бродска несреќа – Kurir.mk

Најмалку девет лица се удавија во бродска несреќа

Катерина Бојаџиева — Tue, 23 Feb 2021 14:19:22 +0000

Најмалку девет лица се удавија кога брод, кој бил на семејна екскурзија, потона во езерото Мариут, јужно од египетскиот крајбрежен град Александрија, соопшти денеска канцеларијата на гувернерот. „Седум лица ја преживеаја несреќата, од кои пет добија лекарска помош“, се наведува во соопштението. Во тек е потрагата по можни преживеани. Засега не е позната причината за несреќата. Бродот потонал вчера во попладневните часови, соопштија медицински и безбедносни извори.

Во бродската несреќа во Егејското море загинаа пет деца и две жени

Дарко Андоновски — Fri, 27 Sep 2019 13:03:14 +0000

Безживотните тела на уште пет лица биле пронајдени во морето северно од островот Инусес во Егејското море, со што бројот на загинати се искачи на седум лица откако утрово се преврти чамец, веројатно со бегалци и мигранти, jави дописничката на МИА од Атина. Според грчката новинска агенција АНА-МПА, во морето биле пронајдени седум тела, меѓу кои четиригодишно дете и едно бебе, три деца и две жени, а спасени се 12 лица -пет мажи, три жени, три мали деца до шест години и едно 12-годишно дете. И понатаму продолжува спасувачка акција во која учествуваат бродови на грчката крајбрежна служба, брод и авион на Фронтекс и хеликоптер на грчката воена морнарица. Чамецот во кој имало околу 19 лица утрово, од засега непознати причини, се преврти северно од островот Инусес, што се наоѓа меѓу грчкиот остров Хиос и турското крајбрежје.

Десет години од бродската несреќа на Охридското Езеро

Дарко Андоновски — Wed, 04 Sep 2019 13:56:03 +0000

Точно десет години се навршуваат утре од бродската несреќа што се случи на Охридското Езеро, кога при потонувањето на бродот „Илинден“ животот го загубија 15 туристи од Република Бугарија. На поменот пред паметникот на Кејот на езерото поставен во знак на сеќавање на настраданите најавено е присуство на делегации на Општина Охрид, на бугарските дипломатски и културни претставништва во земјата, на Капетанијата на пристаништа, на Здружението на граѓани „5 септември“ и на граѓани. Несреќата се случи на 5 септември 2009 година во 10:30 часот, кога потона бродот „Илинден“ што со 57 патници сообраќаше на релација од Охрид за Свети Наум. „Илинден“ се преврте и потона на околу 250 метри оддалеченост од брегот на езерото, кај автокампот „Елешец“. Осум од жртвите беа жители на Општина Антон, четворица од Општина Пирдоп и по еден од општините Златица, Мирково и Рибарица.

Петчлено семејство исчезна во Дунав: Во знак на благодарност ги почастила патување кое кобно заврши

Катерина Бојаџиева — Thu, 30 May 2019 16:35:52 +0000

Во судирот на два брода во Будимпешта, во водите на Дунав исчезнаа и дедо и баба, нивните две ќерки и шестгодишната внука. Тие се сметаат за исчезнати, а медиумите во Јужна Кореја веќе ги прогласија за загинати. Една од ќерките е 38- годишна козметичарка, која со ова патување сакала да им се заблагодари на родителите што понекогаш и ја чувале малечката ќерка. На оваа турнеја требало да дојде и сопругот, но тој имал службени обврски. Според туристичката агенција која го организирала патувањето, најголемиот дел од туристите на бродот „Сирена“ кој потона во Дунав се семејства. Меѓу патниците имало и тројца пензионирани работници од Министерството за внатрешни работи на Јужна Кореја, од кои само еден бил спасен. На бродот „Сирена“ кој се судри со големиот крузер во водите на реката Дунав, имало 33 патници и двајца членови на екипажот. Како што потврдија унгарските власти, никој од патниците не носел појас за спасување во моментот на несреќата.

Над 170 мигранти меѓу кои жени и деца се исчезнати во бродска несреќа во Медитеранот

Ивана Ефремовски — Sun, 20 Jan 2019 12:25:03 +0000

Повеќе од 170 мигранти се исчезнати во бродска несреќа во Медитеранот, која се случила откако две пловила наишле на проблеми, соопшти агенцијата за миграција на ОН. Според информациите, еден чамец, кој пренесувал 120 луѓе се превртел во петокот, недалелу од Либија. Тројца луѓе преживеале, велат податоците на портпаролот на агенцијата за миграција во ОН, Флавио Ди Џакомо. „Вкупно имаме 117 исчезнати, вклучително 10 жени и две деца ( едното на возраст од два месеци)“ напишал Ди Џакомо. Во Алборанското море настрадале 53 лица, соопштиле невладини извори за агенцијата за миграција. Џакомо рекол дека поголем дел од мигрантите биле од западна Африка, од нив околу 40 биле од Судан, според изјавите на прежвеаните кои ги спасила италијанската крајбрежна стража во петокот и ги донела до островот Лампедуза. Како што изјавил за италијанските медиуми Џакомо, би можело да се работи за многу поголема трагедија.

Патнички брод удри во столб на мост на реката Рајна, 25 повредени

Катерина Бојаџиева — Wed, 27 Dec 2017 08:45:38 +0000

Дваесет и пет лица се повредени откако швајцарски патнички брод удри во носечки столб на мост на реката Рајна, во близина на германскиот град Дујсбург. На бродот „Швајцарски кристал“, кој е наменет за речни патувања, имало околу 130 лица, јави Дојче веле. Полицијата соопшти дека повредените, од кои петмина потешко, се транспортирани со друг брод, а помош пристигнала и од пожарникари со чамци. - Магистралата, чиј столб беше удрен од бродот, нема да биде отворена за сообраќај денеска, со цел да биде проверена од страна на градежни инженери, изјави портпарол на полицијата.