брзи и бесни 9 – Kurir.mk

Само во првиот викенд од прикажувањето, „Брзи и бесни 9“ заработи вртоглава сума на пари

Магдалена Андонова — Wed, 30 Jun 2021 09:20:02 +0000

Првиот викенд од прикажувањето „Брзи и бесни 9“ во американските кина заработи 70 милиони долари. Ова е најголемото достигнување во САД, по „Војна на ѕвездите: Подемот на Скајвокер“ во 2019 година. Филмот во кој глумат Вин Дизел, Шарлиз Терон, Хелен Мирен и Џон Сена е најуспешен и во светската филмска индустрија, за последниве 18 месеци, заработувајќи над 404 милиони долари ширум светот. Само во Сингапур, филмот заработи 1,28 милиони долари за четиридневните досегашни проекции, иако во киносалите има ограничување од 50 отсто за седиштата. Деветтиот дел од една од најуспешните филмски приказни беше одложуван неколкупати. Но, и покрај долгото чекање, и овој најнов филм, со многу акција, брзи автомобили и улични трки, успеа да ги врати обожавателите во киносалите.

Вин Дизел објави детали за „Брзи и бесни 9“

Катерина Бојаџиева — Tue, 09 Jul 2019 06:57:18 +0000

Шарлиз Терон и Хелен Мирен ќе ги повторат своите улоги во „Брзи и бесни 9“, објави на Инстаграм глумецот Вин Дизел, главниот протагонист од претходните осум дела од приказната. И двете се појавија во осмиот филм од серијалот пред две години – Терон како главната негативка, кибертерористката Сајфер, а Мирен како мајката на ликот на Џејсон Стејтам, терорист кој „премина на праведната страна“. Двејн Џонсон и Стејтам, односно „Хобс и Шо“, „се одметнаа“ од тимот и снимија свое спин-оф продолжение на сагата, па најверојатно нема да ги видиме во „Брзи и бесни 9“. Ликот на Мирен – Магделен Шо е дел и од „Хобс и Шо“. Деветтиот филм од серијалот „Брзи и бесни“ својата премиера ќе ја има во мај 2020 година.

„Брзи и бесни 9“ најверојатно без Карпата

Ивона Петрова — Thu, 05 Apr 2018 13:52:39 +0000

Актерот Двејн Џонсон, попознат како „Карпата“, изјави дека „не е сосем сигурен“ дали ќе се врати во деветтиот филм од серијалот „Брзи и бесни“. Проблемите започнале уште на снимањето на „Брзи и бесни 8“ во 2016 година, кога се појавиле искри на нетрпеливост меѓу „Карпата“ и Вин Дизел, кој го глуми главниот лик во сите филмови. - Вин и јас разговаравме неколкупати, и во четири очи. Јас сфатив дека имаме суштински разлики во нашиот пристап кон филмската работа и соработката. Ми требаше време за да го разберам тоа, но сега ми е јасно, и драго ми е поради тоа. Без обѕир дали ќе работиме повторно заедно или не, рече „Карпата“. Џонсон нагласува дека тука нема лутење, и дека му посакува се најдобро на својот колега, но дека не е сосем сигурен дали ќе ја повтори својата улога во идните продолженија на филмскиот серијал. Наместо тоа, кон крајот на минатата година, „Карпата“ и Џејсон Статам најавија нивна спин-оф верзија на автомобилската сага.