брзи избори – Kurir.mk

ВМРО-ДПМНЕ: Ајде на брзи избори без техничка влада, за малите партии понуда за една изборна единица

Тале Кристо — Tue, 18 Jan 2022 07:49:39 +0000

Ајде на брзи избори без техничка влада, за малите партии понуда за една изборна единица, стои во денешното соопштение на ВМРО-ДПМНЕ. ЛДП, ДОМ и ДС да не се кријат зад криминалните интереси, туку еве понуда за една изборна единица. Еве понуда да ја напуштат владата и да прифатат избори. Единствено важно за државата е излез од 4 кризи во кои ја втурна оваа гарнитура на СДСМ и ДУИ, и тие не се решение за тие кризи. До решавање и справување со кризите ќе дојде само со нова влада по спроведени парламентарни избори. Доколку пречка за СДСМ или ДУИ е техничката влада, ВМРО-ДПМНЕ е подготвено да разговара да дојде до промени во изборниот законик, но и за помалите партии кои како несогласување со СДСМ и ДУИ го посочија проблемот за една изборна единица. ВМРО-ДПМНЕ е подготвено да разговара по овие прашања, ако тоа гарантира предвремени избори, кои ќе бидат решение за проблемите и кризите, велат во партиското соопштение од ВМРО-ДПМНЕ.

Повеќе не му веруваат ниту нему, ниту на власта: Анкетите откриваат зошто Заев сака брзи избори среде коронавирусот

Дарко Андоновски — Mon, 08 Jun 2020 10:19:43 +0000

Секојдневните анкети во јавноста се само уште еден доказ во низата зошто претседателот на СДСМ и поранешен премиер Зоран Заев бара брзи избори среде коронавирусот кога животите на граѓаните се во опасност. Имено според анкетите направени во јуни и тие од пред неколку месеци јасно се гледа како граѓаните сфаќаат дека владата предводена од СДСМ е неспособна и не мрднува со прст за нив. На граѓаните од ден на ден се повеќе им е јасно дека оваа влада не направи ништо, а и тоа малку направено лошо го менаџираат. Промената на довербата и расположението кај граѓаните особено во овој период на пандемијата е импакт само поради лошото справување со истата од страна на власта. Институтот за Политички Истражувања од Скопје (ИПИС) спроведе кратко истражување во периодот помеѓу 2 и 5 Јуни 2020 на 1100 полнолетни испитаници на ниво на Република Македонија. Во истражувањето граѓаните ги изразуваа своите ставови за состојбите со коронавирус. Според податоците од анкетата, расте незадоволството кај граѓаните во институциите и работата на надлежните во справување со Ковид-19. Ако во април повисок бил процентот на анкетирани граѓани кои биле задоволни од работата на надлежните, во јуни ситуацијата е промената. Најголем дел од граѓаните, 32 проценти се незадоволни од работата на надлежните институции, додека 19.5 проценти донекаде не се задоволни. Податоците на ИПИС говорат дека 20,2 проценти се донекаде задоволни, а за задоволни се изјасниле само 17,2 проценти. Разликата во задоволството кај граѓаните е изразено со 22,5 проценти во однос на овие два месеци. Високи 48,3 проценти од граѓаните сметаат дека Македонија се справува полошо со кризата со коронавирус од другите земји во регионот. Во месец април 49 проценти дека Македонија исто се справува, а дел дури и подобро. Ситуацијата драстично е променета по само два месеци. Од ИПИС информираат дека истражувањето беше реализирано со користење на случаен примерок кој беше стратификуван за да се запази репрезентативноста на населението во Република Македонија. Во него беа запазени демографските специфики на населението како полова структура, старосни групи, степен на образование и етничка припадност, со соодветна поделба на испитаниците според местото на живеење и регионалната застапеност, со тоа што Скопје беше земено како посебна целина заради своите посебности. Преку анкетата може да се заклучи дека граѓаните се убедени дека катастрофалните одлуки кои ги носи владата ќе удрат по економијата, особено по џебот на граѓаните и ќе биде уште полошо во блиска иднина, тврдат граѓаните во анкетите. Особено со укинување на мерките среде пандемија и статистика од над 150-тина заболени во еден ден граѓаните сфатија колку многу и гори на власта за организирање на брзи избори се со цел да се замае јавноста додека последиците не излезат на виделина од оваа корона криза.

Над 40 проценти од граѓаните се за избори во август или септември

Граѓаните се согласуваат дека подобро е да има избори кон крајот на август или септември со цел да се намали ризикот од новозаразени од коронавирус и да се обезбеди поголема излезност. Податоците од најновата анкета на ИПИС говорат дека 40,2 проценти од испитаниците се согласиле со избори во август или септември, додека 24,8 проценти сметаат дека подобро е да има избори на почетокот на јули за да има целосно функционални институции. На ова прашање се изјасниле дека немаат одговор 35 проценти од анкетираните.

Македонија оди кон нов појак пик- луѓе умираат, а Заев бара избори

Дарко Андоновски — Tue, 02 Jun 2020 15:11:51 +0000

Македонија се движи кон нов пик на коронавирусот додека власта предводена од СДСМ и Зоран Заев бараат одржување на парламентарни избори во нашата земја. Додека денеска бројката на ново заразени надмина над 60-тина лица, вчера во Македонија имаше регистрирано над 90 лица, што е најмногу по 16 април кога беа заразени 107 лица во еден ден. Во последниве неколку денови рапидно расте и бројот на починати лица, додека Заев е убеден дека избори во Македонија мора да има. Поради заштита, изборите се решение, а датумот е завршена работа, тие ќе се случат на 5 јули за да добиеме функционална влада.Нема нови аргументи за нови економски мерки, а со тоа ни оправдување за нова вонредна состојба. Затоа изборите ќе бидат 22 дена по завршување на вонредната состојба, ова го изјави лидерот на СДСМ, Зоран Заев во пикот на епидемијата во Македонија. Според Заев, кој политикантски го набеди министерот Наќе Чулев за напливот на зараза, заборавајќи дека неговата СДСМ тераше и терa кампања меѓу граѓаните и пола влaда е во карантин со дузина заразени од врхушкта на партијата, не постоел никаков уставен и законски момент да се свика Собранието. „Ризично е веќе и по здравјето и слободата на граѓаните, не може Владата да носи сега закони претпладне, а попладне да ги извршува истите закони“, рече Заев. Лидерот на СДСМ стана епидемиолог и вели дека, верувале или не, вирусот слабее во неговиот ефект, сите се асимптоматски случаи, но се шири. Тој кажа дека сите нови случаи се од периодот кога имаше полициски час, што, според него, и тоа не е решение. „Ќе биде јули, секој има време да се подготви. Вирусот слабее во неговиот ефект, сите се асимптоматски, но се шири. Сите денешни бројки се од времето кога имаше полициски час, така што и тоа не е решение. Во сите овие денови имаше само пет хоспитализирани во Градската болница и двајца на Инфективната клиника. Ова ќе трае и на 5 август, и 5 октомври, и 5 јануари, не можеме Владата да ја оставиме вака заради нечии скриени калкулации. Здраво е за државата да има парламент и парламентарна демократија“, рече Заев.

Дали СДСМ на избори ќе оди без ИЕ2 – Цела нивна пратеничка листа од изборната единица 2 во изолација

По обелоденувањето на веста дека потпретседателот на СДСМ Мухамед Зекири е позитивен на Ковид 19, сите кандидати за пратеници на владејачката партија во втората изборна единица заминаа во домашна изолација. Како што велат дел нив од Фокус, после завчерашниот настан во Куманово на кој присуствуваа сите 20 кандидати за пратеници, меѓу кои и Зекири, заминале во домашна изолација по спроведена епидемиолошка анкета или по сопствена иницијатива. Со оглед на тоа дека целата пратеничка листа на СДСМ е ставена во домашна изолација, а нивниот партиски лидер Зоран Заев инсистира на брзи избори се поставува прашањето дали СДСМ на избори планира да оди без ИЕ2. И покрај денешниот голем број на новозаболени од Ковид-19, и покрај тоа што вчера регистриран беше најголем број на заболени во Македонија од откривањето на првиот случај, сепак лидерот на СДСМ и покрај ваквата денешна црна статистика, а и во текот на изминатата недела се закани дека повеќе нема попуштање и дека избори ќе имало на 5 јули. Од друга страна пак, ваквиот став на Зоран Заев денеска речиси и да го премолчеа повеќето партии, освен ДПА, бидејќи Мендух Тачи истакна дека избори треба да има на 5 јули. Инаку, поради контакт со Зекири и Лукаревска во изолација заминаа повеќе владини функционери.

ВМРО-ДПМНЕ: Само СДСМ може да излезе и да бара брзи избори во ден кога имаме 3 нови мртви од коронавирус

Тале Кристо — Tue, 26 May 2020 14:18:13 +0000

Само Костадин Костадинов може да излезе и да бара брзи избори во ден кога имаме 3 нови мртви од коронавирус, се вели со соопштението на ВМРО-ДПМНЕ. Во продолжение интегрален текст од соопштението на ВМРО-ДПМНЕ: СДСМ некрофилска и Зоран Заев се во борба за спас на власта и по цена на човечки животи. Република Македонија е единствена држава од регионот каде немаме намалување на бројот на случаи од коронавирус, иако државите од опкружувањето веќе и по 10 дена немаат ниту еден нов случај. Денеска во Република Македонија имаме 3 ново починати од коронавирус, а Зоран Заев при полна свесност бара избори. Тоа е организирано убиство од политички побуди. Зоран Заев и СДСМ свесно го ставаат животот на граѓаните во опасност, единствено за да ја задржат власта. Со СДСМ имаме само деструкција и загуби. Потребна е итна стратегија за обнова на Македонија. ВМРО-ДПМНЕ знае како. ВМРО-ДПМНЕ е различно од СДСМ. Со СДСМ и Заев добивме хибриден режим, неспособност, криминал и сиромаштија.

Филипче вели дека коронавирусот ниту е мртов ниту е заминат, а неговиот партиски ментор повикува на избори среде корона криза

Тале Кристо — Mon, 25 May 2020 08:56:04 +0000

Фотографиите и прилозите од вчерашното празнување во верските храмови и пред нив се повторно загрижувачки. И покрај апелите на здравствените институции да нема масовни собирања, да се почитуваат мерките за држење дистанца и ограничувањето на движењето, тоа не се случи, пишува денеска на својот профил на Фејсбук министерот за здравство Венко Филипче. -Го почитувам празнувањето и силно верувам дека тоа се значајни настани за сите нас, независно на која вера припаѓаме. Но, оваа година празниците во целиот свет се празнуваат на еден поинаков начин, ставјаќи го сопственото здравје и на нашите сограѓани пред се и над се, потенцира Филипче. Им се заблагодарува на граѓаните кои се придржуваат кон мерките, а кои за жал, понатаму можат да бидат изложени на ризик поради оние коишто тоа не го прават. -Коронавирусот ниту е мртов ниту е заминат. Тој е тука и за жал, проблемот ќе се провлекува се додека има такви кои го ингнорираат. Многу пати повторив, но еве уште еднаш ќе кажам. Здравствените работници не можат сами. Мерките се добри и навремени, но тие функционираат само ако се почитуваат, во спротивно немаат ефект. Почитувањето на мерките и ефектите од нив зависат само од нас како граѓани. Едноставно мора да се прифати новиот начин на живот, мора нашето секојдневие да го прилагодиме почитувајќи ги препораките, дециден е Филипче. Од друга страна пак неговиот партиски ментор, Зоран Заев и врхушката на СДСМ и покрај секојдневниот раст на новозаболени од корона вирус повикуваат на брзи избори и тоа среде корона криза. Обидувајќи се преку споредба со земјите од регионот како Хрватска, Србија да ја наметнат тезата дека еве и овие земји ќе одат на избори за време на пандемија, притоа заборавајќи да ги направат вистинските споредби и параметри, каде што треба да се каже дека Хрватска речиси и да го победи коронавирусот, додека Србија може да се пофали со голем број на тестирања во регионот и со одлично менаџирање на целата ситуација. Имено, Македонија е шампион во црната статистика во регионот и според податоците на worldmeters.info, во земјава во последните 5 дена се регистрирани 70 нови заразени на 1 милион жители. Во Србија има 49, во Бугарија 24, во Албанија 17, а во Грција и Хрватска по 4 нови заразени на 1 милион жители во последните 5 дена. Грција и Хрватска практично излегуваат од кризата и затоа веќе наголемо се подготвуваат за летната туристичка сезона. Македонија има 54 мртви на 1 милион жители и со оваа најзагрижувачка бројка, таа е апсолутен неславен шампион во регионот. Србија има 27 мртви на 1 милион жители (двојно помалку од нашата земја), а Хрватска, која има речиси занемарлив број новозаразени на дневна основа, има 24 мртви на 1 милион жители. Најмалку мртви (11 на 1 милион жители) се регистрирани во Албанија. Србија, која може да се пофали со најмногу, безмалку 25.000 тестирања на 1 милион жители, во овој момент бележи најголем број активни случаи на 1 милион жители – 582. Но, Македонија, со 12.129 тестирања на 1 милион жители, има 222 активни случаи на 1 милион жители. Блиску до нас е и Бугарија со 211 активни случаи, додека Хрватска има само 29 активни случаи на 1 милион жители. Србија има 1.277 вкупно заразени на 1 милион жители, но загрижува фактот дека Македонија, со двојно помалку тестирања, бележи 949 вкупно заразени на 1 милион жители. Сите други земји во регионот се многу подобри од нас, а најдобра е Грција, со вкупно 276 заразени на 1 милион жители. Инаку, Црна Гора веќе прогласи дека издвојувала победа во борбата со Ковид-19, а во Косово за првпат нема регистрирано новозаразени лица.

ЕУ го урна планот на Заев за брзи избори

Тале Кристо — Fri, 08 May 2020 17:25:10 +0000

Европската Унија побара земјите членки на Шенген зоната да ги затворат своите и заедничките граници за нови 30 дена. Во препораката од Европската Комисија се вели дека земјите членки треба да ги држат затворени заедничките надворешни граници на Унијата до 15 јуни поради коронавирусот. Тоа практично значи дека македонски државјани нема да можат од земјите на ЕУ да дојдат и да гласаат на изборите кои Заев ги побара за средината на јуни. Посебен проблем е набљудувачката мисија на Словенија ОБСЕ-ОДИХР затоа што сите набљудувачи од Полска Германија, Австрија, Шведска и други земји нема да можат да ги набљудуваат изборите ако бидат закажани како што побара Заев. Извор: expres.mk