број – Kurir.mk

Речиси никој не може да ја реши оваа загатка: Можете ли да го најдете скриениот број?

Ивона Петрова — Sat, 03 Jun 2023 15:00:23 +0000

Новата оптичка илузија ќе ја тестира острината на вашите очи и само оние со најостри ќе можат да ја решат мистеријата. Оваа оптичка илузија ги предизвикува корисниците да откријат број скриен во сликата. Се чини дека сликата покажува празен квадрат со црвени точки, но ако очите ви се доволно остри, може да видите троцифрен број скриен меѓу точките. Повеќе од 568.000 луѓе ја погледнале сликата, а во коментарите луѓето коментирале за бројот што веруваат дека можат да го видат. За оние со остри очи, бројот може да се види на средината на сликата, речиси незабележливо се вклопува во позадина. Некои викаат „572“, некои „573“, а други „285“. Одговорот е „571“.

Ако го имате овој број во датумот на раѓање ќе ве прати среќа цел живот

Ристе Здравков — Sat, 18 Mar 2023 14:24:44 +0000

Нумеролозите веруваат дека одредени броеви носат посебна енергија, а тоа се однесува на бројот три. За астролозите и нумеролозите, бројките кои се наоѓаат во датумот на раѓање во голема мера го одредуваат вашиот карактер. Постојат многу толкувања за симболиката и значењето на секој број. Сепак, се верува дека некои броеви носат посебна енергија, а тоа се однесува на бројот 3. Ова има особено негативно влијание врз пријателствата и партнерските односи. Тие имаат тенденција да ги занемаруваат своите сакани и тешко им е да ги изразат своите чувства. Можат да бидат арогантни, но исклучително ефикасни. Конкуренцијата треба да се плаши од нив бидејќи имаат многу натпреварувачки дух и се подготвени да направат многу за да победат. Имаат одлична меморија и зголемено ниво на љубопитност. Тие никогаш не престануваат да учат и секогаш се развиваат. Може да се наречат и идеални соговорници бидејќи имаат развиена комуникација, а ниту една тема не им е туѓа. Нивните таленти се повеќекратни. Тоа може да биде музика, пишување или други видови на креативност или нешто сосема друго. Единствениот проблем е што оставаат многу работи недовршени. Тие се препуштаат на една авантура, а другата сè уште не ја завршиле. Независни се и не дозволуваат никој да ги контролира. Вешти се да избегнуваат манипулатори и не поднесуваат притисок од другите. Речиси секогаш се потпираат на факти, а не на шпекулации. Тие се рационални и во нивниот живот умот е најважниот водич, но кога ќе го освоите нивното срце, ќе сфатите колку е големо и чисто.

Оптички илузии од кои ќе ви се заврти во главата: Најдете го двоцифрениот број за помалку од 20 секунди

Ристе Здравков — Wed, 17 Aug 2022 07:27:32 +0000

Останете фокусирани и истрајни. Со оглед на тоа дека расте бројот на љубители на оптичките илузии, решивме да ве воодушевиме со дури две кои, веруваме, ќе ве измачуваат. Имено, пред вас е една бело-сина и друга колоритна илустрација. Во секоја од овие илустрации има двоцифрен број, а вие треба да најдете начин и агол од кој ќе видите кој број е. Авторите на игрите со криенка велат дека само оние со „соколово око“ можат да го најдат потребниот број за помалку од 20 секунди. Па, што чекате? Фатете се за работа и добро погледнете ги фотографиите. Дали успеавте да го најдете бројот што го баравте? Ако не, погледнете го решението во галеријата подолу.

Дознајте кој број најдобро ве опишува и што истиот кажува за вас како личност

Ивана Ефремовски — Fri, 01 Apr 2022 20:56:33 +0000

Ѕвездите нека ви откријат кој е вашиот среќен број или број кој ве опишува вас, вашиот карактер и секојдневние. Овен Бројот 1 им припаѓа на Овните. Секогаш прв, активен, води и брза. Бик На Бикот му припаѓа бројот 2. Тој гледа секогаш нешто да има и да постави одредени вредности. Близнаци На Близнаците им припаѓа бројот 3. Изразена способност за комуникација и двојна природа. Среќен му е и бројот 2. Рак На Раковите им одговара бројот 4. Овој број ја означува нивната природа, склоност кон театралноста, спортот, децата и младите. Лав На Лавот му припаѓа бројот 5. Овој број ја означува склоноста кон секојдневната работа, навиките, грижата за здравјето и медицината. Девица На Девиците им припаѓа бројот 6. Склоност кон секојдневните навики, грижата за здравјето и медицината. Вага На Вагата и припаѓа бројот 7. Овој број означува партнерство, брак и функционирање во пар. Скорпија На Скорпиите им припаѓа бројот 8. Ги опишува борбата, страста, дигнување од дното, трансформација и сексуалност. Стрелец На Стрелците им одговара бројот 9. Ги карактеризира религијата, филозофијата, слободата и далечината. Јарец На Јарците им одговара бројот 10. Поврзан е со напредување, статус и кариера. Водолија На Водолиите им одговара бројот 11. Ги карактеризира пријателство, хуманост, социјална служба. Риби На Рибите им одговара бројот 12. Овој број претставува соништа, потсвест, мечтаење, но и лудница, затвор.

Од денеска: Пуштање во употреба на бројот за итни случаи 112

Катерина Бојаџиева — Fri, 11 Feb 2022 06:27:47 +0000

Европскиот број за итни случаи 112, од денеска се пушта во употреба и за македонските граѓани, кои во итен случај, со вртење на бројот 112, во најкраток можен рок ќе ги добијат услугите на полицијата, итната медицинска помош или противпожарната бригада, од каде било во државата. Новиот број 112, нагласуваат од ЦУК, е потребно да го знае секој граѓанин. Се работи за европски проект кој треба да го имплементира секоја земја аспирант и членка на ЕУ. Целта е да се спроведе како единствен европски број за итни повици со цел да му се помогне на населението во случај на загрозување на нивните животи или материјални добра на државата. Европскиот број за итни повици беше воспоставен со измените на Законот за управување со кризи. Во законското образложение беше посочено дека воведувањето на бројот за итни случаи 112 и распределувањето на потребните финансиски средства бара измена на широка законска регулатива, која го опфаќа и Законот за електронски комуникации, каде што е веќе имплементиран бројот за итни случаи 112.

Дознајте кој е бројот на вашиот живот и што значи тој за вас

Ивана Ефремовски — Thu, 28 Jan 2021 12:02:35 +0000

Животниот број се смета за еден од најважните броеви во нумеролошката табла. Тој се формира од датата на раѓање и укажува на можностите, предизвиците и лекциите со кои личноста ќе се сретне во текот на животот. Овој број, исто така, покажува како личноста реагира на различни животни ситуации. Вториот најважен број, веднаш по животниот, е судбинскиот број. Овој број е составен од буквите во името и ги покажува силните и слабите страни на личноста, како и животната цел. За да го пресметате животниот број, соберете ги сите цифри од датата на раѓање, така што на крај ќе добиете двоцифрен број, чии цифри повторно ќе треба да ги соберете сè додека не добиете едноцифрен број. Потоа прочитајте што значи вашиот животен број. Бројот 1 е лидер, одлучен, независен и агресивен. Овој број е примарната сила на универзумот. Ги надминува пречките и прави работите да се случуваат. Јасен и самоуверен, бројот 1 не го избегнува соочувањето, но останува тврдоглав и арогантен. Бројот 2 е нежен, внимателен и чувствителен. Се смета за мировник. Софистициран е, голем уметник, духовит и со смисла за ритам и музика. Овој број е најинтуитивен од сите. Премногу е емотивен, заради што може да стане и зависен, но затоа е и најпосветен број. Бројот 3 е друштвен, харизматичен, оптимист и авантурист. Има голема потреба за самоизразување. Поседува магнетизам кој ги привлекува другите и затоа сака да биде во центарот на вниманието. Овој број трага по подлабоки врски и сака да го дознае значењето на животот. Бројот 4 е силен, стручен и истраен. Најпрактичен е од сите броеви. Поседува висок степен на самодисциплина и контрола, и е познат како работникот меѓу броевите. Конвенционален и ограничен, бројот 4 може да биде цврст и непоколеблив, со силни морални убедувања. Бројот 5 е паметен и прогресивен. Познат е како голем интелектуалец кој бара различност. Ја цени сопствената слобода и не се плаши да преземе ризици. Промената е константна за непредвидливиот и таинствен број 5. Бројот 6 се поврзува со негувањето, исцелувањето, заштитата и наставата. Тој е бројот-чувар, познат уште како мајчински број. Има силно чувство на мир и правда. Бројот 6 е единствениот број кој секогаш е во хармонија со сите други броеви. Бројот 7 е поврзан со спиритуалноста и е познат како бројот кој постојано е во потрага. Интроспективен е и укажува на голем мислител кој не се занимава со материјалните работи. Интуицијата и имагинацијата се неговите најмоќни карактеристики. Бројот 8 е авторитетен, ориентиран кон бизнисот и успехот. Има потенцијал да биде доста просперитетен. Реалист е и поседува моќ за добро расудување. Кога се работи за пари, бројот 8 може да биде многу дарежлив, но и многу алчен и незадоволен. Бројот 9 има голема самосвест и е многу симпатичен. Најголем хуманитарец е меѓу броевите. Толерантен е и нема предрасуди. Верува во човечкиот род и сочувствителен е кон сите. Бројот 9 е интуитивен, суптилен и по малку мистериозен.

ФХИ: Фајзер привремно ќе го намали бројот на вакцини за Европа

Тале Кристо — Fri, 15 Jan 2021 13:10:35 +0000

Норвешкиот институт за јавно здравје (ФХИ) соопшти дека фармацевтската компанија Фајзер привремено ќе ги намали пратките со својата вакцина против Ковид-19 во Норвешка и во Европа. Во соопштението на ФХИ се наведува дека Фајзер сака да ги надгради своите производствени капацитети од 1,3 милијарди дози на две милијарди дози вакцини годишно. – Очекувавме да добиеме 43.875 дози вакцини од Фајзер, но најверојатно ќе ни бидат доставени 36.075 дози, се посочува во соопштението од ФХИ, при што се додава оти се уште не е познато кога Фајзер ќе го постигне максималниот капацитет за производство.

ПРОВЕРЕТЕ: Последните 3 цифри на вашиот мобилен телефон откриваат што ви недостасува во животот

Ивана Ефремовски — Thu, 01 Oct 2020 13:00:29 +0000

Последните 3 цифри на вашиот мобилен телефон откриваат што ви недостасува во животот. Дознајте од фотографијата која направи „бум“ на социјалните мрежи во соседството! 1-музика, 2-љубов, 3-wi-fi, 4-пријатели, 5-пари, 6-алкохол, 7-работа, 8-храна, 9-сон, 0-секс!

Експлозија во брод на пристаништето во Ираклио на грчкиот остров Крит, повредени четири лица

Магдалена Андонова — Mon, 24 Aug 2020 09:20:07 +0000

Четири лица, членови на екипажот се повредени во експлозијата што рано утрово се случила во патнички брод закотвен на пристаништето во Ираклио на грчкиот остров Крит, јави дописничката на МИА од Атина. Според грчките медиуми, експлозијата не била од голeми размери, повредените лица се членови на екипажот, сите се пренесени во болница, а еден од нив е во сериозна состојба. Патничкиот брод сообраќал на линијата Атина- Крит, утрово стигнал на островот од атинското пристаниште Пиреас, а експлозијата се случила откако патnиците веќе го напуштиле бродот. Надлежниот на крајбрежната служба во Ираклио Ефтимис Дувис, за грчката новинска агенција АНА-МПА вели дека експлозијата била во просторот каде што се моторите. Tочните причини се утврдуваат, но дека првичните процени се дека пукнала пумпа. (МИА)

Се зголемува бројот на новозаразени во Европа, воведени дополнителни ограничувања

Тале Кристо — Sat, 15 Aug 2020 11:27:22 +0000

Поради новиот бран на коронавирусот, напорите за борба против инфекцијата се удвоени низ целиот свет, а многу земји воведоа дополнителни ограничувања, вклучително и Велика Британија, која воведе карантин за патници од Франција и Шпанија. По олеснувањето на мерките во почетокот на летото, многу земји сега воведуваат задолжително носење заштитна маска дури и на отворено. Во Брисел, од средата е задолжително носење маска, додека во Париз, од денеска е проширен списокот со окрузи во француската престолнина каде што мора да се носат маски. Од денеска, Париската префектура забранува собирање на повеќе од десет лица ако не може да се гарантира физичко растојание. Во светски рамки, повеќе од 760.000 луѓе починаа од коронавирус, додека над 21 милион луѓе се заразени. Вирусот предизвика драматични економски последици, вклучително и рецесијата во Полска, што се случува првпат од крајот на комунизмот во таа земја. Во последниве недели, во Европа се регистрираат поголем број заразени лица. Во Шпанија, два дена по ред, бројот на заразени со коронавирусот е околу 3.000. Шпанските власти наредија затворање на ноќни клубови, забрана за посета на домови за стари лица и ограничувања на работното време на рестораните. Од денеска, Велика Британија воведува 14-дневен карантин за патниците од Франција, Холандија и Малта, помалку од еден месец по олеснување на рестриктивните мерки. Ниту ситуацијата надвор од Европа не е подобра. САД остануваат најзагрозени од епидемијата со 167.225 смртни случаи, пред Бразил (105.463), Мексико (55.223) и Индија (48.040).