Бугарска социјалистичка партија – Kurir.mk

Бугарската социјалистичка партија нема да води преговори со ГЕРБ и со ДПС

Тале Кристо — Mon, 15 Nov 2021 09:20:40 +0000

Бугарската социјалистичка партија ќе продолжи да води дијалог, изјави за БНТ Иван Ченчев од раководството на партијата. Како што јави дописникот на МИА од Софија, она што, според Ченчев, би можело да се постави пред БСП како задача е приближување на позициите до партиите кои се на „новиот бран“, иако многу од нив добиле резултат што не ги задоволува. За очекуваната кандидатура на Кирил Петков за идниот премиер на Бугарија, Ченчев рече дека неговото барање одговара на она на БСП да ги исполни очекувањата на народот. Тој додаде дека за БСП не се важни имињата на министрите и позициите, туку политиките и програмите на партиите треба да бидат толку блиски за да се најде излез од кризата. Тој ги издвои пензиите и здравството како приоритет во законодавната дејност на БСП. БСП нема да учествува во преговорите со ГЕРБ и ДПС, додаде Ченчев.

Бугарските социјалисти бараат смена на Владата на Бојко Борисов

Даниел Василев — Wed, 20 Jun 2018 13:29:21 +0000

Бугарската Социјалистичка партија денеска поднесе предлог до Парламентот за гласање на недоверба на Владата на Бојко Борисов поради лошата безбедносна политика. Портпаролката на пратеничката група на социјалистите Елена Јончева изјави дека партијата бара да се гласа за недоверба бидејќи според бугарскиот Устав, Владата мора да обезбеди јавен ред и национална безбедност, а тоа не го направила актуелната Влада. Таа ги наведе примерите со бегството на двајцата затвореници од централниот затвор, конвенционалниот криминал, како и неодамнешниот пад на хеликоптерот на бугарските безбедносни сили, при што загинаа двајцата пилоти. Социјалистичката партија и претходно поднесуваше барање за изгласување на недоверба на Владата на Борисов, а последниот пат беше на 25 јануари поради неуспешната борба против корупцијата. МИА