буба – Kurir.mk

Во Париз снимена нова „Буба“ како од цртаниот филм, ќе оди ли во производство? (ВИДЕО)

Ристе Здравков — Thu, 15 Jun 2023 09:04:37 +0000

Само неколку дена откако „Volkswagen“ објави партнерство со продуцентите од новиот анимиран филм, на улиците во Париз е снимен физички модел. Токму така, главниот протaгoнист на четири тркала во филмот „Miraculous: Ladybug & Cat Noir“ е електрична верзија на „Volkswagen Beetle“, која го предводи стилизираниот идентитет на електричните „Фолксвагени“. Во соопштението „VW“ својот автомобил го нарекува „концепт на електрична Буба“, но иднината ја остава отворена не кажувајќи дали станува збор исклучиво за концепт за претстојниот анимиран филм или пак за нешто повеќе. Очигледно станува збор за нешто повеќе бидејќи ова не е само дигитален модел. Имено, автомобилот во природна големина е виден на манифестација поврзана со промоцијата на франшизата „Miraculous“ во Париз. Автомобилот предизвикал голем интерес, а со бројни фото и видеосодржини на социјалните мрежи се погласни се апелите до „Volkswagen“ да започне производство на ваков автомобил. Потсетуваме, оригиналната „Буба“ е претставена во 1938-ма година, а новите модели во 1997-ма и 2011-та година. Моделот престана да се произведува во 2019-та година, а од тогаш се погласни се гласините за враќање на автомобилот, и тоа во електрично издание. Меѓу другото, „Volkswagen“ го заштити името „e-Beetle“.

ФОТО+ВИДЕО: Волксваген и ја реставрираше „Бубата“ која ја вози 52 години

Ивона Петрова — Thu, 13 Dec 2018 20:10:41 +0000

„Бубата“ која Кетлин Брукс ја купила на 12. декември 1966. године ја нарекла Ени, а од тогаш тие две се неразделни цели 52 години. Кога Волксваген слушнале за овој случај, одлучиле целосно да ја реставрираат Ени. -Со мене беше низ мојот брак и развод. Во купувањето на куќата, почетокот на мојата работа, промената на неколку работни места, борбата со ракот на дојката. Секаде беше со мене и помина над 720.000 километри, вели Кетлин. Низ шега сопственичката на автомобилот вели дека Ени е иста како неа. -Спора е на угорнина и подобро работи кога е студено времето, вели сопственичката. Кога Волксваген дознале за нивниот однос, одлучиле да ја наградат за верност, а организиран е тим од 60 лица од фабриката во Мексико (каде последната, вистинска „Буба“ со воздушно ладење е направена во 2003 година), да извршат реставрација на Ени. Тимот ја спровел неверојатната трансформација, се со цел Кетлин да може да го користи автомобилот додека сака. Направени биле голем број унапредувања кои ќе и го олеснат возењето. Вградени биле диск-сопирачки на сите четири тркала, моторот бил преработен и зголема е моќноста на 1.600 кубика, ауспухот е од не’рѓосувачки челик, има електронско палење, но и многу други работи.

Легендарната „буба“ заминува во историјата

Катерина Бојаџиева — Fri, 14 Sep 2018 15:46:09 +0000

Германската автомобилска компанија „Фолксваген“ соопшти дека од јули 2019 година ќе престане со производство на легендарниот модел „буба“. Првата серија од овој модел беше произведена во далечната 1938 година во Германија, а автомобилска компанија соопшти дека пред да го прекине производството во фабриката во Мексико ќе пушти во продажба две посебни серии „Final Edition SE“ и „Final Edition SEL“, кои ќе бидат достапни како купе и кабриолет. Од „Фолксваген“ наведуваат дека причина за ваков чекор е трендот на автомобилскиот пазар, каде фокусот е насочен кон теренски возила и електрични возила. - Прекинот на производството по три генерации, и речиси седум децении, ќе предизвика силни емоции кај љубителите на ова возило, истакна директорот на „Фолксваген Америка“, Хајнрих Воебкен. Моделот беше дизајниран во 30-те години на минатиот век од Фердинанд Порше, а по Втората светска војна стана исклучително популарен, особено кај младите. „Буба“ доби култен статус во 60-те години со хипи движењето, но деценија подоцна почна да бележи пад во продажбата. Мината година во САД биле продадени околу 15.000 примероци што е драматичен пар во споредба со 60-те години кога се продавале и по 420.000 возила.