Три намирници кои го регулираат варењето – Ќе заборавите на дигестивните проблеми

Ристе Здравков — Thu, 04 Aug 2022 13:03:23 +0000

Секој кој некогаш имал дигестивни проблеми знае како тоа може да влијае на квалитетот на животот. Никој не сака надуен стомак кој завива. Секако дека постојат лекови кои помагаат при овие проблеми, но тие се земаат само по препорака на лекар и не се препорачуваат за долготрајна употреба. Доколку сакате трајно да го регулирате вашето варење, ние откриваме кои 3 намирници ќе ви бидат најдобри сојузници. Сувите сливи се борат со проблемите со варењето, благодарение на нивната висока содржина на влакна. Тие исто така можат да бидат корисни за оние кои страдаат од хемороиди. Хроничните дигестивни проблеми се чести кај постарите луѓе и многу малите деца. Сувите сливи делуваат како лаксатив благодарение на нивната висока содржина на пектин и за разлика од некои други средства, не создаваат навика и не предизвикуваат појава на мрзливи црева. Работат по принципот дека кога јадеме суви сливи внесуваме помало количество вода и поголемо количество пектин, кој ја регулира работата на цревата. Брокулата содржи големи количини растителни влакна, кои го поттикнуваат создавањето на добри бактерии во цревата и на тој начин позитивно делуваат на варењето. Луѓето често имаат проблем да го толерираат тешко сварливиот зеленчук како брокулата, кога е во суров облик. Може да предизвика надуеност и гасови без никаква термичка обработка. За да го спречите ова, едноставно подгответе ја на пареа го или испечете ја во рерна. Јаболката се познати по тоа што го поддржуваат правилното функционирање на дигестивниот систем. Тие можат да ви помогнат и во случаи на запек и дијареа. Тоа е затоа што дејствуваат како средства за зголемување, промовирајќи го движењето на отпадот низ дигестивниот тракт кога имате запек и ја зацврстуваат столицата кога имате дијареа.

Децата не сакаат брокули, науката докажа дека постои причина за тоа

Ивана Ефремовски — Tue, 28 Sep 2021 09:19:13 +0000

Неодамнешно истражување на австралиска научна агенција открива дека постои научно објаснување зошто децата не сакаат брокула. Тоа всушност се должи на бактериите во устата кои во комбинација со ензимите на овој зеленчук произведуваат непријатен мирис. Истражувањата покажуваат дека оваа група плодови, каде што спаѓаат и карфиолот, кељот и зелката – не се омилени „од практични причини“. Ензимите од овој вид зеленчук и ензимите и бактериите во плунката може да создадат непријатно чувство во устата. Но, иако децата често одбиваат да ги јадат овие плодови, се чини, возрасните можат да научат да го толерираат тоа чувство со текот на времето. Инаку, родителите и нивните деца имаат слично ниво на чувство за мирис, а имаат и ист тип бактерии во устата. Науката, исто така, открила дека повисокото ниво на бактериите предизвикува пропорционално поголема одбивност кај децата кон зеленчукот. -Односите меѓу зелјестиот зеленчук и човечката плунка можат да влијаат на појава на лош здив, што пак може да се поврзе со индивидуалната перцепција и вкус, се вели во написот во Журналот за земјоделство и хемија на храната. Иако претходните истражувања покажаа дека возрасните имаат различно ниво на овој ензим во плунката, досега не беше познато дали ова е точно за децата и дали тоа влијае врз вкусот во исхраната. (МИА)

брокули – Kurir.mk

Три намирници кои го регулираат варењето – Ќе заборавите на дигестивните проблеми

Децата не сакаат брокули, науката докажа дека постои причина за тоа