буенос аирес – Kurir.mk

ПРАЗНИ УЛИЦИ КАКО БУЕНОС АИРЕС ДА Е ВО КАРАНТИН – еве како изгледаше центарот на светот додека вчера Аргентина играше финале (ВИДЕО)

Дарко Андоновски — Mon, 19 Dec 2022 08:56:08 +0000

Aргентина стигна до светската титула откако на пенали ја победи Франција на светското првенство во Катар, а очекувано по победата големо славење и во Буенос Аирес. Улиците во Буенос Аирес беа исполнети со навивачи во сино-бела боја.

Buenos Aires 🤯🏆🇦🇷 #Argentina pic.twitter.com/RaPCkwy96L
— Fabrizio Romano (@FabrizioRomano) December 19, 2022

Аргентина по пауза од 36 години, стигна до третиот трофеј Светски шампион. Но, она што е интересно е тоа што додека се играл мечот, особено кога се изведуваа пеналите улиците на главниот град се празни како во времето кога светот беше во карантин од коронавирусот.

El último penal acercándose a 9 de Julio. pic.twitter.com/QvQL7Kr2Cj
— Archivo Humano (@ArchivoHumano) December 18, 2022

Аргентинец со возило влета во Амбасадата на Кина во Буенос Аирес

Ивона Петрова — Tue, 23 Jun 2020 05:28:22 +0000

Аргентинската полиција соопшти дека синоќа привела 24-годишен маж откако тој со автомобил удри во влезот на Амбасадата на Кина во Буенос Аирес. Во инцидентот никој не е повреден, а возачот е приведен. Според очевидци, тој викал дека има експлозив, но полцијата не пронајде ништо. Додека неименуван извор од Кинеската амбасада изјави дека мажот барал прием, но откако бил одбиен влегол во возилото и удрил во вратата на дипломатското претставништво.

По информациите дека е уапсен, се огласи Марадона

Ивана Ефремовски — Thu, 23 May 2019 08:06:20 +0000

Поранешниот фудбалер и селектор на репрезентацијата на Аргентина, Диего Марадона, негираше дека бил уапсен на аеродромот во Буенос Аирес. Претходно беше објавено дека причината за апсењето била тужбата на поранешната девојка Росио Олива. Тоа бара од него да плати сума од пет милиони фунти. Тие биле во врска шест години и се разделиле во декември минатата година. -Никој не ме спречи, не бев уапсен. И никој не ме однесе во притвор. Луѓето на аеродромот ме пречекаа прекрасно. Ги потпишав документите што бев должен да ги потпишам и ништо повеќе, изјави Марадона. Контроверзниот Аргентинец тргна кон дома од Мексико, каде работеше како тренер на локалниот клуб Дорадос.

Бах: Буенос Аирес е подготвен да ја организира Олимпијадата во 2032 година

Ивона Петрова — Thu, 18 Oct 2018 17:01:23 +0000

Буенос Аирес може да биде домаќин на Летните олимписки игри во 2032 година, изјави претседателот на Меѓународниот олимписки комитет (ИОК), Томас Бах. Во моментов, главниот град на Аргентина ги организира Младинските олимписки игри, а домаќините добија одлични оценки за организацијата. - По неверојатно успешните Младински игри никој не треба да има сомнеж дека Буенос Аирес е подготвен да организира Олимпијада. Ова може да се случи во 2032 година, прокоментира Бах. Во оваа фаза, желба за организација на Олимпијада 2032 најавија Индонезија и заеднички Јужна и Северна Кореја. На последниот ден на Игрите во Буенос Аирес, Томас Бах се надева дека вкупниот број на посетителите на натпреварите ќе достигне еден милион. Досега 974.000 гледачи ги следеа натпреварите, што е рекорд за една Младинска олимпијада.

Заврши состанокот на Г-20 во Буенос Аирес

Ивона Петрова — Mon, 23 Jul 2018 06:22:47 +0000

Министрите за финансии и гувернерите на централните банки на земјите од Г-20 соопштија дека засилените тензии во трговијата и геополитика се закануваат да го исфрлат од колосек светскиот раст, и повикаа за поголем дијалог. Во завршната декларација од средбата на Г-20 во Буенос Аирес тие истакнаа дека светскиот економски раст е силен, а невработеноста е на најниско ниво во последните десет години, но предупредија дека растот станува понесинхронизиран меѓу големите економии и оти се зголемиле ризиците од негативни трендови на краток и среден рок. Средбата се одржа во момент кога се заострува реториката во трговскиот конфликт меѓу САД и Кина. Американскиот министер за финансии Стивен Мнучин по завршувањето на средбата изјави дека ставот на Трамп во трговијата не е во корист на протекционизмот, туку сака слободна и фер трговија за САД. - Ние многу силно ја поддржуваме идејата дека трговијата е важна за светската економија, но таа мора да биде заснована на праведност и реципроцитет, рече Мнучин на прес-конференција. Тој информира дека немал значајни разговори за трговијата со кинескиот министер за финансии Лиу Кун на средбата на Г-20. МИА

Во Буенос Аирес почнува средба на министри за финансии и гувернери на централни банки од Г-20

Матеја Петровски — Sat, 21 Jul 2018 07:57:10 +0000

Во главниот град на Аргентина денеска почнува средба на министрите за финансии и гувернери на централните банки од земјите од Г-20. Меѓу учесниците на средбата во Буенос Аирес се директорката на ММФ Кристин Лагард, претседателот на Светската банка Џим Ким, Гувернерот на Европската централна банка Марио Драги и генералниот секретар на Организацијата за економска соработка и развој Хозе Анхел Тревињо. Кина и САД ќе бидат претставени на ниво на министер, а Русија испрати заменик-министер. Главниот состанок ќе се одржи денеска, а ќе биде посветен на ризиците и можностите во глобалната економија. Вториот состанок ќе се занимава со развојот на пазарот на трудот и финансиската инфраструктура. Овие две прашања се приоритет за Аргентинското претседателство на Г-20 оваа година. Утре министрите и гувернерите ќе одржат неколку работни сесии, посветени на навлегувањето на технологијата во финансискиот сектор и меѓународниот даночен систем, јави ТАСС.