брза помош – Kurir.mk

Од возило на Брза помош се вадат маси за казино во Тетово (ВИДЕО)

Ристе Здравков — Mon, 02 Oct 2023 11:31:36 +0000

Видео вчера осамна на социјалните мрежи на кое може да се види дека во вечерни часови од возило на Брза помош се истоваруваат масички за казино. Според локалните медиуми, станува збор за нов скандал во Тетово, а видеото покрај тетовските, го споделуваат и други регионални медиуми.

ВО КОМБЕТО КОЕ СЕ ЗАПАЛИ ИМАЛО ПАЦИЕНТ ОД СКОПЈЕ – возачот со случајни минувачи веднаш го извадиле од внатре, еве ги деталите

Дарко Андоновски — Tue, 29 Aug 2023 12:33:21 +0000

- Возило на Итната медицинска помош од Куманово се запали на улицата „Тоде Мендол“. Во пожарот нема повредени лица, иако со возилото бил транспортиран пациент од Скопје за Куманово. - За среќа нема повредени. Возачот и случајните минувачи навреме реагирале, го изнеле пациентот на безбедно и почнале да го гасат чадот од предната страна на возилото, изјави за МИА, директорот на Здравствниот дом, Фарук Алили. Итната медицинска помош од Куманово располага со вкупно четири амбулантски возила, сега поради инцидентот остануваат три возила. Алили нагласува дека сите возила се осигурани. - Имаме и сервисна служба, одговорен на возен парк, ќе почекаме да видиме, изјави Алили. Во гаснењето на пожарот интервенирала противпожарна екипа со едно возило. - Возилото зачадил. Веднаш е повикана Противпожарната единица и пожарот е изгаснат, изјави командирот на ТППЕ Куманово, Дејан Илиевски. Итната медицинска помош од Куманово покрива територија од североисточниот регион, вклучително и неколку гранични премини, меѓу нив и најфреквентниот во државата Табановце, како и селата од козјачијата со над 150.000 жители.

СЕ ЗАПАЛИ ВОЗИЛО НА БРЗА ПОМОШ ВО КУМАНОВО – огнените јазици го проголтаа додека пристигнаа пожарникарите (ВИДЕО)

Дарко Андоновски — Tue, 29 Aug 2023 10:06:46 +0000

Возило на Итната помош се запали во Куманово. Очевидци велат дека нема повредени. Од кумановската болница се уште не соопштуваат детали за настанот.

Се чека комплетниот извештај за возилото на Брза помош кое застана на бензинска, а носеше пациент

Ивона Петрова — Thu, 24 Aug 2023 13:38:20 +0000

Министерот за здравство Фатмир Меџити денеска информираше дека се чека комплетниот извештај за случајот со возилото на Брза помош, што застанало на бензинска пумпа, додека пренесувало пациент од Струга. - Инспектори на Државниот здравствен и санитарен инспекторат вчера биле на лице место, сѐ уште го немаме комплетниот извештај. Бевме во комуникација со директорот на Здравствениот дом, го чекаме извештајот и ќе го споделиме со сите медиуми, одговори Меџити на новинарско прашање за најавениот вонреден инспекциски надзор за овој случај. Претходно, на брифинг со новинари, прашан за овој случај, оти возило на Брза помош застанало на кафе пауза, додека пациент со кислородна маска бил во возилото, министерот изјави дека ќе ја провери информацијата и доколку е точна, ќе следуваат најригорозни казни за сторителите. Одговарајќи на новинарски прашања, тој се осврна и на преговорите со синдикалистите за усогласување на платите кои најавија протести доколку не се исполнат нивните барања. - Минатата недела се сретнавме со синдикалните претставници и разговараме на таа тема и се надевам дека многу брзо ќе најдеме позитивно решение, додаде Меџити.

Почина пациентот од комбето на Брзата помош чии вработени пиеја кафе на бензинска

Дарко Андоновски — Tue, 22 Aug 2023 11:16:19 +0000

Почина пациентот од комбето на Брзата помош чии вработени пиеја кафе на бензинска, објави „Слободен печат“. Пациентот починал неколку дена по транспортoт. Бил во терминална фаза на карцином и го транспортирале од Скопје до Струга. Во екипата која била задолжена да го транспортира пациентот имало лекар, медицинска сестра и возач. Снимката од бензинската пумпа е направена на денот на транспортот, во понеделникот на 14 август. Вчера министерот за здравство Фатмир Меџити изјави дека ќе го разгледа случајот за кој беше информиран од новинарка.

„Пациент чекал во амбулантно возило, Брзата помош пиела кафе на бензинска“, новинарка побара санкции од Меџити

Дарко Андоновски — Mon, 21 Aug 2023 11:44:11 +0000

Со снимка, новинарка му докажуваше на министерот за здравство, Фатмир Меџити, дека тим на Итната медицинска помош постапил непрофесионално. Таа кажа дека добила информација и материјал според која, пациент чекал во амбулантно возило со кислородна маска, додека медицинскиот тим пиел кафе на бензинска. „Ако го потврдиме ќе преземеме најригорозни мерки. Веднаш ќе го разгледаме тоа во министерство и да го потврдиме точно“, кажа Меџити. Тој ги охрабри сите кои имаат вакви информации, да ги споделат, а тој се обврза дека ќе постапи. „Ќе испитаме што било дали е точно. И да ги пријавите сите со име, презиме, адреса“, додаде Меџити.

Итната помош во Скопје со зголемен број интервенции на јавни места

Дарко Андоновски — Sat, 22 Jul 2023 13:27:08 +0000

Во Итната медицинска помош во Скопје деновиве е зголем бројот на повици, а денеска, за разлика од другите денови, има многу интервенции на јавни места, но не само за колапси од топлото време, изјави за МИА д-р Ѓорѓи Карамановски, одговорен на смена во ИМП. Во цела недела, како што рече, имало повеќе сообраќајни незгоди, минимум по пет до шест во текот на денот, а бројот на колапси бил од четири до пет. -Денеска нема нешто што е екстремно, сообраќајките се помалку, од утрото има две со полесни повреди. Колапсите се стандардно колку што се секој ден. Но има многу интервеции на јавни места, и тоа не се само колапси, туку и повредени, паднати итн. Имаше превртен од трактор во село Смесница во Зелениково, епи-напад во Градски парк, рече д-р Карамановски. Колапсите се должат, најверојатно, на топлото време и поради тоа што граѓаните не ги слушаат препораките да се избегнува излегување кога е најжешко. -На пример сега, во 13.15 часот, имаше колабирана на Зелен пазар. И тоа беше помлада госпоѓа, која очигледно не ги почитувала препораките што ги упатуваме преку јавните медиуми и во 13.15 излегла да пазари, рече одговорниот доктор на смена во ИМП. И сообраќајките денес, во кои нема потешко повредени, според лекарот, можеби се последица и од намалена концентрација. -Повредите се полесни. Очигледно намалена концентрација, сите брзаат некаде, топлото време си го прави своето, исто како и динамичниот живот, додава докторот. Тој укажува да се почитуваат здравствените препораки – во овој период не се излегува, се зема доволно количина течности, се носи лесна и светла облека, капи, очила за сонце. Поради годишните одмори, Итната медицинска помош работи со редуциран број екипи на терен.

За 60 насто зголемени интервенциите на Итната медицинска помош од Прилеп, има каснувања од змии

Дарко Андоновски — Sat, 22 Jul 2023 09:25:51 +0000

За 60-тина насто се зголемени интервенциите на службата за итна медицинска помош во Прилеп и за 20 до 30 повеќе амбулантски прегледи на пациенти од вообичаеното. Во викендот интервенциите и повиците се уште поголеми. Прилепската служба на Итната помош со полни раце работа, а екипите се снаоѓаат како знаат и умеат за да им пружат медицинска помош на жителите во Прилепскиот регион. Најчести пациенти се оние со хроничните заболувања. -Имаме премногу работа и една екипа од тројца- четворица лекари, четири медицински сестри и тројца шофери се снаоѓа како што може. Доволно сме екипирани, но мора да се каже дека е и време на годишни одмори, па и за персоналот. Се обидуваме да комбинираме од смена во смена и да ги опслужуваме сите пациенти. На терен се интервенира секаде. Има многу вртоглавици, најчести интервенции се кај повозрасната група граѓани кои имаат хронични кардиоваскуларни, респираторни хронични болести. Зголемен крвен притисок, астма, хронична белодробна болест, омалаксаност вртоглавици, вели доктор Даниел Аврамовски, началник на службата за Итна помош од Прилеп. Зголемени се каснувањата од инсекти, крлежи, а последниве две недели имале пет интервенции на граѓани каснати од змии. За среќа, не завршиле фатално, а три случаи се префрлени на клиниките во Скопје. Во овие две -три недели имавме пет каснувања од змии, на полињата каде работат полски работи. Пациентите се жалаат на каснувања од инсекти. Паниката е многу поголема од здравствениот проблем. Битно е првилен одговор на лекарот. Кај пациентите каснати од змии, за среќа немаа фатални компликации. Се препраќаат на инфективното одделение, три случаи пративме на клиниките во Скопје. Беа во добра здравствена состојба, се дава серум, се снаоѓаме. Во прилепско најмногу ја има отровната змија поскок, но битно е пациентот да не паничи и да даде вистински одговори за да реагираме. Има и каснувања од крлежи, објаснува д-р Аврамовски. Остануваат препораките да се внимава, да не се излегува на жештините, да се конзумираат течности и при секоја промена да се консултираат со лекар. Прилепската Служба за итна медицинска помош дава здравствени услуги на околу 100 000 жители од Прилепскиот регион.

Зголемен број на интервенции на Итната медицинска помош во Скопје

Дарко Андоновски — Tue, 18 Jul 2023 13:37:27 +0000

Екстремно високите температури на воздухот во земјава влијаат на здравјето на граѓаните. Итната медицинска помош вчера и денеска бележи зголемен број на извршени интервенции за разлика од викендот. До денеска попладне било интервенирано во 36 случаи. Според информациите од итната медицинска помош, станува збор за лица повредени во сообраќајни несреќи, несвестици, зголемен крвен притисок, а медицинските екипи интервенирале и за помош при пожар во Маџари. -Вчера се бележи зголемен број на извршени интервенции за разлика од викендот. Имало седум сообраќајки и пет колапси. Денеска до попладнево се реализирани 36 интеревенции. Имало пациенти кои паднале во несвест, пожар во Маџари, има многу сообраќајни несреќи, покачен крвен притисок..., изјави за МИА д-р Милица Бубало, раководителка на Итната медицинска помош со домашно лекување при Здравствен дом - Скопје. Препораките до граѓаните се вообичаени за вакво време, да се носи светла облека, да се консумира многу течности, да се избегнува извршување работи на отворено. Имајќи предвид дека денеска и вчера е зголем бројот на сообраќајни несреќи, д-р Бубало апелира до возачите да ги почитуваат собраќајните правила и прописи. Топлото време, вели таа, влијае и на управувањето на возилата, велосипедите, мотоцицклите..., но возачите треба да се воздржуваат од нервоза и напнатост. -Со оглед на тоа да внимаваат при управувањето на автомобилите, велосипедите, тротинетите..., изјави д-р Бубало за МИА. Инаку, пред викендот кога почна топлотниот бран, во просек до итната медицинска помош имало 250 до 350 повици.

Вработени во полиција и Итна помош добиле закани од агресивен маж во Гостивар

Ивана Ефремовски — Tue, 13 Jun 2023 15:40:10 +0000

На 12.06.2023 во 10.00 часот, полициски службеници од ОВР Гостивар го лишиле од слобода Ф.И.(41) од Гостивар затоа што агресивно се однесувал и се заканувал на полициски службеници и лица од екипата на Итна медицинска помош Гостивар, кои вршеле службени дејствија. По целосно документирање на случајот ќе биде поднесена соодветна пријава.