бугарско собрание – Kurir.mk

Бугарското собрание утре ќе гласа за предлог владата на Николај Габровски

Тале Кристо — Tue, 13 Dec 2022 17:24:46 +0000

На редовна седница, утре, бугарското Народно собрание ќе гласа за предлог владата „Габровски“, објавено е на веб-страницата на парламентот. Како што јави дописникот на МИА од Софија, прва точка на дневниот ред утре ќе биде изборот на премиер, вклучувајќи ја и структурата и изборот на членовите на новата бугарска Влада. Движењето за права и слободи и партијата „Бугарски подем“ на поранешниот вршител на должноста премиер Стефан Јанев доцна вечерва ќе се изјаснат дали ќе поддржат влада со мандат на ГЕРБ-СДС. Преостанатите партии и коалиции во Народното собрание – „Промените продолжуваат“, „Демократска Бугарија“, БСП и „Препород“ веќе се изјаснија дека ќе гласаат против.

Во бугарското Собрание средба за прв мандат меѓу „Промените продолжуваат“ и ГЕРБ

Тале Кристо — Tue, 08 Nov 2022 07:42:26 +0000

Во бугарското Народно собрание денеска средба ќе остварат претставници на ГЕРБ-СДС и „Промените продолжуваат“. Средбата ќе се оствари на покана на претседателката на пратеничката група на ГЕРБ-СДС, Десислава Атанасова, јави дописникот на МИА од Софија. Од „Промените продолжуваат“ соопштија дека ќе одат на средба со ГЕРБ, но тоа не значи дека ќе го поддржат нивниот мандат, додавајќи дека ќе испратат експерти за дијалог за политиките што се подготвени да ги поддржат во својство на конструктивна опозиција. На средбата ќе учествуваат партиските лидери Кирил Петков и Асен Василев. Претседателот на парламентарната група на „Промените продолжуваат“, Андреј Ѓуров, истакна дека тој и неговите колеги ќе одат на средбата за да кажат дека ќе поддржат 16 политики кои сметаат се за важни за Бугарија и нејзиниот развој. Десислава Атанасова прецизираше дека доколку ГЕРБ-СДС не добие поддршка, тие ќе ја поддржат „Промените продолжуваат“ за втор мандат. Во пресрет на средбата меѓу првата и втората политичка сиво во Бугарија, Даниел Лаурер коментира дека е исклучено дека ГЕРБ ќе го добие првиот мандат и дека тие ќе разговараат само за политики, а не за коалиција.

ХАОС ПРЕД ДЕЦА: Избегната тепачка во бугарското Собрание, паднаа тешки закани (ВИДЕО)

Ивана Ефремовски — Wed, 01 Jun 2022 17:28:30 +0000

Напната атмосфера имаше денеска во бугарското Народно собрание меѓу пратеникот на „Продолжуваме со промените“ Искрен Митев и претседателот на „Преродба“ Костадин Костадинов, јавуваат бугарските медиуми. Митев рече дека е јасно кој го предал народот. Костадинов кој му се обратил на претседателот на Собранието Кристијан Вигенин со зборовите: „Овој е идиот, ќе му го скршам носот“. Но, Вигенин не му дал збор, нагласувајќи дека не е јасно кому пратеникот Митев го адресирал говорот. По повод Ден на детето, имало деца во Собранието. Митев потоа се извини од говорницата и им се извини на децата и другите присутни во салата.

Бугарското Собрание во понеделник на вонредна седница ќе расправа за барањето за изгласување недоверба на владата на Борисов

Тале Кристо — Thu, 16 Jul 2020 07:08:08 +0000

Бугарското Национално собрание во понеделник, на вонредна пленарна седница, ќе расправа за гласањето недоверба на владата на Бојко Борисов, поднесено од опозициската БСП. Предлогот за датумот на седницата го даде претседателот на Парламентот, Цвета Карајанчева, а доби поддршка од 172 пратеници, јавија бугарските медиуми. Ова ќе биде петти обид на опозицијата за соборување на владата на Борисов. Темата за разгледување и гласање повторно е поврзана со корупцијата и ќе биде дискутирана во заднината на тековните протести во Софија и во голем број градови низ целата земја. Левичарската опозиција во 2018 година првпат се обиде да ја собори владата на Борисов, врз основа на неговиот неуспех во областа на борбата со корупцијата. Другите три обиди во текот на последните две години беа поврзани со безбедносниот сектор, здравството и животната средина. Гласањето во пленарна сесија ќе се одржи 24 часа по завршувањето на дискусиите.