брз кредит – Kurir.mk

СО ТУЃА ЛИЧНА КАРТА СЕ ОБИДЕЛ ДА ЗЕМЕ БРЗ КРЕДИТ – скопјанец заврши со лисици на рацете откако ги убедувал вработените дека е истиот во живо и на документ

Дарко Андоновски — Fri, 03 Nov 2023 11:34:27 +0000

На 02.11.2023 околу 09.30 часот во Скопје, полициски службеници од Полициската станица Чаир го лишиле од слобода Х.З.(45) од с.Крушопек, скопско. Тој се сомничи дека одзел лична карта на лице од скопско село и во филијала на финансиско друштво на подрачје на Бутел се обидел да земе кредит, претставувајќи се дека е лицето, но од вработените бил забележан дека лажно се претставува. Тој бил приведен во полициска станица и по целосно документирање на случајот, во координација со јавен обвинител, против него ќе биде поднесена соодветна пријава.

Скопјанка направила измама: Со изгубена лична карта аплицирала за брз кредит

Ивана Ефремовски — Mon, 30 Jan 2023 12:33:38 +0000

Единицата за економски и компјутерски криминал при СВР Скопје поднесе кривична пријава против Џ.Ш.(33) од Скопје, поради постоење основи на сомнение за сторено кривично дело „измама при добивање кредит или друга погодност“ по член 249 од Кривичниот законик. Имено, пријавената пронашла изгубена лична карта на лице од Скопје, по што со неа на 19.12.2022, во една филијала на финансиско друштво, аплицирала за одобрување брз кредит, со што имала намера да се стекне со противправна имотна корист во износ од 32.000 денари, обидувајќи се да го доведе во заблуда вработеното лице во друштвото дека личната карта е нејзина.

ХАОТИЧНА ИЗМАМА: Преку Месинџер успеале да му ги добијат личните податоци, подигнале брз кредит во негово име па го лажеле дека се пари од роднини од странство

Магдалена Андонова — Wed, 06 Oct 2021 12:42:55 +0000

Одделението за внатрешни работи Кочани до Основното јавно обвинителство Кочани, поднесе кривична пријава против П.С.(30) од Струга, на издржување на казна затвор од седум години во затвор Штип и против Н.Н.(28) од Штип. Првопријавениот П.С. остварил комуникација преку апликацијата Messenger со лице од кочанско село, се претставил како женско лице и успеал да го убеди да му ги даде сопствените лични податоци и податоците од неговата трансакциска сметка. После тоа, двајцата пријавени како соизвршители аплицирале за брзи кредити и од две финансиски друштва им биле одобрени парични средства во висина од 76.500 денари. Потоа, првопријавениот го довел во заблуда оштетениот дека парите се од „нејзини“ роднини од странство, оштетениот ги извадил од банка и ги дал на второпријавениот да ги предаде на П.С..