бугарин – Kurir.mk

БУГАРИН ПОМИНАЛ НА ЦРВЕНО И СТАВИЛ ПАРИ ВО СООБРАЌАЈНАТА – полицајците кога виделе што има на ум следувало вистински пекол за него!

Дарко Андоновски — Fri, 11 Aug 2023 07:08:08 +0000

На 10.08.2023 околу 14 часот во Скопје полициски службеници од ПС Кисела Вода го привеле Б.Е.Г. (60) од Петрич, Република Бугарија поради сторено кривично дело „давање поткуп“ по чл.358 од КЗ. Имено, Б.Е.Г. бил сопрен од полициските службеници откако сторил сообраќаен прекршок односно со товарно моторно возило „ивеко“ поминал на црвено светло на семафор, а откако полициските службеници му ја побарале сообраќајната дозвола и му укажале дека ќе му биде изречена глоба, Б.Е.Г. во сообраќајната дозвола ставил пари (евра) и рекол дека тоа го направил за да се почестат, односно да не му изречат глоба. Полициските службеници веднаш го лишиле од слобода Б.Е.Г. за сторено кривично дело „давање поткуп“ по чл.358 од КЗ. Известен е јавен обвинител и по документирање на случајот против Б.Е.Г. до ОЈО Скопје ќе биде поднесена кривична пријава по брза постапка.

Бугарин измамен од државата: Купил скап автомобил без мотор на аукција

Катерина Бојаџиева — Mon, 23 Jan 2023 08:20:28 +0000

Бугарин кој учествувал на наддавање организирано од бугарската Национална управа за приходи, платил за скап автомобил, но, како што вели – го добил без мотор. Во документацијата пишувало дека автомобилот бил во многу добра техничка состојба, со 6-брзински менувач, јави Нова ТВ. Имено, Даниел Николов најпрвин мислел дека дошло до недоразбирање. Откако се испоставило дека наместо на моторно возило, станал сопственик на нецелосен автомобил, мажот побарал да му бидат вратени парите. Меѓутоа, Управата одбила да му ги врати парите. Одговорните, наместо тоа, го советувале дека треба да го прифати купениот автомобил и сам да си ги бара правата на суд.

Маж од Бугарија приведен во Македонија

Ивана Ефремовски — Sun, 01 Jan 2023 11:18:30 +0000

На 31.12.2022 во 16:40 часот на Граничен премин „Деве Баир“, полициски службеници го привеле Р.С.Г.(46) од Република Бугарија затоа што при пасошка контрола и проверка било констатирано дека евидира на стоп листа со мерка „лиши од слобода“ за издржување затворска казна за сторено кривично дело по член 187 и член 214-218 од Законот за кривична постапка. Лицето било спроведено во надлежна казнено-поправна установа за издржување на казната.

Пендаровски: Апсолутно не постои начин од Македонец да направиш Бугарин

Тале Кристо — Thu, 22 Dec 2022 11:08:44 +0000

Модифицираниот француски предлог, поради кој се поделивме до невидени граници, предизвика бројни контроверзии, но, сите беа директно или индиректно поврзани со стравот од идентитетска закана, за Македонците и македонскиот јазик. Реферирајќи на тезата дека само како Бугари можеме да влеземе во Европската Унија, сакам да потенцирам дека апсолутно не постои начин од Македонец да направиш Бугарин, нагласи денеска претседателот Стево Пендаровски при годишното обраќање во Собранието. Осврнувајќи се на масовните протести што се одржаа во текот на летниот период поврзани со таканаречениот „француски предлог“, за кој рече дека денес е европска преговарачка рамка, Пендаровски нагласи дека беше создадена атмосфера на жестоки политички тензии во земјата и перцепција во дел од јавноста дека тоа е судбинска дилема да се биде или не за нацијата и државата и дека наводно носиме одлука која ќе ја дефинира судбината на идните генерации Македонци и македонски граѓани – Тоа се два различни идентитетски кодови, два различни народа со своја специфична етногенеза. Во историјата нема таков пример, со договор да му биде сменето националното чувство на цел еден народ, потенцираше претседателот зборувајќи тензиите создадени меѓу Македонците и Бугарите, односно наводното загрозување на нашиот идентитет. И по пет месеци, длабоко сум убеден дека ставот кој го изнесов на 3 јули оваа година дека одлуката да го прифатиме модификуваниот француски предлог не е ниту историски триумф, ниту историски дебакл и денес може да издржи аргументирана критика. При тоа, одбивам да поверувам дека политичка цел или приоритет на претседателот на Франција или на пример, на германскиот канцелар им е да го обезличат македонскиот народ за како Бугари да не внесат во Европа, нагласи Пендаровски. Пендаровски рече дека практичните чекори по усвојувањето на т.н. „францускиот предлог“ само потврдиле дека формулацијата за македонскиот јазик во рамката била недвосмислена, што, како што наведе, беше јасно потврдено со потпишување на договорот со Фронтекс. Шефот на државата нагласи и дека во контекст на меѓународно заокружување на македонскиот идентитет, ова беше година на крупен исчекор и со конечното етаблирање на Македонската православна црква – Охридска Архиепископија во рамките на православната екумена. – Иако станува за збор за одлуки на верски власти, а ние живееме во секуларна држава, ноторен факт е дека туѓите пропаганди низ историјата, а и денес се обидуваат да ја разнишаат духовната врска на Македонците со нивната црква, потенцира Пендаровски. Според претседателот на Републиката, таквиот позитивен развој на настаните овозможи и за првпат по повеќе години да се поклониме во манастирот „Свети Отец Прохор Пчински“ на местото каде што се поставени темелите на современата македонска држава. – Туку, денес не е лошо да се потсетиме накусо каква е нашата грижа, поточно негрижа за македонскиот јазик, дома, во татковината, од каде што тврдам дека потенцијално нѝ доаѓаат поголеми опасности за неговото опстојување, отколку нападите од Бугарија. Дали беше потребно да го чекаме јубилејот 100 години од раѓањето на Конески, за да се соочиме со нашата негрижа за јазикот во јавниот простор, со драстично намалениот број на лекторати и македонисти во светот, со само неколкуте преостанати паралелки со македонски деца кои го изучуваат македонскиот јазик во дијаспората или очајната состојба со младиот наставен кадар кој со години не е обновен на факултетите и институтите по македонски јазик, рече претседателот.

Џамбаски од Приштина: Скендербег е Бугарин и точка (ВИДЕО)

Тале Кристо — Fri, 02 Sep 2022 15:28:54 +0000

Европскиот пратеник од Бугарија Ангел Џамбаски објави видео снимено пред споменикот на Скендербег во центарот на Приштина, во кое објаснува дека албанскиот национален херој Георг Кастриот Скендерберг „по мајка е Бугарин“ и дека на Косово има многу многу негови „сонародници и сомисленици Бугари“. Контроверзниот европретеник од партиајта ВМРО-БНД на Красимир Каракачанов, познат по своите радикални ставови, вели дека негова цел е во Косово да бидат признаени Бугарите како национално малцинство, што според него е дел од бугарската национална кауза. Бугарија вложува големи напори да конституира бугарско национално малцинство во Албанија. Со помош на притисокот врз Тирана за почеток на преговорите со ЕУ Софија успеа да издејствува Бугарите да бидат признаени како малцинство и да бидат внесени како графа на следниот попис. Во исто време, според здруженијата и партиите на Македонците во Албанија, Софија спроведува интензивна кампања меѓу македонското население во Албанија, со делење литература, социјална помош, како и бугарски документи, за да привлече што повеќе од нив да се изјаснат како Бугари. На Косово живее значителен број Горани, етничка подгрупа на етничките Македонци со муслиманска вероисповед, кои најверојатно се следна цел на бугарската пропаганда. Гораните, или Горанците живеат во областа Гора, која се простира во Косово, Албанија и дел во Македонија, и нивниот број се проценува на околу 60.000.

ФОТО: Бугарин со комбе направи хаос на границата меѓу Хрватска и Унгарија

Дарко Андоновски — Wed, 04 May 2022 14:31:56 +0000

Возач на бугарско комбе утрово во еден часот удрил во куќичките на границата меѓу Хрватска и Унгарија, при што неколку лица биле повредени. Полицијата соопшти дека станува збор за сообраќајна несреќа, по што се очекуваат повеќе детали во следните часови. Двајца хрватски полицајци завршија во болница по констатирани повреди, а засега не е познато какви повреди заработил возачот.

Бугарите тврдат дека Владимир Путин има бугарски корени, а еве и од кој град потекнувал!

Тале Кристо — Fri, 11 Mar 2022 10:17:32 +0000

Доц. д-р Добринка Раичинова открива дека рускиот претседател Владимир Путин има бугарски корени, пишува бугарски ko4.bg. Неговото потекло е од градот Чипровци. Таа ја проучувала генеалогијата на лидерот Русија. Иречек во Историја на Бугарија споменува дека за време на востанието Чипровци (во 1688 година) едно момче од семејството Путин го преживеа масакрот во кој беа убиени сите благороднички семејства и нивните потомци, учесници и побегнал во Русија. И ова момче се населило во Санкт Петербург. -Претпоставувам дека со тоа што се омажил за Русинка, се создава семејството Путин, бидејќи јас не познавам друго семејство освен семејството од Санкт Петербург. Претпоставувам дека корените на ова семејство потекнуваат од овој прадедо, кој избегал од Чипровци, открива вонреден професор д-р Добринка Раичинова. Затоа Владимир Путин е толку силно врзан за Бугарија, вели Раичиова. Извор: ko4.bg

Денко Малески го декларирал Крсте Петков Мисирков како бугарин, а Гоце Делчев со бугарско национално чувство

Магдалена Андонова — Sat, 14 Nov 2020 16:05:44 +0000

Османи денеска потврди дека ги користел услугите како советник на Професорот и прв македонски министер за надворешни работи, Денко Малески, кој пак оваа пролет во разговор за бугарската телевизија „Европа“ во емисијата „Слободна зона“, зборуваше за македонско-бугарските отворени прашања. Таму ги декларирал Крсте Петков Мисиреков за бугарин,а Гоце Делчев со бугарско национално чувство, на што наиде на критки кај овдешната стручна јавност и публика, пренесува телевизија Телма.

Ангеловски: Ако прифатиме дека Гоце Делчев е Бугарин, ние прифаќаме дека сите сме Бугари

Дарко Андоновски — Tue, 27 Oct 2020 17:56:50 +0000

„Оваа гарнитура на власт има агенда за уништување на Македонија. Затоа е формирана таа антимакедонска коалиција. Ако ние прифатиме дека Гоце Делчев дека е Бугарин, ние прифаќаме дека ние сите сме Бугари“, нагласи Страшо Ангеловски, лидерот на ТМОРО-ВЕП, вечерва во емисија „Што не е јасно“. Ангеловски запраша што биле нашите прадедовци кои живееле во време на Гоце Делчев, ако нашиот херој бил Бугарин. „Прифаќајќи ја бугарската теза дека Гоце е Бугарин, ние во истиот момент потпишуваме дека ние Македонците имаме бугарски корени. И дека ние Македонците сме дел од бугарската нација. Бидејќи не можеме да бидеме дел од бугарскиот народ затоа што за нивна жал таков народ не постои“, истакна Ангеловски. Ангеловски додаде дека посакува оваа антимакедонска влада да собере малку сила да не избрзува со овие одлуки и да прифаќа ултиматуми од Бугарија.

Уапсен Бугарин пред угостителски објек во Скопје

Тале Кристо — Sat, 14 Dec 2019 10:01:20 +0000

На 14 декември 2019 во 1:40 часот пред угостителски објект на ул.„Пролет“ во Скопје поради нарушување на јавниот ред и мир од слобода бил лишен Т.Т.(40) од Р.Бугарија, кој бил во алкохолизирана состојба. Тој бил предаден на полициски службеници од Полициска станица Центар за понатамошна постапка.