бугарска национална телевизија – Kurir.mk

Бугарската национална телевизија прозрачи во македонскиот етер со час по историја

Катерина Бојаџиева — Thu, 04 Mar 2021 16:44:49 +0000

Бугарската национална телевизија прозрачи во Македонија. Симболично, на националниот празник 3-ти март, македонските гледачи имаа можност да добијат час по историја. На социјалните мрежи веќе се појавуваат првите реакции за тајмингот и содржината на програмата што се реемитува во Македонија. Трети март во Бугарија се слави како „Денот на oслободувањето од Отоманското Царство”, односно денот на националното обединување, кога во 1878 година е потпишан Санстефанскиот мировен договор кој предвидува создавање на Голема Бугарија, пренесува Сител ТВ. Репертоарот на БНТ 4 продолжи со филм за комитите, гледан од бугарска гледна точка. “Каква историја се учи во Македонија” е насловот на документарниот филм, кој пак вечерва ќе имаат можност да го погледнат Бугарите на нивната национална телевизија. Преку анализа на македонските учебници, авторот на филмот Александар Марков сака да докаже дека во земјава се учи фалсификувана историја, теза со која се согласува и еден од членовите на бугарскиот дел од мешовитата комисија. Стартот на емитувањето на БНТ 4 во Македонија го честиташе и специјалниот претставник за спорот со Бугарија Бучковски, кој впрочем и договараше реципрочно емитување на националните телевизии. Но додека во Македонија почна да се гледа бугаркиот канал, засега нема прецизен датум кога Македонската радиотелевизија ќе почне да се прикажува во Бугарија. Според Бучковски, деталите за ова ќе се прецизираат идната недела, а на 10-ти март во Софија, двете национални телевизии треба да потпишат договор за размена на програми, додаваат од Сител.

Провокација уште на првиот ден од емитувањето: Еве што се пренесуваше на бугарската национална телевизија во Македонија (ВИДЕО)

Тале Кристо — Thu, 04 Mar 2021 12:58:55 +0000

За прв пат денеска во Република Македонија се емитуваше програмата на бугарската национална телевизија, како резултат на постигнатиот договор меѓу двете земји. Бугарската национална телевизија и официјално од денеска зрачи територија на Република Македонија, а на самиот старт со емитувањето на програмата не изостана ниту провокацијата каде што сите македонски дејци се претставени како бугарски. Договорот за емитување на бугарската БНТ беше постигнат кон почетокот на месец февруари, а истиот го договорија специјалниот пратеник во преговорите со Бугарија, Владо Бучковски, на средба со бугарскиот амбасадор Ангел Ангелов, директорот на АВМУ, Зоран Трајчевски, како и првиот човек на Телеком, Никола Љушев. Со договорот предвидува бугарскиот национален канал да се емитува на најгледаната платформа во земјава MAX TV, а во исто време, првиот канал на МТВ треба да стане и дел од пакетите на бугарските оператори. Интересно е да се слушне она што точно се емитуваше на првиот ден од емитувањето на бугарската БНТ во Македонија, во продолжение погледнете еден дел од од истото, односно македонските ревулоционери беа претставени како бугарски:

Дури и коалиционите партнери на Заев реагираат за емитувањето на бугарската национална телевизија во Македонија

Магдалена Андонова — Wed, 03 Feb 2021 22:08:08 +0000

Лилјана Поповска, претседател на политичката партија ДОМ, која што е коалиционен партнер на СДСМ, остро реагира на својата официјална Фејсбук страница по повод воведување на бугарската национална телевизија во Македонија. „НЕ МОЖЕ бугарска телевизија во Македонија, имате ли ум, луѓе?? Внесувате официјална антидржавна пропаганда, како Егзархијата во 19век?? Но тогаш сме биле во Отоманска Турција, а сега во самостојна држава ова да си го правиме? Ова е национално самоубиство“ стои во нејзиниот Фејсбук статус.

Од 1-ви Март во Македонија ќе се емитува бугарската национална телевизија

Магдалена Андонова — Wed, 03 Feb 2021 22:00:55 +0000

Директорите на АВМУУ и Телеком на состанок кој го одржал Владо Бучковски со амбасадорот на Бугарија во Македонија, договориле дека од 1-ви Март во Македонија ќе се емитува бугарската национална телевизија, пренесува ТВ21. Средбата се одржала денеска, а тоа го соопшти Костадин Филипов на социјалната мрежа Фејсбук.