бронзен медал – Kurir.mk

Македонија е мала, но големи сме во срцето и успесите: Злато и бронза во ритмичка гимнастика за Ева и Илина Соколовски во Германија

Дарко Андоновски — Wed, 05 Apr 2023 10:59:05 +0000

Македонските девојчиња Илина(16) и Ева(13) донесоа злато и бронза за Германија. Двете сестри Македонки, кои живеат во Германија, го освоија првото, односно третото место на турнирот по ритмичка гимнастика во републичките наптревари и своите витрини ги закитија со по уште еден пехар. Успехот е поголем што Илина и Ева со нивните години се натпреваруваат во поголемите класи. Ева, која има 13 се натпреваруваше во класа до 15 годишна возраст, на турнирот во германското градче Падерборн и по четврти пат го освои првото место. Додека Илина, која има 16 години на турнирот во Бохум го освои третото место. Токму поради овој голем успех дветге се квалифицира во шолуфиналето на Германија кое ќе се одржи на 29 и30 овој месец во Хефенхајм. Илина, која веќе има и интернационална кариера се натпреварува во сениорската класа, но за разлики од изминатите години сега конкуренцијата е многу посилна, а тоа и дава мотив повеќе да реди успеси. -Ми предизвикува задоволство да се натпреварувам во ваква силна конкуренција. Велам силна е конкуренцијата, бидејки многу гимнастичарки од Украина и Русија поради проблемите во своите дрзави ги потполнија германските клубови. Веќе неколку години ја следам мојата конкуренција, тоа се гимнастичарки поголеми по возраст од мене. Тие некогаш беа мои идоли, а сега ќе треба да ги мерам моите вештини со нив. Знам дека ова за мене е нешто ново, нешто што бара многу труд, но не се плашам. Знам дека ние доаѓаме од малата Македонија, но сме големи во срцето и успесите. Затоа не се плашам, ни рече Илина, која ќе ја претставува Македонија на евроското првенство во гимнастика. -Откако одлучив да ги бранам бите на нашата татковуна не застаувам. Тренирам по шест пати во неделата, а по четири часа преку викендит, но некогаш се случува и по шест часа. И не ми е тешко ништо, напротив, се правам со голема желба, во најдобро светло да ја претставам Македонија, рече Илина.

Каратистката Топалоска освои бронзен медал на Светскиот куп во детска категорија

Тале Кристо — Mon, 12 Dec 2022 16:50:06 +0000

Македонската каратистка Мариастела Топалоска се закити со бронзен медал во џиу ипон кумите на Светскиот куп за деца на возраст од 10 до 11 години, чиј домаќин беше полскиот град Лублин. Забележителен настап имаа и останатите петмина македонски претставници, а најблиску до резултатот на Топалоска беше Камелија Недев, која во дисциплината кати за деца го освои четвртото место. Недев во финалето беше грубо оштетена од судиите и за 0,1 поен не успеа да освои бронзен медал. Димитри Влахо, Матеј Мангаровски, Софија Јарчевска и Максим Поп Трпев во своите категории се пласираа од 5. до 8. место. На Светскиот куп во Лублин учествуваа над 1.000 натпреварувачи од 28 земји.

ТРЕТИ ВО СВЕТОТ – Македонски средношколци се враќаат со бронзени медали од светскиот натпревар по роботика „FIRST Global Challenge“ (ФОТО)

Дарко Андоновски — Mon, 17 Oct 2022 13:52:09 +0000

Од 13 до 16 октомври во Женева се одржа шестото издание на светскиот натпревар по роботика за средношколци „FIRST Global Challenge“. Овогодинешната тема на натпреварот беше решавање на проблемот со зголеменото ниво на јаглерод диоксид во атмосферата со помош на STEM. Оваа година Македонија по втор пат патуваше за FIRST и имаше можност да учествува во натпреварот и постигна многу добар резултат, си доаѓаат дома со бронза добиена во финалните игри со алијансите. Робот кој се прави со месеци, овие деца го направија за 8 дена. Тимот на Република Македонија го сочинуваат 5 средношколци (Виктор Ванчов, Јаков Спировски, Горијан Стаматовски, Горазд Петковски и Горјан Анѓушев) предводени од два ментори (Алма Кецап - официјален претставник на FIRST во Македонија и Ален Куљеван - технички ментор). Да се биде трето место од 180 држави во светот е голем успех за државата, и поттик за идните млади генерации за интерес околу роботиката и STEM едукацијата.

Медал од првата модерна Олимпијада ќе се продава на аукција

Ивона Петрова — Wed, 24 Aug 2022 11:40:01 +0000

Бронзен медал доделен првите модерни Олимписки игри, кои се одржаа во Атина во 1896 година, ќе биде ставен на аукција. Медалот се пренесувал од генерација на генерација додека сопственичката не го пронашла додека ја чистела нејзината куќа во Шропшир (Велика Британија). На Игрите во 1896 година, медалот му беше доделен на лицето кое го освои второто место. Современиот систем со злато, сребро и бронза се појави во 1904 година. Кој го освои точно медалот е непознато. Медалот е со дијаметар од два инчи. На аверсот е претставен богот Зевс, а на задната страна има натпис на грчки јазик „први меѓународни олимписки игри, Атина-1896 година“. Специјалистите на аукциската куќа „Mullock’s Auctioneers“ го процениле предметот во износ од 20 до 25 илјади фунти

Еден сребрен и два бронзени медали за македонските учесници на Интернационалната олимпијада по информатика

Магдалена Андонова — Sat, 13 Aug 2022 09:46:44 +0000

На 34. Интернационална олимпијада по информатика (ИОИ 2022), која од 7-ми до 15 август се одржува во Јогјакарта, Индонезија, македонскиот тим средношколци го постигнаа историски највисокиот резултат во повеќегодишната традиција на ова натпреварување. Македонскиот тим на овој најпрестижен интернационален натпревар во програмирање, составен од учениците Благојче Павлески, Марко Таневски, Софија Велковска и Тео Китановски, предводени од лидерите, д-р Емил Станков и Мартин Динев од Факултетот за информатички науки и компјутерско инженерство (ФИНКИ), освои еден сребрен и два бронзени медала, информираат од Здружение на информатичарите на Македонија. ИОИ 2022, после две години онлајн изданија, се одржува како хибриден настан, а повеќето од 90-те тимови се присутни во Индонезија. На настанот учествуваат вкупно 352 од најдобрите средношколци во областа на компјутерските науки, кои беа избрани преку годишните национални натпревари во програмирање во земјите учеснички. -Во ваква силна конкуренција, досега најдобриот сребрен медал за Македонија го освои Благојче Павлески, ученик од Прилеп, со штотуку завршено средно образование во ПСУ „Јахја Кемал“ во Скопје. Учениците Марко Танески, исто така од Прилеп, и Тео Китановски од Скопје освоија бронзени медали. Нашиот тим традиционално се избира во целогодишен циклус натпревари кој го организира Здружението на информатичарите на Македонија (ЗИМ), годинава поддржан од Факултетот за информатички науки и компјутерско инженерство (ФИНКИ) и општествено одговорните компании Мелон Технологии, Нетцетера и Семос Едукација. Натпреварите се одржуваат преку системот mendo.mk кој е одржуван волонтерски од ЗИМ и е достапен во текот на целта година за сите заинтересирани натпреварувачи, појаснуваат од Здружението на информатичари на Македонија. Д-р Миле Јованов, претседател на ЗИМ, и долгогодишен член на управниот комитет на Интернационалната олимпијада вели дека резултатот остварен на овој натпревар претставува продолжување на традицијата на успешни претставувања на земјава на интернационалните информатички олимпијади во последниве десетина години и уште една нова потврда за знаењата и вештините од областа на компјутерските науки што ги поседуваат нашите ученици. -Во текот на вчерашниот ден, гледајќи ги во живо како се менуваат резултатите од натпреварот, кога во одредени моменти Благојче беше и со освоен златен медал, сфатив дека вреди што како Здружение трошиме огромна енергија за организација на домашните натпревари и за подготовка на талентираните учениците за интернационалните натпревари. За жал, заради задоцнета поддршка за патување од страна на институциите, и енормното зголемување на цената на авио билетите, нашиот тим наместо во живо учествуваше на олимпијадата онлајн, од просториите на ФИНКИ и со тоа на нашите врвни ученици им беше ускратена можност да бидат на лице место заедно со учесниците од останатите земји. Благојче, бидејќи е пласиран високо на ранг листата меѓу најдобрите учесници од светот, ќе добие покана за да учествува на камп во Сингапур во тек на септември, вели Јованов. Врвните резултати не доаѓаат случајно,нагласува Јованов, туку со долгогодишна работа и со насочено развивање на образованието. -За жал, со последните измени и нови концепции информатиката се маргинализира, а гласот на Здружението, кое претходно беше двигател на позитивните промени, сега се маргинализира од државните институции. Со ваквиот пристап, расте мојата скепса за идни големи успеси во областа на информатиката во нашата земја, потенцира претседателот на ЗИМ. Следната, 35-та по ред, Интернационална олимпијада по информатика треба се одржи идната година во Сегедин, Унгарија, а во периодот кој следи ни претстои учество на Балканска олимпијада за јуниорите и сениорите, и двете во Романија, Европска олимпијада за јуниорите во Украина – онлајн, како и Европска олимпијада за девојки во Турција. (МИА)

Бронзен медал за македонскиот каратист Љупче Михајлов на Европското првенство во Чешка

Тале Кристо — Sun, 19 Jun 2022 13:01:50 +0000

Со резултат од 1:3 против Рамос Мат Стевен Аугуст од Италија, штипјанецот Љупче Михајлов го освои третото место и се здоби со бронзен медал на Европското првенство во карате, кое овој викенд се одржува во Прага-Чешка. Ова е уште еден од низата успешни резултати на Карате клубот (КК )-Штип од каде доаѓаат најдобрите каратисти во Македонија Сашко и Жарко Арсовски и Емил Павлов но и за Македонската карате репрезентација бидејќи од сите кандидати Михајлов го оставри најголемиот резултат. Од Карате клубот – Штип на Европското првенство учествуваа двајца каратисти Хаџикимов и Михајлов, кој со спонзорства на клубот и сопствени средства заминаа на првенството, наместо тоа да го обезбеди Македонската карате репрезентација.

ВИДЕО: Бронзен медал за Енис Алиу во „SHADOWBOXING CHALLENGE“ на ЕУБЦ

Ивона Петрова — Tue, 09 Jun 2020 08:32:18 +0000

Европската федерација во бокс, ЕУБЦ организираше интересен настан со наслов „SHADOWBOXING CHALLENGE“ на кој сите боксери од Европа испраќаа свои видеа од тренинг објавени на социјалните мрежи. Нашиот боксер Енис Алиу од клубот Алексо Огненовски од Охрид, во конкуренција на боксери до 14 години освои бронзен медал. „SHADOWBOXING CHALLENGE“ беше одговор на пандемијата предизвикана од коронавирусот, започна на 11 мај и траеше до крајот на месецот, специјалното жири ги одбра најдобрите видеа. Одлуката на жирито се темелеше на техниката на боксерите, одбранбена и напаѓачка, Енис Алиу освои бронзен медал.

View this post on Instagram

Enis Aliu (14 years) #EUBC #AIBA #country ?? #shadowboxingchallenge #eubcchallenge

A post shared by Б.К. Алексo Oгненoвски (@b.k.alekso_ognenovski) on May 23, 2020 at 4:51pm PDT

Македонскиот боксер Гоце Јаневски обезбеди бронзен медал на Балканското првенство во Анталија

Тале Кристо — Wed, 11 Dec 2019 20:53:14 +0000

Македонскиот репрезентативец Гоце Јаневски го победи Србинот Филип Џиниќ во четвртфиналето на Балканскио тшампионат во Турција со 3:2 во категоријата до 75 килограми. Со оваа победа Јаневски обезбеди најмалку бронзен медал. Во полуфиналето тој ќе се сретне со Бесарт Пирева од Косово кој настапи на Златен Гонг 2019. Оваа борба е закажана за петок. Вториот македонски претставник Арсим Етеми загуби од Бирол Ајгун од Турција со 5:0 и го заврши настапот на шампионатот. Утре својата борба од четврфиналето ќе ја има Јасин Љама кој се среќава со Романецот Георге Думитреску во категоријата до 63 килограми.

Филип Додевски освои бронзен медал на ЕПУ 21 во Шведска во олимписко таеквондо

Дарко Андоновски — Sun, 08 Sep 2019 10:40:03 +0000

Филип Додевски освои бронзен медал на официјалното европско првенство до 21 година во олимписко таеквондо кое се одржува во Шведска. -Јуначки подвиг !!!

Среќен празник татковино !!! Имаме бронзен ?медал од официјално европско првенство до 21 година во олимписко таеквондо, Хелсингборг, Шведска !!! Филип Додевски категорија -87кг со две победи против Германија 30:13 против Хрватска 26:6 И за да биде се во наш стил ? за жал во последните секунди од борбата против Хрватот Филип се здоби со повреда на прст од шаката 99% фрактура но најважно е дека Филип е во ред дека и дека оваа повреда ќе ја надминеме како и сите до сега !!! Филип со таква повреда се обиде да се бори, не се откажа го даде над човечкиот максимум но фала му на Господ овој пат наша е бронзата !!! фала ти лаву што ни го честиташе денешниот празник на херојски начин со медал од европско првенство во олимписки спорт !!! јунак, лав !!! за Македонија со цело срце со цело !!!??❤️, стои во постот посветен на освоениот бронзен медал на Филип.

Емил Павлов ќе се бори за бронзата на ЕП, во полуфиналето од Русинот Плахутин

Дарко Андоновски — Thu, 28 Mar 2019 18:14:18 +0000

Емил Павлов ќе се бори бронзениот медал на Европското првенство во карате за сениори во Гладалахара – Шпанија, откако во полуфиналето загуби од Русинот Евгени Плахутин со 0-2. Анџело Крешченцо (Италија) го совлада Ерај Самдан (Турција) 2-1 во второто полуфинале. Покрај Павлов и Пуликсенија Јованоска ќе излезе на мегдан за бронзата во кати. Резултати -60 кг Емил Павлов – Рене Адлер (Словачка) 0-1 Емил Павлов – Марко Антиќ (Србија) 1-0 Емил Павлов – Ненад Дуловиќ (Црна Гора) 4-2 Емил Павлов – Евгени Плахутин (Русија) 0-2