брокула – Kurir.mk

Кафето од брокула е вистински хит: Содржи кофеин, многу е здраво и станува се попопуларно

Ристе Здравков — Mon, 26 Jun 2023 07:46:43 +0000

Одлична комбинација на здравје и кофеин. Добра вест за љубителите на кафе: кофеинот и зеленилото сè уште може да се комбинираат во една шолја. Карфиолот и брокулата се вообичаени состојки не само во салатите, туку и во смути. А сега зеленчукот влегува во царството на уште еден пијалок – кафето. Кафето од брокула звучи примамливо, нели? Оваа неочекувана мешавина е дизајнирана во Австралија, додека научниците се воделе само од најдобрите намери. Интересот за здрав начин на живот и правилна исхрана само се зголемува од година во година, но во исто време, луѓето сè уште често не можат да ја јадат препорачаната количина зеленчук. Брокулата како пијалок ќе помогне да се пополни таа празнина. Како да направите кафе од брокула За овој пијалок не ви треба свежа брокула, бидејќи ова не е смути. Прво треба да се исуши зеленчукот, а потоа да се сомеле во ситен прав, кој се додава во кафето. Освен тоа, само две лажици од овој зелен прав имаат нутритивни вредности кои ќе ви помогнат да ги внесете сите потребни елементи во вашето тело. Има уште еден силен аргумент во прилог на новото „зелено“ кафе – ретко кој редовно јаде брокула. Овој зеленчук е гостин на трпезата само одвреме-навреме, а кафето е многу попопуларно. Алтернативни опции Ако ви е тешко да замислите кафе од брокула, можете да започнете со други опции. Брокулата во прав е дефинитивно здрава – и може да биде интересна состојка во истото смути, како додаток во житарките или пирето од авокадо. Овој прав може да се чува многу подолго од обичниот зеленчук, а полето за експериментирање со вкусови и јадења сега е многу поголемо.

Потпечена брокула со сирење: Брз рецепт за вкусно предјадење од 6 состојки

Ристе Здравков — Thu, 23 Feb 2023 09:46:32 +0000

Брокулата е зеленчук од семејството на зелка која е богата со диетални влакна, бројни витамини и минерали. Во 100 грама има само триесет калории, па затоа консумирањето на овој зеленчук им се препорачува на сите оние кои сакаат да ослабат. Брокулата може да се вари на пареа, да се динста, да се вари и да се пече. Можете да ја користите за да направите супи и чорби, да подготвувате стекови и пржени зеленчуци. Има навистина многу избор. Ви пренесуваме супер едноставен рецепт за печена брокула со сирење и неколку зачини. Ќе биде готов за половина час, а можете да го послужите како предјадење или прилог. Состојки: 200 гр рендано чедар сирење 2-3 помали главици брокула 1 лажичка лук во прав сол и бибер по желба растително масло по желба Подготовка: Загрејте ја рерната на 190 степени Целзиусови. Измијте ја брокулата и исечете ја на помали цветчиња. Ставете ја во поголем сад заедно со малку масло, сол, бибер и лук во прав. Добро измешајте сè заедно. Подготвената брокула префрлете ја во правоаголен плех. Врз брокулата посипете го ренданото сирење. Се пече во загреана рерна околу 25 минути, додека брокулата не порумени и кашкавалот не се растопи. Послужете топло како прилог или предјадење. Добар апетит!

Две моќни намирници: Треба да ги јадете за здрави и цврсти коски

Ивана Ефремовски — Wed, 16 Nov 2022 19:07:44 +0000

Доколку сакате да ги зајакнете коските и мускулите тогаш треба да обрнете особено внимание на исхраната. Намирници кои се препорачуваат за оваа цел се: шампињоните и брокулата. Во печурките-шампињони, има голема количина на витаминот Д, кој ја зголемува работната способност и ги јакне коските. Се препорачува секојдневно да се конзумираат, како додаток во исхраната или како главен оброк. Брокулата изобилува со калциум, минерал кој е важен за здрави коски. Потребно е барем два пати неделно, во количина по 250 грама, да го внесуваме овој вкусен зеленчук.

БИДЕТЕ ВНИМАТЕЛНИ: ОВАА здрава храна може да предизвика здравствени проблеми

Ивана Ефремовски — Wed, 22 Jun 2022 18:36:15 +0000

Постојат многу производи кои можат да го подобрат здравјето, но постојат и здрави намирници кои можат да предизвикаат одредени здравствени проблеми. 1. Компир – Иако секогаш не се вбројувал во здрава храна, компирот е всушност многу здрав. Тој содржи над 20 отсто дневна вредност на витамините Ц, Б6 и калиум. Меѓутоа, некои луѓе се чувствителни на зеленчук во кој се вбројува и компирот и кој содржи алкалоиди кои можат да влијаат на мускулите и нервните функции. 2. Брокула – Таа е многу здрава и може да штити од рак. За повеќето луѓе, брокулата е одличен извор на витамините Ц и К, но лицата со тероидни проблеми треба да бидат внимателни кога го јадат овој зеленчук, бидејќи може да предизвика зголемување на штитната жлезда. 3. Банани – Тие се голем извор на калиум и витамин Б6, но некои луѓе се алергични на нив. Симптоми на алергиската реакција се губење здив, пецкање во устата и оток на грлото. 4. Спанаќ – Тој е богат со витамините К, А, железо и протеини. За жал спанаќот содржи и оксалати, кои се штетни за луѓето кои имаат болни бубрези.

Често го јадете на диета, а најмногу ДЕБЕЛЕЕ: Овој зеленчук ви е НАЈГОЛЕМ НЕПРИЈАТЕЛ ако сакате да ослабнете!

Ристе Здравков — Thu, 16 Jun 2022 13:12:09 +0000

Кога држат диета, повеќето луѓе се откажуваат од бело брашно или месни производи. Сепак, научниците откриле дека има зеленчук и житарки, за кои обично се верува дека помагаат за слабеење, а кои поради некоја причина доведуваат до обратното. Истражувањето траело 20 години и опфатило над 130.000 луѓе, а научниците се обиделе да ги следат навиките во исхраната на луѓето што ги набљудувале. Тие со голема сигурност потврдија дека грашокот и компирот се видови на зеленчук кои водат кон дебелеење. Сепак, пченката се покажа како убедливо најлошата храна. Причина за тоа е високиот гликемиски индекс, интензивно зголемување на шеќерот во крвта после конзумирање, што го зголемува чувството на глад. Далеку од тоа, овие намирници не се здрави, но за време на диетата и кога целта ви е слабеење, не треба да претерувате со нив. Проблемот е што голем број луѓе се потпираат исклучиво на овој зеленчук, бидејќи тие се евтини и имаат убав, пријатен вкус. Поради тоа се занемарува здравиот лиснат зеленчук, како и храната богата со растителни влакна, како гравот, брокулата и карфиолот. Препорачливо е да ги консумирате овие намирници што почесто, а доколку сакате да ослабете, консумирајте и зеленчук богат со вода, како домати, краставици, тиквички, зелена салата, ротквици…

Секоја жена МОРА да јаде брокула, таа е моќно оружје против ракот на дојките

Ивана Ефремовски — Mon, 15 Jun 2020 20:16:38 +0000

Брокулата е одлична храна која може да им помогне на оние жени кои боледуваат од рак на дојката. Истражувањата велат дека состојките кои нашиот организам ги лачи откако ќе консумираме брокула се од особено значење за заштитните ензими и ткиво на дојките. Стручњаците веруваат дека сулфарофанот, кој го содржи брокулата во организмот се претвара во моќно оружје против ракот на дојките. Сулфарофанот е многу важен. Тој помага за одржување на здрава рамнотежа на антиоксидансите во организмот. За да има некаков ефект, нутриционистите препорачуваат да се консумира брокула два до три пати во неделата.

Диета со брокула: За 10 дена ќе ослабете до 7 килограми

Ивана Ефремовски — Mon, 25 May 2020 14:00:53 +0000

Диетата со брокула е промена на начинот на исхрана во текот на 10 дена, период за кој ќе забележите драстична промена во тежината. Оваа диета ќе ви помогне да изгубите 5-7 килограми за краток период. Диетата со брокула ги содржи сите состојки кои ќе ви помогнат да ја намалите телесната тежина и да го зачувате имунитетот. Брокулата е еден од најкорисните зеленчуци и содржи големи количини на витамини и минерали. Брокулата е исто така еден од најдобрите извори на калциум, кој игра важна улога во слабеењето. За време на диетата е дозволено конзумирање на обична или минерална вода, а понекогаш и на ниско калорични млечни напитоци. Првиот и вториот ден: Појадок: 200 гр. варена брокула и 1-2 чаши на црн чај без шеќер. Ручек: 150 гр варено пилешко месо и 250 мл пилешка супа. Во прилог на ручекот изедете 100 гр. варена брокула. Вечера: 250 гр. варена брокула, 1-2 чаши црн чај без шеќер. Третиот и четвртиот ден: Појадок: 200 гр. динстана брокула во маслиново масло со зачинета со мелена црвена пиперка и лук. Ручек: 150 гр. динстана брокула во маслиново масло со салата од домати и кромид. Вечера: Исто како појадокот. Петтиот и шестиот ден: Појадок: брокула салата, 100 мл. јогурт и 100 гр. варено говедско месо. Ручек: 200 гр. варена брокула зачинета со сол. Вечера: 150 гр. варено говедско месо Седмиот и осмиот ден: Појадок: 100 гр. варена брокула, 2 меко варени јајца, една чаша чај без шеќер. Ручек: 300 мл. пилешка супа со 100 гр. брокули. Вечера: 2 парчиња ‘ржан леб, 100 гр. варена брокула, една чаша сок од домати. Деветтиот и десеттиот ден: Појадок: 100 гр. варена брокула и два моркова. Ручек: 100 гр. варена брокула, 100 гр. печена риба. Вечера: 200 гр. варена брокула, 2 варени компири.

Комбинирајте ја брокулата со овие продукти и ќе бидете здрави

Ивана Ефремовски — Thu, 21 May 2020 10:01:15 +0000

Брокулата е позната како храна против ракот поради состојката сулфорафан. Сепак, што повеќе го готвите, толку помалку оваа состојка се наоѓа во брокулата. За тие состојки да бидат обновени, научниците советуваат додавање на рен бидејќи содржи ензим миросиназ. Другата храна која се користи за зголемување на корисноста на брокулата, доколку тие се споени заедно, се ротквица, зелка и брокула. Ако миросиназот е присутен, сулфорафан се ослободува во првиот дел на дигестивниот систем. Апсорпција се случува брзо, па ефектите на телото се видливи по 30 минути.

Се бори со бактериите отпорни на лекови- Брокулата е моќна намирница

Предраг Кукиќ — Tue, 06 Aug 2019 07:41:14 +0000

Брокулата е карактеристична со својот специфичен вкус, се јаде и плодот и листовите, а има бројни витамини како А, Б1, Б2, Е и Ц. Има и доста влакна и бета-каротен, а помага за дијабетес, за срцето и холестеролот, за болестите на коските, болките, а се смета дека ги убива и станиците на ракот. Со право е во групата на едни од најздравите намирници на светот со малку калории, па така помага освен за здравје и за слабеење. Со неа се победува и тешката бактерија на желудникот, хеликобактери, отпорна на лекови. Се употребува варена, печена, за супа, салати, чорби, ручеци…

Овие три намирници се најдобро “оружје“ во борбата против ракот

Ивана Ефремовски — Mon, 22 Jul 2019 12:05:49 +0000

Идеалната здрава трпеза се состои од 50 проценти зеленчук – останатите се протеини од животинско потекло, житарици и масти. Следуваат трите најдобри „борци“ против рак. Брокули Глукозинолати кои се наоѓаат во брокулата на овој зеленчук му даваат лут вкус, но и ја намалуваат веројатноста за појава на малигни клетки. Оваа состојка е многу активна при жвакањето и во текот на варењето и исклучително е ефикасна во борбата против рак на дојка и рак на мочниот меур. Риба Кај жените кои конзумираат премногу мрсна храна, ризикот од заболување на рак на дојка е и до 55 проценти. Нутриционистите јасно дефинираа што е „премногу“: јадење мрсна храна повеќе од три пати неделно. Оние кои се преориентирани на риба (три пати неделно е сосема доволно), го намалуваат ризикот од малигно заболување и до 65 проценти. Омега 3-масните киселини во рибата не само што се обидуваат да го спречат настанувањето на малигните ќелии, туку го спречуваат и понатамошниот развој на веќе формираните. Кај лицата заболени од рак, кај кои рибата е често на трпезата, постои голема шанса канцерогените ќелии во нивниот организам понатаму да не се развиваат. Домати Црвените плодови не само што се нискокалорични (100 грама содржи од 17 до 20 калории) туку се и многу вкусни. Доматот е зеленчук кој има најмногу ликопен, супстанца поради која оваа билка е со црвена боја и служи како многу значаен заштитник на срцето и крвните садови. Ликопенот, меѓутоа, може и повеќе – да го забави растот на малигните ќелии и до 50 проценти – а во комбинација со витамин Е кој се наоѓа во масла и масти од растително потекло, нивниот раст се намалува дури и до 70 проценти. Неговата концентрација се зголемува со загревање – зготвен или термички обработен (на пример во вид на ќечап или сос) доматот е многу ефикасен во борба против рак отколку кога се конзумира сиров.