букајо сака – Kurir.mk

Сака поради повреда нема да игра за Англија

Ивона Петрова — Tue, 10 Oct 2023 08:04:37 +0000

Фудбалерот на Арсенал, Букајо Сака нема да може да учествува на претстојните натпревари на Англија, пренесува „BBC Sport“. Според британскиот медиум, Англиската фудбалска федерација го повлече 22-годишниот Англичанец од составот поради повреда на тетивата. На 3 октомври, во натпреварот од 2. коло од групната фаза на Лигата на шампионите против Ленс, Сака беше заменет во 34. минута од натпреварот поради болка во ногата. Селекцијата на Англија на 13 октомври ќе игра пријателски против Австралија, четири дена подоцна (17 октомври) ќе се соочи со Италија во квалификациите за ЕП 2024.

Артета загрижен поради повредата на Сака

Ивона Петрова — Wed, 04 Oct 2023 16:19:26 +0000

Тренерот на премиерлигашот Арсенал, Микел Артета ја нарече „загрижувачка“ повредата на Букајо Сака, но додаде оти не жали што му даде шанса да игра во вчерашниот пораз од Ленс (1-2) во Лигата на шампиони. „Се радуваше дека ќе игра, како и секој друг играч. Тоа беше важен натпревар во Лигата на шампиони. Минатиот натпревар доби удар во стапалото, но се чувствуваше добро“, рече Артета. Сака му асистираше на Габриел Жезус при постигнувањето на голот на гостувањето во Ленс, но беше повлечен од игра во 34. минута поради повреда на мускулот. „(Повредата) не изгледа добро. Не знаеме повеќе детали, но доволно е што не можеше да го продолжи натпреварот и тоа не загрижува“, додаде стратегот на Арсенал.

Арсенал подолг период ќе биде без Саха?

Ристе Здравков — Wed, 04 Oct 2023 07:49:55 +0000

Арсенал загуби во Ленс, во Лигата на шампионите (2:1), но повеќе од поразот сите во клубот ги загрижи повредата на Букајо Сака. Крлиниот напаѓач во Ленс играше 34 минути, кога го напушти теренот поради повреда. Првите информации кои ги објавија британските медиуми велат дека фудбалерот на Арсенал би можел да подолг период да биде надвор од тимот. Новинарот Фабрицио Романо кој се огласи на мрежата Икс потврди дека не се работи за какви било пишувања и шпекулации. „Не изгледа добро“, напишал кратко Романо. Арсенал во недела ќе го го пречека Манчестер сити (17.30 часот), а потоа по репрезентативната пауза на 21 октомври ќе го одигра лондонското дерби со Челзи на „Стемфорд Бриџ“.

Сака повторно избран за најдобар англиски фудбалер

Ивона Петрова — Wed, 06 Sep 2023 09:29:25 +0000

Напаѓачот на Арсенал, Букајо Сака, втора година по ред е прогласен за најдобар англиски фудбалер, објави денеска Фудбалската федерација на Англија (ФА). Сака го понесе признанието за најдобар фудбалер во сезоната 2022/23 во избор на англиските навивачи, освојувајќи ја наградата пред играчот за врска Џад Белингам и напаѓачот Хари Кејн. Сака, кој за Англија дебитираше во октомври 2020 година, постигна седум голови на десет натпревари во последните 12 месеци во националниот дрес, вклучувајќи го и хет-трикот во триумфот над македонската репрезентација од 7-0 во јуни годинава. Неодамна Сака беше прогласен и за најдобар млад играч ма сезоната во Премиер лигата и се најде во идеалниот тим на годината во англиското првенство.

Сака пред нов договор со Арсенал

Бошко Тасиќ — Wed, 29 Mar 2023 05:01:23 +0000

Фудбалерот на Арсенал и стандарден член на англиската фудбалска репрезентација, Букајо Сака, би можело да потпише нов договор со Арсенал, со која неговата плата ќе се зголеми за четири пати и ќе стане најдоброплатен играч во тимот. Договорот на Сака со Арсенал, тим во којшто е од својата седма година, истекува идното лето, но фудбалерот и управата се подготвени да го продолжат до 2028 година, пишува весникот „Мирор“. Неделната плата на англискиот репрезентативец моментално е 70.000 фунти, а со новиот договор би требало да изнесува 300.000 фунти, па 21-годишниот фудбалер би станал најплатениот играч на клубот, надминувајќи го Габриел Жесус, кој заработува 250.000 фунти неделно.

Сака ќе стане најплатен играч на Арсенал

Бошко Тасиќ — Fri, 24 Feb 2023 06:10:28 +0000

Медиумите од Англија пренесуваат дека англискиот репрезентативец Букајо Сака и клубот се на добар пат да си подадат рака за продолжување на соработката со која фудбалерот ќе стане најплатен играч во тимот од северен Лондон. Информациите говорат дека треба да се средат некои детали, но главното е договорено и Сака според новиот договор ќе заработува околу 200.000 фунти неделно. Со ова „топчиите“ продолжуваат да се движат во вистински правец затоа што и Габриел Мартинели кажа „ДА“, па сега фокусот ќе биде на Вилијам Салиба со кого ќе се бара заеднички јазик за да долгорочно остане на „Емирејтс“.

Сака и Стерлинг ја зголемија предноста на Англичаните

Ристе Здравков — Mon, 21 Nov 2022 13:50:35 +0000

Џуд Белингем, чудото од дете, го постигна првиот гол за Англија на Светското првенство во Катар. 19. годишниот фудбалер на Борусија Дортмунд, во 35.минута, одлично реагираша на нафрлената топка, која од левата страна ја испрати Лук Шо. Белингем со овој гол ги награди соиграчите кои од првата минута вршат силен притисок кон голот на Иран. Осум минути по голот на Белингем, фудбалерот на Арсенал, Букајо Сака, ја зголеми предноста на Англија. Во првата минута од судиското надополнување на времето, на 3:0 зголеми Рахим Стерлинг. Инаку Иранците мораа по само 10 минути игра да направат замена на голманската позиција.

GOOOOOAAALL Bellingham scores first one for Engenland against Iran

Via 🎥: @golazo_cr7 #QatarWorldCup2022 #FIFAWorldCup2022 #انجلترا_ايران #كأس_العالم_قطر_2022 pic.twitter.com/x5uQvM8qGU
— World Cup Goals #1 (@Dennisvandeber1) November 21, 2022