бугарски државјанин – Kurir.mk

Идентификувани дел од напаѓачите на бугарскиот државјанин во Чаир

Ивона Петрова — Thu, 27 Jul 2023 23:01:10 +0000

МВР информира дека по преземените мерки и активности утврден е идентитетот на поголемиот дел од напаѓачите на бугарските државјани во Чаир. Оттаму посочуваат дека се работи на расчистување на случајот, по што ќе бидат поднесени соодветни пријави. Претходно било пријавено дека во 18.38 часот се случил на ул.„Цветан Димов“, при што бил употребен и остар предмет од кој бугарскиот државјанин Д.А. се здобил со тешки телесни повреди. Повредениот Д.А. бил пренесен во ГОБ „Св.Наум Охридски“ и е во стабилна состојба, посочуваат од МВР.

Додека Бугарија ни врши културен и историски притисок: Бугарин регистрирал 2.500 домејни поврзани со македонски музеи и култура

Ивана Ефремовски — Tue, 02 May 2023 09:17:57 +0000

Бугарскиот државјанин Ангел Василев во јануари годинава закупил околу 2.500 домејни од Македонската академска истражувачка мрежа- МАРнет, дознава „Република“ Конкретно се работи за закупени домејни со префикси Мк, Ком.Мк, Орг.мк, поврзани со македонски музеи и култура. Еден од нив е и домејнот „музејтеракота.мк“. Овој музеј од Виница има само Фејсбук страница, но не и интернет страница. Ваква и слични страници поврзани со македонска култура и музеи и установи нема да можат да бидат регистирани бидејќи се веќе закупени од извесен Василев кој живее во Плевен. „Република“ се обрати до Василев и го праша поради кои причини ги закупил овие домејни но не добиле одговор. Мора да се напомене дека закупот на вакви домејни не е незаконски и за тоа се плаќа годишен закуп. Симптоматично е што ова се прави од бугарски државјанин во период кога од источниот сосед сме изложени на културен, јазичен и историски притисок. Согласно Законот за слободен пристап до инфорамции од јавен карактер испративме прашање и до МАРнет и по еден месец чекање не добивме одговор, пишува Република.

Бугарскиот државјанин кој беше фатен со два ножа доби двегодишна забрана за влез во Македонија

Магдалена Андонова — Thu, 20 Oct 2022 14:47:08 +0000

Министерството за внатрешни работи порано денеска информираше дека на 19.10.2022 во 11.00 часот во трговски центар „Амам“ на булеварот „Македонски Просветители“ во Охрид, полициски службеници од СВР Охрид, го лишија од слобода И.Н.И.(22) од Република Бугарија. При преглед, кај него пронајдени и одземени се два ножа, со што сторил прекршок по член 80 од Законот за оружје. Инцидентот го потврди портпаролот на СВР Охрид Стефан Димоски, кој соопшти дека 22-годишниот жител на Софија И. Н. И. бил приведен во трговскиот центар „Амам“ на булеварот Македонски просветители. - При претрес, кај него се пронајдени два ножа, со што сторил прекршок по член 80 од Законот за оружје, изјави портпаролот на СВР Охрид, Стефан Димоски. Тој додаде дека казненото дело било процесирано по брза постапка, бидејќи се работи за странски државјанин, па И. Н. И. добил двегодишна забрана за влез во Македонија.