буџетски дефицит – Kurir.mk

Мицкоски: За само дваесет дена буџетскиот дефицит изнесува околу 110 милиони евра

Тале Кристо — Tue, 24 Jan 2023 09:29:17 +0000

Буџетскиот дефицит за само 20 дена е околу 110.000.000 евра, коментира на социјалната мрежа на Фејсбук лидерот на ВМРО-ДПМНЕ Христијан Мицкоски. -За само дваесет дена во 2023 година од 1ви до 20ти Јануари, буџетскиот дефицит е околу 110.000.000 евра. Нов долг за идните генерации. За да може неколкумина да крадат, цела држава е заложник. Ова не се европски вредности ова се криминални вредности. Доаѓа денот на одговорност за криминалците во политиката!, пишува во својата објава Мицкоски.

Албанија за единаесет месеци забележа буџетски дефицит од 590 милиони евра

Тале Кристо — Wed, 16 Dec 2020 11:01:01 +0000

Пандемијата со Ковид-19, услови албанската државна каса, во еднаесетте месеци од годинава да остане попразна за 310 милони евра. Ова го потврдуваат податоците на Министерството за финасии според кои во буџетот се слеале 382,9 милиради леки или 38,2 милијарди леки помалку споредено со истиот период минатата година. Најголем пад е забележан во ставката персонален данок на доход со околу 12,4 милијарди леки, потоа кај данокот на добивка со пад од 7,9 милијарди леки заради одложувањето на плаќањето како мерка на поддршка за надминување на кризата. Значително намалување има кај Данокот на додадена вредност бидејќи во перодот кануари-ноември се собрани 7,1 милијарди помалку во однос на 2019 година, што сигнализира забавување на потрошувачката во земјата. Но, пандемијата не ја поштеди ниту касата на општините, бидејќи до крајот на ноември тие собрале околу две милијарди помалку по основ на локални даноци и такси. Додека буџетот се соочува со голем недостиг на приходи, расходите од друга страна забележаа силен раст, достигнувајќи 455,6 милијарди до крајот на ноември или околу 24 милијарди повеќе од пред една година, во голема мера погодени со зголемување на фондот за вонредни состојби за справување со владинте пакети за поддршка. Овој голем дисбаланс помеѓу намалувањето на приходите и зголемените расходи, со цел справување со последиците од пандемијата, доведе до буџетски дефицит од околу 73 милијарди леки или 590 милиони евра. Тоа ја принуди владата да зема кредити за да ги покрие трошоците во текот на еднаесетте месеци од годинава.

Чешкиот Парламент го одобри порастот на буџетскиот дефицит на девет отсто од БДП

Тале Кристо — Tue, 23 Jun 2020 17:31:56 +0000

Долниот дом на чешкиот Парламент денеска го одобри зголемувањето на буџетскиот дефицит на централната власт за 2020 година со рекордни 500 милијарди круни (21,21 милијарди американски долари) на првото од трите читања, бидејќи Владата бара дополнителни средства за зајакнување на економијата погодена од пандемијата на коронавирусот. Владата претходно го зголеми планираниот дефицит на 200 милијарди круни, потоа на 300 милијарди, од почетното ниво од 40 милијарди круни. Најновата предложена бројка одговара на износ од околу 9,0 проценти од очекуваниот бруто-домашен производ на земјата во 2020 година. Овде не се земени предвид потенцијалните дополнителни влијанија на зголемените буџетски расходи на локалните самоуправи, системот на здравствена заштита и други чинители на јавниот сектор.