Бруно Фернандеш – Kurir.mk

Фернандеш нов капитен на Манчестер јунајтед

Ивона Петрова — Fri, 21 Jul 2023 09:09:44 +0000

Португалскиот фудбалер Бруно Фернандеш следната сезона ќе ја носи капитенската лента во дресот на Манчестер јунајтед, потврди денеска англискиот прволигаш. Португалскиот репрезентативец се пресели во Јунајтед во 2020 година од Спортинг од Лисабон и на 185 натпревари за клубот од Манчестер постигна 64 голови, запишувајќи и 54 асистенции. Фернандеш ќе ја преземе капитенската лента од Хари Мегваер, кој беше капитен на клубот од „Олд Трафорд“ од јануари 2020 година.

Фернандеш: Не го користете моето име за да го нападнете Роналдо

Ивана Ефремовски — Sun, 15 Jan 2023 16:13:50 +0000

Фудбалерот од средниот ред на Манчестер јунајтед, Бруно Фернандеш реагираше на однесувањето на навивачите по дербито со Манчестер Сити (2:1). По победата, фудбалерот изјави дека играчите на клубот изгледаат „како вистински тим“. Многумина ова го протолкуваа како „пецкање“ на Кристијано Роналдо, кој во ноември го напушти Манчестер јунајтед. -Не го користете моето име за да го напаѓате Роналдо. Кристијано беше дел од нашиот тим во првата половина од сезоната. Продложуваме понатаму, изјави Фернандеш. По 18 натпревари, Манчестер јунајтед е трет во табелата во Премиер лигата со 38 бодови. Лидер е Арсенал (44 бодови на 17 натпревари). (МИА)

ВИДЕО: Португалија е третиот осминафиналист во Катар

Ристе Здравков — Mon, 28 Nov 2022 21:02:07 +0000

После Франција и Бразил Португалија е третиот осминафиналист на Светското првенство во Катар. Вечерва Португалците славеа во дербито против Уругвај со 2:0. Првото полувреме не донесе премногу возбудувања, па мрежите мируваа. Португалците до победата стигнаа во второто полувреме кога беа постигнати двата гола. Двата гола беа дело на Бруно Фернандеш. При првиот гол Фернандеш нафрлуваше за Роналдо во 54. минута, но Роналдо иако скокна не играше со топката, па голот беше запишан на Фернандеш. Се обидуваа Уругвајците, влезе и Суарез во нападот, меѓутоа реализацијата изостана. Точка на натпреварот беше ставена во судиското продолжение кога Бруно Фернандеш го реализираше досудениот пенал.

Portugal's second goal by Bruno Fernandes 2-0 ⚽⚽#PORURU
pic.twitter.com/xBiP0lL30n
— SHA3WAZA (@SHA3WAZA_3) November 28, 2022

Во оваа група Португалија е сигурна пред третото коло со шест бода, а за втората позиција ќе се борат Гана која има три бода и Јужна Кореја и Уругвај со по еден бод.

Фернандеш: Ја гледаме најдобрата верзија на Кристијано кога тој е критикуван

Ивона Петрова — Fri, 25 Nov 2022 10:36:13 +0000

Португалскиот играч за врска Бруно Фернандеш го истакна одговорот на Кристијано Роналдо кој периодов е изложен на критики поради слабите игри во неговиот доскорешен клуб Манчестер јунајтед. – Мислам дека тој ужива да работи во средина каде што сите го критикуваат, затоа ве молам сите: продолжете. Го гледаме најдобро кога го критикувате. Да се игра со Роналдо за клубот и за репрезентацијата е остварување на сонот, нешто посебно. Сега за мене главно е Португалија да се претстави што е можно подобро. Во овој случај Роналдо ќе биде среќен, и јас, и цела Португалија ќе биде среќна, изјави Фернандеш. Роналдо беше стрелец на првиот гол за Португалија на вчерашниот натпревар со Гана (3:2).

Роналдо и Бруно се шегуваа, тврди Жоао Марио, но ова ВИДЕО говори сосема друго

Ристе Здравков — Tue, 15 Nov 2022 15:44:30 +0000

Кристијано Роналдо и Бруно Фернандеш се шегуваа и нема никакви конфликти меѓу нив, вели напаѓачот на Бенфика, Жоао Марио, откако навивачите на Манчестер јунајтед проценија дека Бруно му е лут на Роналдо за интервјуто кое го даде за состојбата во англискиот клуб. Но, и покрај бројните написи, Жоао Марио вели дека се работи за вообичаена атмосфера пред Мундијалот со многу исчекувања и надежи. „Бев присутен во соблекувалната кога пристигна Бруно. Тоа беше шега меѓу нив двајца. Роналдо го праша дали пристигнал со брод, бидејќи доцнеше, а играат заедно. Тоа го прават секогаш“, вели Марио на денешната прес-конференција.

Bruno Fernandes catching up with Cristiano Ronaldo in the Portugal camp 👀🇵🇹

(via @selecaoportugal) pic.twitter.com/D1UFlfBlwG
— ESPN FC (@ESPNFC) November 15, 2022

Фернандеш во Манчестер Јунајтед останува до 2026

Тале Кристо — Fri, 01 Apr 2022 11:57:17 +0000

Двојниот стрелец за Португалија во триумфот над македонската репрезентација во финалето од мундијалскиот бараж Бруно Фернандеш потпиша денеска нов договор со Манчестер Јунајтед до јуни 2026 година, со можност за продолжување на соработката за уште една година. Португалскиот репрезентативец премина во Јунајтед од Спортинг во јануари 2020 година и стана клучен играч на премиерлигашот од Манчестер. На 117 натпревари во сите натпреварувања 27-годишниот Португалец постигна 49 голови и запиша 39 асистенции за Манчестер Јунајтед, иако неговата форма сезонава е на пониско ниво. – И по две изминати години чувството да се излезе на „Олд Трафорд“ е неверојатно. Овде сакам да постигнам уште многу, а знам дека тоа е така и за моите соиграчи и сите во клубот. Повеќе од сè сакаме на навивачите да им пружиме успех, кои тие го заслужуваат. Споделивме некои прекрасни моменти во текот на изминатите години, но најдоброто од мене и од екипата допрва доаѓа, изјави Фернандеш.

Бруно Фернандеш ни го урна сонот, па Јунајтед ќе го направи меѓу тројцата најплатени!

Ристе Здравков — Thu, 31 Mar 2022 15:39:06 +0000

Португалската ѕвезда Бруно Фернандеш, кој ни го урна сонот за настап на Мундијалот завчера во Порто со двата гола за триумфот на Португалија против Македонија ги договорил сите детали за продолжување на соработката со англискиот великан Манчестер јунајтед и сега останува само да се потпишат документите. Според англиските медиуми, Фернандеш ќе потпише договор до 2027 година и ќе добие џиновска плата со која ќе биде меѓу тројцата најплатени фудбалери на „црвените ѓаволи“. Кристијано Роналдо е убедливо најплатен, а веднаш зад него е Давид де Хеа, шпанскиот голман. Фернандеш во Јунајтед дојде од Спортибх Лисабон во јануари 2020 година и тогаш потпиша пет ипол годишен договор, но сега ќе потпише нов за поголема плата, откако со неговите игри сите се задоволни на „Олд Трафорд“. Инаку уште во јули лани почнаа преговорите на Манчестер јунајтед со Фернандеш за новата соработка.

Таа му била единствена девојка со која што се забавувал, па ја оженил – ова е „типичната“ Португалка која е сопруга на Фернандеш (ФОТО)

Дарко Андоновски — Wed, 30 Mar 2022 11:49:03 +0000

Португалскиот фудбалер кој вчера постигна два гола во финалето на плејофот за Светското првенство во Катар оваа година стана најозборуваната личност во ова деноноќие во нашата земја. И додека сите се присетуваат на натпреварот, најголем повод за славење имаше неговата репрезентација и нација која преку поразот на Македонија заминува на Мундијалот кој ќе стартува во ноември оваа година. По победата се огласи и самиот Бруно Фернандеш објавувајќи фотографија како шофер во трамвај кој води кон Катар 2022. Сепак, неговата најголема поддршка сопругата Ана Пињо не се огласи на ниту една социјална мрежа по фантастичниот успех на нејзиниот сопруг. Парот е во брак од 2015 година, а нивната љубовна приказна започнала уште во средношколските денови каде биле соученици. Таа е негова прва девојка и единствена со која што се забавувал, па потоа и ја оженил.

View this post on Instagram

A post shared by Bruno Fernandes (@brunofernandes.10)

View this post on Instagram

A post shared by Ana Pinho (@anaapinho_)

Нивното прво дете се роди во 2017 година, додека во 2020 година добија второ дете. Ана Пињо инаку го жртвувала студирањето за да биде целосна поддршка на својот сопруг, но и посветена мајка и домаќинка.

View this post on Instagram

A post shared by Ana Pinho (@anaapinho_)

Таа постојано со децата е на секој меч на својот сопруг и од трибините го бодрат во секоја прилика. Ана во последно време има и свој блог, а доста е активна и на социјалната мрежа Инстаграм.

View this post on Instagram

A post shared by Ana Pinho (@anaapinho_)

Сепак, за разлика од многуте девојки на фудбалерите кои сакаат да се разголуваат и изгледаат совршено, фановите на фудбалерот во една прилика ја нарекле „типична“ Португалка.

View this post on Instagram

A post shared by Ana Pinho (@anaapinho_)

Фернандеш: Обично Роналдо дава гол, а јас асистирам, овој пат е обратно

Ивона Петрова — Wed, 30 Mar 2022 06:07:25 +0000

Португалскиот играч за врска Бруно Фернандеш постигна два гола во финалето на плејофот за Светското првенство 2022 година. Португалија синоќа во Порто ја совлада македонската фудбалска репрезентација со 2:0 и обезбеди пласман на Мундијалот во Катар. – Овој натпревар треба да се памети затоа што влеговме на Светското првенство. Беше многу важен натпревар, навивачите беа беспрекорни, атмосферата вечерва беше неверојатна. Луѓето разбираат што ни треба. За мене главната работа е да му помогнам на тимот. Ако е можно и да реализирам. Секако, сите сакаме да постигнуваме гол на секој натпревар, без разлика дали тоа е најважниот или најмалку важен. Не ги губам од вид идеите на нашиот тренер. Секогаш се трудам да го правам она што го бара тренерот. Главната работа е што Португалија победи. Секој има амбиција. Роналдо и јас не сме исклучок. Обично тој постигнува гол, а јас асистирам. Но, овој пат беше обратно, изјави Фернандеш. Репрезентацијата на Португалија шести пат по ред ќе учествува на Мундијалот. Последен пат тимот го пропушти овој турнир во 1998 година. На Светското првенство 2006 година стигна до полуфиналето, во 2010 и 2018 година стигна до 1/8 финалето, во 2002 и 2014 година не ја помина групата.

Фернандеш: Португалија одиграла и далеку подобри натпревари од овој

Ивана Ефремовски — Tue, 29 Mar 2022 21:32:32 +0000

„Португалија одиграла и далеку подобри натпревари од овој, но овој ќе остане во сеќавањата затоа што ни донесе пласман на Светското првенство“ - истакна по натпреварот стрелецот на двата гола против Македонија, Бруно Фернандеш. -Не сум важен ниту јас, ниту Роналдо, Важна е Португалија. Обично јас му асистирам нему, а тој дава гол, а вечерва не беше така, туку обратно, истакна тој.