брус ли – Kurir.mk

Србин сака да го сруши рекордот на Брус Ли поставен пред 50 години

Ристе Здравков — Wed, 26 Jul 2023 17:30:04 +0000

За храбриот Давор Ќајиќ слушна цела Србија, но и регионот. И покрај тоа што е роден без дел од левата рака, младиот Давор успеал да ги собере сите сили, да почне да спортува и да влезе во Гинисовата книга на рекорди во една од најтешките спортски дисциплини - по број на војнички склекови изведени на една рака и една нога. Сега реши да оди чекор понатаму и да го собори својот рекорд, 400 склекови на една рака без одмор, педесет години по смртта на славниот Брус Ли. „Во себе чувствувам дека можам да го направам тоа, со тоа внатрешно чувство кое секогаш ме води непогрешливо, знам дека би можел да се подготвам и да го соборам тој рекорд. Сакам да направам нешто што никој не го направил 50 години. Вежбам секој ден, уфрлив и нови вежби, не знам точно кога ќе биде затоа што претходно ќе има уште еден рекорд. Не сум ни свесен дека имам хендикеп, нормално живеам, ништо не може да ме спречи“, изјави Давор за RINU. Соборениот Гинисов рекорд е само дополнителен поттик за него, дека всушност може да прави што сака. Нему му недостасуваат 60 сантиметри од левата рака, но тоа, како што самиот вели, никогаш не го спречило да постигне добар резултат. Спортувањето му овозможило да живее живот како сите негови врсници. Гинисовата комисија, која пристигна директно од Германија за да го оцени, немаше дилема да го прогласи Давор за рекордер откако направи 54 склекови во минута. Комисијата го увери дека неговите напори се исплателе. „И пред публиката, и пред комисијата имав огромна нервоза бидејќи се подготвував со години и тоа многу ми значеше. Сите мои пријатели кои ме поддржаа во мојата намера и ме советуваа да не ги бројам склековите кога се натпреварувам. Не знаејќи колку сум направил, подоцна ми рекоа дека успеав да направам 54 склекови за шеесет секунди, што беше огромен успех за мене. Комисијата го проследи мојот резултат во Лондон, каде што потврдија дека сум го соборил Гинисовиот рекорд“, вели Давор. Тој ја постигна својата зацртана цел со неверојатна упорност, верба во себе и исцрпувачки тренинзи, верувале или не во неговата спална соба, и од таму започнува нови походи за соборување на нов рекорд, односно да го запише своето име уште еднаш во дисциплината 150 склекови на една рака за три минути.

Неверојатната животна приказна на единствениот Брус Ли (ВИДЕО)

Ивана Ефремовски — Tue, 03 Mar 2020 21:46:57 +0000

Кога ќе го слушнете името Брус Ли, веројатно помислувате на едно нешто - експерт за боречки вештини. За него се верувало дека има натчовечка сила и дека можел да ја совлада буквално секоја борбена техника. Брус Ли беше познат и за неговите филмови, кои во свое време рушеа рекорди на бокс офисот и засекогаш ја променија филмската индустрија. Но и покрај сето ова, Брус Ли бил само човек, со низа проблеми и тешкотии. Животот на Брус Ли бил далеку од лесен, а ова видео одлично ја раскажува неговата животна приказна.

Ќерката на Брус Ли се скара со Тарантино

Дарко Андоновски — Thu, 15 Aug 2019 16:32:25 +0000

Ќерката на легендарната филмска ѕвезда Брус Ли, Шенон, влезе во расправија со режисерот Квентин Тарантино поради несоодветнo прикажаниот лик на нејзиниот татко во најновиот филм на Тарантино. Според неа во својот последен филм, „Беше еднаш во Холивуд“, режисерот создал вообразен и горд лик на Брус Ли кој наликува на човек со „заостанат“ карактер. -Тој не беше таков и никогаш никого не задевал ниту пак говорел во надмен тон, изјави Шенон за списанието „Вараети“. Критики доаѓаат и од поранешни соработници на Ли. На пример, се укажува дека карате ѕвездата никогаш не говорела дека може да го „скрши“ боксерот Мухамед Али, туку напротив, им давал совети на своите ученици да користат движења од боксерите како него. Тарантино до завчера беше во посета на Москва на руската премиера на својот филм, каде прашан од новинарите призна дека навистина дал малку поекспресивен лик за Брус Ли, но дека во целина манирот на арогантното поведение е предадено верно, бидејќи самиот го знае и го слушал карате мастерот. На ова, Шенон одговори дека режисерот треба да „замолкне“ и да се извини, јави „Вараети“. -Тој треба да признае дека лаже во филмот, а не за реалните луѓе да предава блескави филмски ликови.

Сите го знаеме Брус Ли: Кога ќе го погледнете ова момче, мајсторот за боречки вештини ќе го заборавите веднаш (ВИДЕО)

Ивана Ефремовски — Wed, 19 Sep 2018 15:10:01 +0000

Брус Ли, роден Ли Џун Фан, е актер, мајстор на боречки вештини, филозоф, режисер, продуцент, сценарист и основач на приодот на борба наречен „Џит Кун До“. Тој се смета за културна икона и еден од највлијателните борци на 20 век. Нема кој не го знае овој човек. Но, сега хит во светот е малиот Брус Ли. Кога ќе го погледнете ова момче, ќе заборавите на славниот мајстор на боречки вештини.

УРНЕБЕСНО: Овој Грк мисли дека е Брус Ли, неговите потези ќе ви останат во памет (ВИДЕО)

Ивана Ефремовски — Fri, 23 Mar 2018 16:57:34 +0000

Овој Грк ќе ве насмее до солзи. Неговата првична идеја беше да го покаже својот талент, но работите тргнаа во сосема поинаков правец. Тој мисли дека прави олицетворение на Брус Ли какво што досега никој нема видено. Неговите потези се дефинитивно уникатни, но во најнегативната смисла која можете да ја замислите.