бруклин нетс – Kurir.mk

Кајри Ирвинг нов кошаркар на Далас

Бошко Тасиќ — Mon, 06 Feb 2023 05:39:31 +0000

Кајри Ирвинг ја продолжува кариерата во дресот на Далас маверикс, откако газдата Марк Кјубан успеа да се договори со Бруклин нетс околу размената на играчи со која повеќекратниот олстар кошаркар кариерата ќе ја продолжи во Далас. Според договорот меѓу клубовите, Бруклин ги доби Спенсер Динвиди, Доријан Дини Смит, како и изборот од првата рунда на драфтот во 2029 година што требаше да му припадне на Далас. Челниците на Бруклин не сакаа да се разделат од еден од своите најдобри кошаркари, но пресудeн беше фактот дека договорот на Ирвинг истекуваше на крајот од сезонава, па „мрежичките“ се најдоа во ситуација да мора да го пуштат да си замине ако сакаат да добијат барем нешто за возврат.

Три екипи во игра за ангажман на Ирвинг

Бошко Тасиќ — Sun, 05 Feb 2023 07:09:38 +0000

Кајри Ирвинг сака да го напушти Бруклин Нетс до крајот на актуелниот преоден рок, па може многу лесно да го видиме во нова средина во престојниве денови. Едната од опциите е да заврши на друго место до 9 февруари, додека другото е да остане во Нетс до крајот на кампањата и потоа како слободен играч да ја одбере новата средина. Според секогаш добро информираниот новинар Шамс Шаранија три екипи, организации се подготвени да спремат пакет за размена за Ирвинг и тоа се Лос Анџелес Лејкерс, Феникс Санс и Далас Маверикс. Во Лејкерс се Леброн Џејмс и Ентони Дејвис, Феникс како главна ѕвезда го има Девин Букер, додека во Далас е Лука Дончиќ.

Кајри Ирвинг побара „трејд“ и тоа веднаш

Бошко Тасиќ — Sat, 04 Feb 2023 05:53:00 +0000

По летната драма во Бруклин Кајри Ирвинг сега не сака повеќе да чека и побарал трејд, известуваат одредени американски медиуми. Или сега ќе го разменат или како слободен играч за неколку месеци, па Нетси нема да добијат ништо за него. Рокот за трансфер е деветти февруари, а Кајри се одлучи за заминување по неуспешните кратки разговори за нов договор. Се предвидуваше дека Ирвинг ќе добие околу сто милиони, но очигледно проблемите со коронавирусот и добро познатиот став на ѕвездата на „мрежичките“ за вакцинацијата, остави траги во односот на кошаркарот и клубот. Ирвинг сезонава настапи на 40 натпревари, со просек од 27,1 поени по натпревар.

Бруклин без ѕвездата две седмици

Бошко Тасиќ — Tue, 10 Jan 2023 05:45:52 +0000

Екипата на Бруклин Нетс доби лоши вести околу Кевин Дурант затоа што играчот има оштетени лигаменти и го очекува пауза од најмалку две недели. За време на третиот квартал од дуелот со Мајами Хит, Дурант доживеа повреда и повеќе не се врати во игра. Прегледите утврдија дека играчот има оштетени лигаменти, повреда која не е воопшто наивна, па го чека пауза. Дурант ќе паузира 14 дена, а потоа ќе се види каква ќе биде неговата состојба. Поволна околност за играчот е што не го повреди левото колено на кое има направено две операции низ историјата.

Бен Симонс ќе го пропушти натпреварот против Вашингтон поради болки во коленото

Ивана Ефремовски — Wed, 30 Nov 2022 08:41:26 +0000

Кошаркарот на Бруклин нетс, Бен Симонс повторно е надвор од терените и нема да игра на утрешниот натпревар против Вашингтон поради болки во левото колено. Симонс ќе го пропушти седмиот натпревар оваа сезона поради проблеми со коленото. Во понеделникот играчот беше принуден да го напушти теренот пред време за време на мечот со Орландо меџик (109:102). Тренерот на Нетс, Жак Вон, рече дека Симонс ќе се оценува секојдневно и се надева дека 26-годишниот фудбалер нема да мора да пропушта премногу време. Вон не мисли дека проблемите со коленото на Симонс се поврзани со неговата летна операција на грбот. (МИА)

НБА-ѕвезда ќе ја заврши кариерата поради мега-скандалот

Бошко Тасиќ — Thu, 10 Nov 2022 05:52:51 +0000

НБА играчот Кари Ирвинг веќе неколку сезони е во центарот на вниманието, пред сè поради непромислените работи што ги прави и поради куп скандали отколку за кошарката. Долго време не можеше да игра за Бруклин Нетс поради одбивањето да се вакцинира, а сега е во големи проблеми поради антисемитските коментари кои ги даде, поради кои на крајот се извини. Бруклин Нетс наметнаа услови кои мора да ги исполни за да се врати на теренот, беше суспендиран и казнет, но сега од САД пристигнуваат вести дека по овие коментари Кари Ирвинг би можел да стави крај на својата кошаркарска кариера. Како што пренесува „Фејдавеј ворлд“, неговата пазарна вредност е нула и никој не го сака во својот тим. Вредноста на маркетинг планот е исто така нула, бидејќи Најк ги прекина сите спонзорства со него и остана без речиси ниту еден спонзор, а сега американските медиуми пренесуваат дека неколку неименувани генерални менаџери на НБА тимови сметаат дека кариерата на Кари е завршена и дека тој никогаш нема да игра повторно во најдобрата лига во светот!

Тој повеќе не вреди, а премногу е платен, изјави еден генерален менаџер за „Фејдавеј ворлд“, а друг додаде: „Мислам дека Кари никогаш повеќе нема да игра во НБА“.

Дурант: Мојот прв НБА дрес беше од Винс Картер од Торонто

Дарко Андоновски — Tue, 01 Nov 2022 08:11:12 +0000

Напаѓачот на Бруклин нетс, Кевин Дурент постигна 36 поени ноќеска во победата над Индијана (116:109) и го престигна славниот Винс Картер на листата на најефикасни играчи во НБА. – Многу ми значи. Сакам да постигнувам поени. Ова е суштината на играта. Затоа сите играме кошарка. Го менуваме резултатот на семафорот, ја менуваме играта, не споменуваат заедно со легендите. Мојот прв НБА дрес е од Винс Картер од времето кога играше за Торонто. Порано го следев на млада возраст, а сега го победив по постигнати поени. Ова е важен момент во мојата кариера, рече Дурант. Ѕвездата на Бруклин сега има 25.754 поени во кариерата, додека Картер има 25.728. Дурант се искачи на 19. место на вечната листа стрелци во најсилната кошаркарска лига на светот.

Дурент останува во Бруклин

Бошко Тасиќ — Tue, 23 Aug 2022 18:39:07 +0000

Кевин Дурент останува член на Бруклин нетс, објавија од НБА клубот, преку изјава од генералниот менаџер на клубот, Шон Маркс, ставајќи крај на шпекулациите околу иднината на ѕвездата. „Тренерот Стив Неш и јас се сретнавме со Кевин Дурент и Рич Клајмен во Лос Анџелес вчера и се согласивме да продолжиме со нашето партнерство. Се фокусираме на кошарката со единствена цел – да се изгради тим кој ќе ја донесе титулата во Бруклин“, изјави Маркс. Дурент првично побара трејд на 30 јуни, а потоа во разговор со газдите на клубот изјави дека мора да бираат помеѓу него и двојката Неш-Маркс. Сепак, Неш и Маркс си ја задржаа својата работа, а Дурент ќе го исполни четиригодишниот договор вреден 198 милиони долари.

Бруклин ќе го задржи Ирвинг

Тале Кристо — Tue, 23 Aug 2022 08:18:39 +0000

Раководството на НБА-лигашот Бруклин нетс им даде до знаење на тимовите заинтересирани за Кајри Ирвинг дека планира да го задржи во тимот. Според „Атлетик“, за време на летната пуза, Ирвинг поминал заеднички тренинзи со соиграчите и имал „конструктивен дијалог“ со тимот. Претходно, инсајдерот на ESPN Брајан Виндхорст изјави дека Ирвинг ќе ја помине сезоната 2022/23 во Бруклин. Во јуни, Ирвинг искористи опција во неговиот договор и ја продолжи за сезоната 2022-2023 со плата од 36,9 милиони долари.

Драгиќ нов играч на Чикаго Булс

Бошко Тасиќ — Thu, 04 Aug 2022 07:02:23 +0000

Словенечкиот кошаркарски репрезентативец Горан Драгиќ ја продолжува кариерата во НБА лигата како нов челен на екипата на Чикаго Булс. Драгиќ го најави минувањето во Булс на почетокот на јули, но сега е објавено дека кошаркарот ќе потпише едногодишен договор во вредност од 2,9 милиони долари. Во редовите на Чикаго, Словенецот доаѓа од тимот на Бруклин Нетс, а претходно во НВА играше и за Феникс Санс, Хјустон Рокетс, Мајами Хит и Торонто Репторс, За 36-годишниот Драгич ова е 15-та сезона во најсилната кошаркарска лига на светот. Во тој период просечно постигнуваше по 13,7 поени по натпревар. Минатата сезона во Нетс имаше просек од 7,5 поени и 4,1 асистенции по меч.