Бруклин – Kurir.mk

Дурант доби лекарска дозвола за да продолжи со тренинзите

Ивона Петрова — Tue, 24 Jan 2023 20:13:24 +0000

Кошаркарот на Бруклин, Кевин Дурант добро закрепнува од истегнувањето на лигамент на десното колено, објави инсајдерот Шамс Чаранија. Триесет и четиригодишниот кошаркар доби лекарска дозвола да продолжи со тренинзите оваа недела. Следниот преглед ќе се одржи за две недели. Кошаркарот очекува да се врати на терените пред Ол-стар натпреварот (19 февруари) и да учествува на овој настан. Во тековната НБА-сезона, Дурант има просек од 30 поени, 6,8 скока и 5,4 асистенции со 1,5 блокади за 36,1 минута игра по натпревар.

Бостон со „метла“ за Бруклин во првото коло од НБА-плејофот

Ивона Петрова — Tue, 26 Apr 2022 06:03:54 +0000

Кошаркарите на Бостон селтикс го „исчистија“ Бруклин нетс во првото коло од разигрувањето за шампионскиот трофеј во НБА-лигата. Бостон ноќеска славеше на теренот на Бруклин со 116:112 и со максимални 4:0 во победи го елиминира ривалот. Ова беше првата „метла“ во годинашниот плејоф во најсилната кошаркарска лига на светот. Ниту 39 поени на Кевин Дурант не помогнаа Нетси да го избегнат поразот. Во победничкиот тим се истакна Џејсон Тејтум со 29 поени. Бостон во второто коло од плеј-офот ќе се сретне со победникот од серијата Милвоки – Чикаго. Ноќта понеделник кон вторник се одиграа уште два натпревара: Филаделфија – Торонто 88:103 (3-2 во победи за Филаделфија) Далас – Јута 102:77 (3:2 во победи за Далас).

НБА: Ирвинг казнет со 50.000 долари поради „среден прст“

Ивана Ефремовски — Thu, 21 Apr 2022 14:11:53 +0000

Кошаркарот на Бруклин, Кајри Ирвинг, е казнет парично со 50.000 долари поради недолично однесување на првиот натпревар од плејофот одигран во Бостон, во кој домашните „Селтикси“ славеа со 115-114 со кошот на Џејсон Тејтум во последната секунда, соопштија од канцеларијата на НБА. Казната е изречена ден пред вториот натпревар од плејофот во кој Бостон во средата вечер повторно славеше (114-107) и поведе со 2-0 во серијата до четири победи. Ирвинг е казнет бидејќи на публиката во ТД Гарден и покажа „среден прст“ и упати неколку пцости кон навивачите на Бостон. Поранешниот кошаркар на „Селтикси“ уфрли против својот поранешен клуб 39 поени и малку недостасуваше да биде јунак во победа на Бруклин, но неговиот труд во последната секунда го поништи Тејтум. (МИА)

Дурант ќе се врати на теренот против Мајами

Ивона Петрова — Thu, 03 Mar 2022 08:47:06 +0000

Ѕвездата на Бруклин, Кевин Дурант ќе се врати од повредата на гостувањето кај Мајами. Натпреварот е закажан за 1.30 часот по полноќ. Дурант ги повреди лигаментите на коленото во средината на јануари и оттогаш е надвор од терените. Кошаркарот оваа сезона има просек од 29,3 поени, 7,4 скока и 5,8 асистенции по натпревар. За време на отсуството на нивниот лидер, Бруклин наиде на тешкотии и падна на осмото место на табелата во Источната конференција.

Кари со девет тројки и 37 поени го предводеше Голден стејт до триумф над Бруклин

Тале Кристо — Wed, 17 Nov 2021 08:53:03 +0000

Кошаркарот на Голден стејт, Стеф Кари, го предводеше својот тим до победа (117:99) на средба со Бруклин нетс одиграна ноќеска во Њујорк. За 29 минути на теренот, лидерот на Вориорс постигна 37 поени, седум скока и пет асистенции, реализирајќи девет од 14 обида за тројка. Кари беше поуспешен и од играчот на Бруклин, Кевин Дурент во директниот дуел меѓу најдобрите двајца стрелци во регуларниот дел од НБА-лигата. Дурант средбата ја заврши со „само“ 19 поени. Голден Стејт продолжува да води во шампионатот со скор 12-2 (победи-порази).

Филаделфија и Бруклин не се договорија за размена на Симонс и Ирвинг

Магдалена Андонова — Wed, 13 Oct 2021 07:08:39 +0000

Раководствата на Филаделфија и Бруклин не се договорија за размена на Бен Симонс со Кајри Ирвинг, иако договорот може да биде од корист за двата клуба, пишува инсајдерот на „Атлетик“, Сем Амик. Сиксерс продолжуваат да бараат опции за размена на Симонс, кој пристигна на локацијата на тимот во понеделникот, откако го пропушти скоро едномесечниот тренинг камп. Од друга страна, Бруклин нетс официјално го суспендираа Ирвинг од тренинзи и натпревари додека не ги исполни барањата за вакцинација во Њујорк, поради кои не може да учествува на домашни натпревари. Според Амик, Сиксерс не се сигурни дека Ирвинг ќе се согласува со Џоел Ембид. Покрај тоа, Кајри има опција во неговиот договор следната сезона да стане слободен агент. Исто така, се верува дека Ирвинг може да одлучи да се пензионира доколку Нетс го разменат со друг тим. Бруклин се надева дека Њујорк ќе ги промени протоколите за вакцинација за спортови во затворен простор по што Ирвинг ќе добие право да игра во НБА-лигата. (МИА)

НБА наложи задолжително вакцинирање за екипите од Њујорк и Сан Франциско

Ивона Петрова — Thu, 02 Sep 2021 12:37:57 +0000

Кошаркарите на Голден Стејт, Њујорк и Бруклин ќе мораат да се вакцинираат против коронавирус за да можат да настапуваат на натпреварите на домашен терен во новата сезона, објави денеска раководството на НБА лигата. Според новите одредби, кои се на сила во Сан Франциско и Њујорк, сите лица повозрасни од 12 години мораат да бидат вакцинирани за влез во одредени објекти и присуство на настани од јавен карактер. На листата на објекти на кои се однесува одредбата се „Чејс центар“ во Сан Франциско, „Медисон Сквер Гарден“ и „Баркли центар“ во Њујорк. Американските медиуми објавија дека секој кошаркар, кој нема да биде на располагање за натпреварите поради тоа што не е вакциниран, ќе биде парично казнет, а му се заканува и дополнителна глоба или суспензија.

Дурент повторно повреден

Бошко Тасиќ — Mon, 19 Apr 2021 17:56:32 +0000

Кошаркарот на Бруклин Кевин Дурент, повторно е повреден. Дурент се повреди уште во првата четвртина од натпреварот со Мајами Хит . Според информацијата, тој има проблеми со левиот колк кој мора да биде лекарски третиран. Денеска ќе бидат направени специјалистички прегледи за да е утврди точната дијагноза и евентуалната пауза која тој мора да ја направи до санација на проблемот. Да подсетиме Дурент пропушти 23 натпревари со повреда на тетивата.

Прва победа на Бруклин со Дурант, Ирвинг и Харден во составот

Тале Кристо — Sun, 24 Jan 2021 09:14:27 +0000

Екипата на Бруклин нетс ја забележа првата победа со Кајри Ирвинг, Џејмс Харден и Кевин Дурант во составот. Ноќеска Бруклин го совлада Мајами хит со 128:124. Најефикасен кошаркар на мечот беше Бем Адебајо од Мајами со 41 поени, при тоа забележа и девет асистенции и пет скока. Во победничкиот состав се истакнаа Дурант со 31 и Ирвинг со 28 поени. Третиот член на „ѕвездената тројка“ Харден, средбата ја заврши со „дабл-дабл“ – 12 поени и 11 асистенции. Бруклин по 18 натпреври има 10 победи и се наоѓа на 5.место во Источната конференција од НБА лигата, додека Мајами го претрпи деветтиот пораз на 15 дуел и се наоѓа на 13,позиција.

Харден го напушти Хјустон и замина во Бруклин

Тале Кристо — Thu, 14 Jan 2021 08:09:44 +0000

Најдобриот кошаркар на Хјустон, Џејмс Харден, кариерата ќе ја продолжи во Бруклин. Според НБА инсајдерот Шемс Харанија, клубовите се договориле за трансфер на 31-годишниот Американец. Индијана и Кливленд исто така се вклучени во зделката која содржи голем број размени и права на избор на драфтот. Ѕвездата на Голден Стејт, Стеф Кари, за трансферот на Харден од Хјустон во Бруклин рече дека е „луд момент“. – Со оглед на размените што се случија во последните 4-6 години, тешко е да се изненади на што било во оваа лига, но она што се случи сега е „луд момент“. Рамнотежата на силите во лигата веднаш се промени. Претходно, Кевин Дурент играше во нашиот тим, а сега ќе игра заедно со Кајри Ирвинг и Харден. Ќе биде интересно да ги видите заедно, истакна Кари.