бугарско државјанство – Kurir.mk

На свечена церемонија: Пендиков утре ќе добие бугарско државјанство

Ивона Петрова — Tue, 09 May 2023 19:46:33 +0000

Утре на свечена церемонија во Бугарија ќе му биде врачено бугарско државјанство на Христијан Пендиков. Документите ќе му ги врачи потпретседателката на Бугарија, Илијана Јотова, која го потпиша указот за стекнување бугарско државјанство врз основа на неговото бугарско потекло. Според најавата, церемонијата ќе се одржи во т.н. Гербова сала во Претседателството на Бугарија, која важи за најголемата и за најпретставителната сала во објектот и во неа се одржуваат најважните средби, се потпишуваат меѓудржавни договори и се доделуваат награди и одликувања. Како што информираат од кабинетот на Јотова, церемонијата ќе се одржи во 14.30 часот. Пендиков беше нападнат во Охрид. Тој беше секретар на бугарското здружение „Цар Борис Трети” во Охрид.

Арсовска ги демантира тврдењата на СДСМ: Не поседувам бугарско државјанство и никогаш не сум го носела името Даниела, сето тоа ќе го докажам

Тале Кристо — Wed, 27 Oct 2021 10:12:10 +0000

На новинарското прашање од денешната прес конференција на независната кандидатка за градоначалник на Скопје, Данела Арсовска, во однос на наводите дека е бугарски државјанин, таа истакна дека во целост ги негира таквите тврдења. -Јас во целост ги негирав овие наводи и морам да кажам дека не само скопјани, туку и цела Македонија знае и верува дека луѓето кои што ги продадоа македонските национални интереси сега два дена пред изборите излегуваат со наводи кои што јас не можам низ постапка да ги докажам и тоа го прават зошто, затоа што јас не бев ниту човекот ниту жената која што ги тераше да дадат изјава дека доколку го изгубат Скопје ќе ги изгубат и своите политички кариери и функции, посочи Арсовска. За Арсовска, ваквите обвинувања, како што кажа таа, се само уште еден чекор на покажување и демонстрирање нечија слабост, затоа што таа е свесна, а според неа свесни се сите дека за работите кои што беа изнесени од страна на СДСМ во изминатите неколку денови, нема да може во во толку краток рок да докаже и да покаже дека безумно лажат. Во контекст на прашањето дали кандидатката за градоначалник некогаш го носела името Даниела Јовановска, Арсовска повторно демантираше. -Не никогаш името Даниела не сум го носела, јас сум родена Данела Јовановска а повеќе од 20 години сум Арсовска, Данела Арсовска името е по мојот дедо Дане којшто е македонец. Родена сум скопјанка, живеам целиот свој живот во Скопје, имам тука семејство, кое што безумно го напаѓаат почнувајќи од моите родители, почнувајќи од мојот син, мојот сопруг и верувам дека скопјани ова безумие сега што се случува и овој личен напад што го доживувам од луѓето кои што пет години ме викале да им давам економски совети и совети за економски мерки и седеле со мене на маса сега да кажуваат дека е антидржавен елемент, многу добро знаат луѓето и во Македонија и во Скопје дека сето тоа не е вистина. Треба да се срамат од тоа што го прават и јас веќе пуштив една тужба и се останато исто така, меѓутоа ово јпат нема да биде без надомест, сега тужбата ќе оди со надомест, и има сите средства што ќе ги земам од сите овие безумни лаги од овие изминати неколку дена да ги донирам и тоа не на политичка партија како што лажат, затоа што никогаш во својот живот ниту сум била член на политичка партија, ниту сум донирала на политичка партија ниту сум направила нешто погрешно, одговори Арсовска. За Данела Арсовска, е бесмислена кандидатурата за градоначалник, доколку кандидатот има црни дамки на себе. -Да сум направила нешто погрешно немаше да се кандидирам во трка каде што ќе ме напаѓаат вакви безобразни луѓе и луѓе кои што лажат континуирано и истата мисла не можат да си ја задржат ниту два дена откако ќе ја кажат. Затоа скопјани ве молам, доколку сакате човечност, поддржете човек за градот Скопје. Затоа што денеска јас веќе имам два непријатели, и овој кој што не направи ниту водовод, ниту канализација, ниту го исчисти Скопје, додека јас кандидирам за градоначалник којшто ќе го направи градот поубав, а не за премиер или за претседател, туку за некој којшто Скопје сака да го врати на скопјани, и скопјани да имаат поубава иднина. Од друга страна имам нов непријател кој што денеска се пројави да каже дека има антидржавен елемент во мене. Извенете ве молам меѓутоа вие ги продадовте нашите национални интереси. Јас сум Данела Арсовска, претседател на Сојузот на стопански комори на Македонија и јас своето име ниту името на моите членови не го продадов, заврши Арсовска.

Арсовска за наводите дека има бугарско државјанство: Срамни небулози

Магдалена Андонова — Tue, 26 Oct 2021 20:00:39 +0000

Колку и да ме напаѓате во следните денови имаме уште три дена од оваа кампања почитуван господине Шилегов, треба да знаете дека одговорност ќе имате за парите на скопјани кои ги потрошивте, а не дадовте отчет, за сите работи кои ги направивте вклучително за она што ме навредивте мене како личност и целото мое семејство, рече Данела Арсовска, независен кандидат за градоначалник на Скопје, поддржана од ВМРО-ДПМНЕ на вечерашното гостување на телевизија 24 во емисијата Анализа. Арсовска одговори и на обвинувањата, односно како што рече небулози дека има бугарски пасош. - Искрено не да сум разочарана, јас веќе не знам за што зборуваме и како не им е срам да излегуваат со сите овие работи, небулози кои ги вадат. Прво излегоа дека сум била донатор на политичка партија, каде се доказите за тие работи. Ги кријат, работите ги замаглуваат, ги вадат како полувистини каде се тие информации, каде се информациите дека сум муслиманка, каде се информациите дека некој нешто крадел, злоупотребил, каде се. Значи стварно е небулозно, срамно е да го прават на два дена пред кампања, а зборуваме за исти луѓе со кои јас сум имала можност пет години да седам на иста маса да бараат мои совети за еконосмки мерки и каде ниту еднаш, ниту лично, ниту професионално немале никаква замерка ниту на мојата работа, ниту на мојата личност, рече Арсовска. Јас знам, посочи таа, во каква борба влегувам и дека немам ниту една дамка.

За една година: 10.000 Македонци побарале бугарски пасош

Ивана Ефремовски — Sat, 02 Jun 2018 07:23:12 +0000

Во периодот меѓу мај 2017 и мај 2018 година вкупно 17.793 лица побарале бугарско државјанство, односно пасоши, а од нив најголемиот број се од Македонија, информираше министерката за правда Цецка Цачева пред бугарското Народно собрание. Според Цачева, околу 10.000 од овие барања биле од македонски граѓани, пишува „Софиа Глоуб”. Освен од Македонија, голем дел од апликациите биле од земји, како што се вели, со значителни бугарски заедници, вклучувајќи ги Украина, Молдавија, Албанија и Србија. Според податоците што ги објавила Цачева, одобрени биле 9.848 апликации, а одбиени се 895. Од поднесените барања повеќе од 700 биле за повторно добивање државјанство. Во истиот период, пак, 354 лица побарале да се откажат од нивното бугарско државјанство. Од друга страна, во однос на апликациите за државјанство врз база на престој или бизнис во земјата, најголем број биле Руси-148, по нив се Украинците со 59, Ирачани-50, Ерменци-37, Сиријци-34 и петмина Авганистанци.