бродолом – Kurir.mk

Најмалку 73 мигранти се водат како исчезнати по бродоломот во близина на брегот на Либија

Ивана Ефремовски — Wed, 15 Feb 2023 14:22:07 +0000

Меѓународната организација за миграција во Либија денеска соопшти дека најмалку 73 мигранти се водат како исчезнати и се претпоставува дека настрадале во вчерашниот бродолом во близина на либискиот брег. ИОМ наведе дека седум луѓе го преживеале бродоломот и се вратиле на либискиот брег, откако потонал бродот со 80 луѓе. Мигрантите се обидувале да пристигнат до Европа. (МИА)

Шест лица починаа, а Индонезиец преживеа две недели на море по бродолом

Ивана Ефремовски — Fri, 26 Mar 2021 11:45:39 +0000

Индонезиец преживеал на отворено море околу две седмици, држејќи се за даска, откако неговиот рибарски брод се судрил со друг, поголем брод. Притоа, неговите шестмина пријатели се удавиле. Како што соопштија властите денеска, Мухамед Картојо (18) пловел заедно со уште шестмина други рибари покрај Бали, кога нивниот брод бил уништен од ферибот. Момчето било спасено од рибари во вторникот, во водите покрај островот Сулавеси. -Тие пловеле една седмица држејќи се за она што останало од бродот, но Картојо рече дека, еден по еден, другите луѓе се удавиле. Картојо не се сеќаваше точно кога се случила несреќата, но се верува дека тоа било на 9 март, изјави Крисна Махарта, гласноговорник на Агенцијата за спасување и претрага на островот Бали. Еден од погинатите рибари е пронајден, а другите петмина се уште се водат како исчезнати. (МИА)

Најмалку 45 мигранти загинаа во бродолом во близина на Либија

Магдалена Андонова — Wed, 19 Aug 2020 20:03:23 +0000

Најмалку 45 мигранти и бегалци загинаа ова недела во близина на Либија во најтешкиот бродолом оваа година, соопштија Обединети нации. Во заедничкото соопштение на Агенцијата на ОН за бегалци (УНХЦР) и Меѓународната органзиација за миграција (ИОМ) се истакнува дека 37 лица биле спасени од рибари, а најмалку 45 луѓе загинаа откако експлодирал моторот на чамецот во Звара, Либија. Преживеаните мигранти воглавно се од Сенегал, Мали. Чад и Гана. УНХЦР и ИОМ наведоа дека ќе се зголеми бројот на загинати мигранти во Средоземно Море ако не се интензивираат операциите за потрага и спасување и ако не се воспостави специјален механизам за потрага. Повеќе од 7.000 мигранти досега се пресретнати од либанската крајбрежна стража, а најмалку 302 мигранти и бегалци загинаа од почетокот на 2020 година. (МИА)

Дрогата им го спаси животот на криумчарите: Колумбиската морнарица налета на наркодилери кои преживеале бродолом (ВИДЕО)

Дарко Андоновски — Wed, 02 Oct 2019 14:36:41 +0000

Колумбиската морнарица спаси од Тихиот Океан три лица кои се држеле за необичен сплав направен од 1,2 тони кокаин спакуван во пакети. Тие спасот од океанот го пронашле така што се врзале за товарот што го превезувале откако доживеале бродолом покрај брегот на Колумбија, пренесува Дејли Мејл повикувајќи се на локални медиуми. Се верува дека во вода поминале најмалку 3 часа опкружени со пакетите кои биле завиткани во црна амбалажа. Видео снимката од мажите во вода, кои ја направија спасувачите, го покажува моментот кога ги извлекле од водата. Властите, како што се известува, потврдиле дека пакетите содржат 1,2 тони кокаин, а тројцата мажи се уапсени и приведени. Според засега непотврдени информации, крајбрежната стража продолжува да го пребарува ова подрачје, зошто едно лице не е спасено во операцијата. Колумбиската морнарица се наведува дека од почетокот на годината запленила 163 тони кокаин.

Бројот на исчезнати во бродоломот во Индонезија порасна на 180 лица

Ивона Петрова — Wed, 20 Jun 2018 05:53:12 +0000

Индонезиските власти денеска соопштија дека по потонувањето на траектот во езерото Тоба во Индонезија, бројот на лица кои се водат како исчезнати изнесува околу 180, што е трипати повеќе од капацитетот на бродот. Претходно властите информира дека при бродоломот исчезнале најмалку 128 лица. Досега се откриени тела на тројца удавени патници на тракетот, додека 18 лица беа спасени веднаш по несреќата. Властите информираат дека немаат прецизни податоци за бројот на жртвите, затоа што екипажот на траектот не водел евиденција за бројката на патници. - Голем број од луѓето пријавија дека исчезнале нивни роднини, потребно е време да ги пронајдеме жртвите, изјави претставник на индонезиската Служба за спасување. МИА