Буфон – Kurir.mk

Буфон го собори рекордот на Малдини во Серија А

Тале Кристо — Sat, 04 Jul 2020 16:45:14 +0000

Голманот на Јувентус, Џанлуиџи Буфон се најде во почетниот состав за натпреварот од 30. коло од италијанскиот шампионат против Торино. Благодарение на ова, тој постави нов рекорд по бројот на натпревари во Серија А. Ветеранот го надмина достигнувањето на екс капитенот на Милан, Паоло Малдини. За 42-годишниот голман, овој натпревар е 648-ми во Серија А. Малдини остана на 647 натпревари во периодот од 1984 до 2009 година. Од сегашните играчи, само двајца имаат одиграно повеќе од 450 натпревари во Серија А: 35-годишен голман на Интер, Самир Хандановиќ (468) и 37-годишен напаѓач на Сампдорија, Фабио Квљаљрела (460). Буфон игра за Јувентус од 2001 година, откако се пресели од Парма, освен сезоната 2018/19 кога беше во ПСЖ.

Девојката на Буфон: Можам да се пензионирам пред Џанлуиџи да ја заврши кариерата

Тале Кристо — Mon, 27 Apr 2020 08:52:39 +0000

ТВ водителката Иларија Д’Амико, девојка на голманот на Јувентус, Џанлуиџи Буфон, даде прогноза дали голманот ќе го продолжи договорот. Претходно, тој рече дека нема намера да ја прекине кариерата. – Можам да се пензионирам пред Буфон да ја заврши кариерата. Зборувавме за сè, бидејќи сме заедно веќе шест години. Но, ние имаме правило – никогаш не сакам да го знам составот пред мечот, вели Д’Амико. Нашиот син Леополдо има четири години, тој е луд за фудбалот. Како мајка, верувам дека тој нема да тргне по овој пат, затоа што страдам како луда кога игра Џиџи. Се чини дека натпреварот никогаш нема да заврши, додава партнерката на Буфон.

Буфон ги повика навивачите на Јувентус да покажат почит кон Конте

Тале Кристо — Sun, 13 Oct 2019 14:57:19 +0000

Голманот на Јувентус, Џанлуиџи Буфон ги потсети навивачите на клубот дека сегашниот тренер на Интер, Антонио Конте, во минатото многу придонесе за успесите на „Старата дама“. Претходно, навивачите на Јувентус создадоа петиција во која се бара да ја отстранат ѕвездатата на Конте од клупската алеја на славните, поради фактот што специјалистот стана тренер на Интер. – Навивачите на Јувентус мора да запомнат дека треба да го почитуваат Конте, бидејќи тој има многу дадено на Јувентус и постигна одлични резултати. За неговиот избор може да се разговара долго време, но тој многу придонесе за клубот, изјави Буфон за „Футбл Италија“.

Буфон го изедначи рекордот на Малдини

Дарко Андоновски — Sat, 21 Sep 2019 17:09:40 +0000

Голманот на Јувентус, Џанлуиџи Буфон се најде во составот на италијанскиот првак на денешниот дуел со Верона во 4.коло од Серија А. За Буфон, оваа е 902. натпревар за Јуве, со што тој го изедначи рекордот по бројот на натпревари за еден клуб на поранешниот дефанзивец на Милан, Паоло Малдини. Кога зборуваме за рекорден број настапи во Серија А, Малдини е прв со 647. Буфон сега има 642 натпревара.

Едно полувреме го дели Буфон од нов рекорд

Ивона Петрова — Tue, 20 Mar 2018 07:19:49 +0000

Не цело полувреме го дели голманот на Јувентус од уште еден рекорд во италијанскиот фудбал. Ветеранот не примил гол на последните 10 натпревари од Серија А и треба да издржи уште само 43 минута за да стане чувар на мрежата кој најдолго не бил совладан. Во следниот круг Јувентус на 31 март го пречекува Милан, а Буфон ќе има тешка задача да го зачува својот гол. Буфон не примил гол на 10 последователни натпревари, или вкупно 931 минута. На саботниот меч со СПАЛ, тој го надмина достигнувањето на поранешниот голман на Милан, Себастијан Роси кој сезоната 1993/94 имаше 929 „суви“ минути. И сегашниот рекорд е во сопственост на Буфон, поставен е сезоната 2015/16 и изнесува 973 минути. На светско ниво апсолутен рекордер е Бразилецот Переира де Матос Мазаропи со 1.816 минути зачувана мрежа како голман на Васко де Гама во сезоната 1992/93.