврди дека тој не бил единствената жртва на ваквиот реваншизам. Со слични шиканирања се соочила и група од десетина негови колеги – поддржувачи, како и член од потесното семејство кој бил прераспределен на работа од Струмица во Скопје.

ГИ СПОРЕДИЈА СО ХИТЛЕР: Со хеликоптери ги бркаат туристите од плажите (ВИДЕО)

Магдалена Андонова — Mon, 07 Sep 2020 19:15:42 +0000

Шпанија е една од земјите кои се најсилно погодени од коронавирусот во светот. Според последните податоци, заразени се повеќе од 517 000 луѓе, додека починале 29 418 лица. Властите се обидуваат на секој начин да го спречат ширењето на вирусот, па затоа прибегнаа кон нови тактики за понатамошно подигнување на свеста кај луѓето за штетноста на коронавирусот. Имено, на социјалните мрежи кружи видео од хеликоптер како прелетува на плажа во Мајорка и преку разглас ги предупредува туристите за новите мерки против Ковид-19. Оваа сцена наиде на негодување од бројни луѓе, сметајќи дека владата станува авторитативна. - Хитлер би бил горд. Целосна контрола на државата. Екстремната авторитетна машина на владата се сврте против луѓето од кои зема ресурси за да го финансира хеликоптер-нацистичкиот ковид режим - коментира еден од твитерџиите.

? Sinceramente me parece espeluznante .. Mallorca. España ?? pic.twitter.com/2DAVGRNrLw
— Noelia de Trastámara (@N_Trastamara) September 5, 2020

Повеќе од 50 граѓани избркани од работа после локалните избори во Свети Николе

Матеја Петровски — Wed, 03 Jan 2018 11:52:58 +0000

Од Општинскиот комитет на ВМРО-ДПМНЕ Свети Никола преку својот Фејсбук профил информираат дека од 15-ти октомври до 29 декември, од повеќе државни институции од локалната самоуправа, како што се општински училишта, јавните претпријатија и други локални институции од работа се избркани над 50 лица, кои се политички неистомисленици со како што се вели во статусот хунтата на власт. -Општинскиот комитет на ВМРО-ДПМНЕ Свети Николе, најостро ги осудува заканите, уцените и реваншизмот кон наши членови и симпатизери, но и останати наши сограѓани кои се политички определени, а ги изгубија работните места само затоа што не гласале за СДС на последните избори, се вели во статусот. Тие велат дека со чекорите кои ги презема власта ништо не укажува на животот кој го ветуваа на граѓаните. -Насилнички и противзаконски беа сменети во еден ден сите членови на управни и надзорни одбори, прекршени се повеќе законски услови и процедури при поставување на директори и раководители, а се поголем е револтот на многу граѓани поради неисполнетите ветување од СДС за време на изборите, се вели во статусот. Тие велат дека изживувањето врз луѓето во предвечериеро на новогодишните празници и еден од најголемите христијански празници Божиќ, е показател за капацитетот на оваа ненародна власт, која како што велат повеќе се занимава со реваншизам отколку со реализација на ветеното пред граѓаните.