бугарска декларација – Kurir.mk

Ковачевски: Бугарската декларација не може да влијае на спроведувањето на законите

Тале Кристо — Thu, 23 Feb 2023 16:31:35 +0000

Во Собранието имаме донесено Закон за здруженија на граѓани кој ќе биде спроведен како и сите други закони во оваа држава. Дали некоја друга држава ќе донесе каква било декларација е право на државата и тоа не може да влијае на спроведувањето на законите. Барам и Буагрија и сите други држави да ги спроведуваат одлуките, пресудите на сите меѓународни судови, институти на кои се членови како што тоа го правиме и ние, рече денеска премиерот Димитар Ковачевски одговарајќи на пратеничко прашање од Рашела Мизрахи дали и имплементирањето на законот за здруженија и фондации кој требаше да одговори на прашања на фашистички имиња и нивни соработници е попречуван заради бугарската декларација. -Ние преговараме за членство во ЕУ со ЕУ, а не со Бугарија. Со Бугарија имаме билатерални прашања кои се регулирани со договор и за тоа се формирани работни тела кои работат без политичко влијание и без политички притисок врз основа на научна методологија и единствено со целосен консензус можат да носат зкалучоци кои потоа треба да бидат институционално спроведувани. Имаме адмнистрација која успешно ги води преговорите со ЕУ, односно скрининг процесот. Сигналите се позитивни од ЕУ, а со темпото со кое се работи до ноември како што е планот ќе заврши скрининг фазата на процесот на пристапување кон ЕУ, посочи Ковачевски. На прашањето од пратеничката Мизрахи кога ќе се отвори македонскиот клуб во Бугарија, премиерот кажа дека Министерството за култура ги подготвило сите потребни документи за барање за отворање културен клуб во Бугарија кој би бил дел од културниот клуб кој веќе го имаме отворено во Софија. -До Владата на Бугарија ќе доставиме барање, Министерството за култура ги подготви сите потребни документи и ги достави до МНР, меѓутоа оттогаш во Бугарија нема избрано политичка влада. Кога ќе се формира во Бугарија влада со која ќе може да се разговара за долгорочни решенија ќе може барањето да биде испратено до именуваниот министер за надворешни работи и тогаш ќе зависи од Бугарија одговорот бидејќи се работи за отворање наш клуб во Бугарија. Кога ќе има позитивен одговор тогаш како што кажав, заедно ќе одиме на отворањето на културен клуб уште еден во Бугарија, рече Ковачевски.

Николоски: Бугарија проблемите ги решава во Собрание, власта на Заев крие што преговара и бега од заедничка Декларација

Тале Кристо — Fri, 25 Jun 2021 17:42:43 +0000

Додека Бугарија ги решава проблемите во Собрание, владата на Зоран Заев бега од носење на заедничка Декларација, но и воопшто не ја информира опозицијата за што преговара во Софија, вели потпретседателот на ВМРО-ДПМНЕ, Александар Николоски за „Трилинг“ на 24 ТВ. Николоски потсетува дека Бугарија проблемот го најави од 2019 година и дека власта на Заев не успеа дотогаш да го искористи тој прозорец на можности и не ги исполнија реформите, а во меѓувреме упорно бега од градење на заедничка Декларација. - Кога Бугарија прв пат најави дека може да прави проблеми на лидерска средба кај Пендаровски побаравме да се усвои заедничка Декларација во однос на состојбата со Бугарија. Откако бугарското Собрание на крај на 2019 ја усвои нивната Декларација, ние повторно побаравме и бевме одбиени. Во март месец тезите од бугарската Декларација беа ставени во одлуката за Македонија во делот на почеток за преговори. Власта тоа го криеше, јас го извадив 11 дена откако тој документ беше изваден. Ние побаравме уште еднаш Декларација и пак бевме одбиени, и воопшто немаме комуникација, изјави Николоски. Тој потенцираше дека Бугарија проблемите ги решава во Собрание, додека во Македонија, ВМРО-ДПМНЕ за ништо не е информирана од власта. - Доаѓа т.н. Португалски предлог никој не го достави да го разгледаме заедно. Декларација бараме се одбива. Се молиме да има дебата на комисијата за надворешни работи, дебатата беше смешна и ништо не се сподели со јавноста. Официјално ВМРО-ДПМНЕ како политичка партија не е запозната со ништо за преговорите со Бугарија. Заев ништо и никогаш не побарал да ги образложи преговорите. Тоа што ние имаме контакти во Брисел, Стразбур, и Луксембург, е прашање од приватен карактер, но ние имаме институции каде е место да се дискутира, нагласи Николоски. Според него решението за датум е повеќе сложено затоа прво мораме да јакнеме економски, второ е реформа на правосудниот систем и мора да ги користиме европските фондови, и четврто паметен пристап со Бугарија да не се ветуваат работи кои нема да се реализираат.

Лефков: Се потврди дека Заев е во преговори за бугарската декларација, и само притисокот од јавноста и блокадите што ги правевме може да го откажат

Тале Кристо — Thu, 17 Jun 2021 10:45:42 +0000

По прес конференцијата на пратеникот Миле Лефков, беше запрашан од медиумите кој е коментарот за денешните преговори на Заев со официјална Софија. -Се потврди дека Зоран Заев е во преговори за бугарската декларација и дека само притисокот на домашната јавност и само блокадите кои што ги правевме можат да го откажат Зоран Заев од ново национално предавство, рече Лефков. Лефков апелира за да не се случи уште едно ново предавство во кое Зоран Заев ќе прифати се што бугарската политика го бара од Македонија. Нашите црвени линии мора да бидат македонскиот идентитет, македонскиот јазик и македонската историја, тоа е она што не прави посебни како Македонци и различни од сите други народи. -И Македонија не е на Зоран Заев ниту на Вице Заев, Македонија е на сите луѓе, нагласи Лефков.

ВМРО-ДПМНЕ: Заев да не се крие и да каже дали ја прифатил бугарската декларација и поништување на македонскиот јазик, култура и идентитет?

Ивона Петрова — Fri, 04 Jun 2021 06:43:01 +0000

Заев да каже дали прифатил дека македонскиот јазик, кој е уставен јазик во Република Македонија, е поврзана со еволуцијата на бугарскиот јазик и неговите наречја со неговата кодификација во 1944 година? Ова стои во декларацијата на бугарскиот парламент, која се заговара за рамка при преговорите на Македонија со ЕУ, велат од ВМРО-ДПМНЕ. Во соопштението на партијата се посочува дека бугарската декларација предвидува системско отстранување на квалификативот „бугарски фашистички окупатор“ од сите текстови, споменици и плочи. ВМРО-ДПМНЕ прашува дали Заев ја прифатил бугарската декларација која значи поништување на македонскиот идентитет, култура и идентитет? -Дали Заев со прифаќањето на декларацијата на бугарскиот парламент прифатил и дека Гоце Делчев е Бугарин, но и неговите современици од тој период на македонската историја? Заев да излезе и да каже дали го прифаќа клучното барање во таа декларација според која во документите на ЕУ да не фигурира „македонскиот јазик“, односно ако веќе мора, да се користи терминот „официјален јазик на Република Северна Македонија“. Доколку, како што се наведува, „постои апсолутна неопходност да се користи терминот ’македонски јазик’ во документи и ставови на ЕУ, со ѕвездичка во фусноста да се појаснува дека е тоа „согласно Уставот на Република Северна Македонија“. Заев да не бега од одговори. Народ мора да знае што преговара Заев во негово име. 4 години Заев, 4 години украден живот. Доста е, велат од ВМРО-ДПМНЕ.

Што содржи бугарската декларација, која Заев ја прифати?

Тале Кристо — Thu, 03 Jun 2021 13:54:29 +0000

Премиерот Зоран Заев уверува дека земјата прави се да изнајде решение со Бугарија и ако успее во тоа, веднаш на 23 јуни ќе треба да ја имаме првата меѓувладина конференција меѓу Македонија и ЕУ. Во исто време, бугарскиот претседател Румен Радев од Софија порача дека Бугарија бара гаранции при проширувањето на Европската Унија со Македонија. Денеска во медиумите излезе и дел од содржината на бугарската декларација која Заев наводно ја прифатил. ·Бугарија се заканува дека „нема да дозволи интеграцијата на С. Македонија во ЕУ да биде придружена од европска легитимација на државно спонзорирана идеологија на анти-бугарска основа", а истиот пасус финишира со оценката дека „препишувањето на историјата на дел од бугарскиот народ по 1944 година е еден од столбовите на антибугарската идеолошка конструкција на југословенскиот тоталитаризам ·Добрососедските односи имаат хоризонтално значење и следствено треба да се оценуваат во секоја етапа од процесот на пристапување на земјите кандидати ·Договорот за добрососедство да биде наведено како уште еден услов во преговорите. ·Реален напредок во исполнувањето на духот и словото на Договорот за добрососедство. Реален напредок“, Софија подразбира откажување од поддршката или барање за признавање на македонско малцинство во Бугарија; почеток на процес на рехабилитација на жртвите на „југословенскиот комунистички режим кои трпеле репресија поради бугарската самосвест“; нов процес на лустрација кој треба да ги расветли соработниците на поранешните служби за безбедност на Југославија во денешна С. Македонија; и системско отстранување на квалификативот „бугарски фашистички окупатор“ од сите текстови на споменици и спомен-плочи. ·Треба да се усогласи за личности и настани од „заедничката историја до 1944 година", а меѓу нив се набројуваат „Гоце Делчев, ВМРО и Илинденското востание“.ќе треба да се пресликаат на информативни табли и други ознаки на историски и културни споменици. Ќе треба да се договорат и конкретни датуми за одбележување на заеднички настани и личности, но притоа, „политичките претставници, претставниците на државните институции во Северна Македонија, како и медиумите финансирани од државниот буџет“ ќе мораат „да ги засноваат своите изјави и коментари на текстовите кои ќе ги договори Комисијата." ·Никаде во документите на ЕУ да не фигурира „македонскиот јазик“, односно ако веќе мора, да се користи терминот „официјален јазик на Република Северна Македонија“. Доколку, како што се наведува, „постои апсолутна неопходност да се користи терминот ’македонски јазик’ во документи и ставови на ЕУ, со ѕвездичка во фусноста да се појаснува дека е тоа „согласно Уставот на Република Северна Македонија“.,треба да биде јасно дека јазичната норма која е прогласена за уставен јазик во Република Северна Македонија, е поврзана со еволуцијата на бугарскиот јазик и неговите наречја со неговата кодификација во 1944 година." ·До втората меѓувладина конференција, историчарите ќе треба да постигнат согласност за уште една група личности и настани од историјата до 1944 година (не се наведува кои). ·Да се хармонизираат училишните програми по историја и литература во двете земји“, и дополнително: „историските и литературните извори од 19 и 20 век, паралелно со адаптираните текстови, да се претставуваат и изучуваат и во оригиналната форма на која биле напишани. ·Бугарија ќе инсистира Македонија да ја приложи „учебната програма по историја, географија и литература“ од основните училишта до универзитетите во кои веќе ќе бидат имплементирани сите договорени одлуки на историската Комисија. Истото се однесува и на спомениците во земјата. ·Надминување на говорот на омраза во јавниот простор“, особено кон лица кои се идентификуваат како Бугари, но и поголема транспарентност за сопственоста и финансирањето на медиумите