булачани – Kurir.mk

Стефковски: Интензивно се работи на изградба на училишната сала во Булачани

Тале Кристо — Fri, 15 Sep 2023 12:11:40 +0000

Градоначалникот на општина Гази Баба Бобан Стефковски во објава на својата официјална страна на фејсбук информира дека денес направил увид на градежните работи за изградба на новата училишна сала на ООУ Наум Охридски во Булачани. Во објавата, градоначалникот Стефковски напиша: ИНТЕНЗИВНО СЕ РАБОТИ НА ИЗГРАДБАТА НА НОВАТА УЧИЛИШНА САЛА ВО ООУ НАУМ ОХРИДСКИ ВО БУЧАЛАНИ. Направив увид во градежните работи за изградба на новата училишна сала во општинското основно училиште Наум Охридски во Булачани. Она што може да се заклучи е дека градежните активности се реализираат согласно утврдениот план и динамика за изградба на училишната сала. После 60 години ова основно училиште добива училишна сала со што учениците добиваат поквалитетни услови за реализација на часовите по физичко и здравствено образование. Продолжуваме со реализација на проекти за подобрување на условите за образование на сите ученици на територија на општина Гази Баба. – напиша Стефковски.

Стефковски: Ветувањата се реализираат, Булачани добива училишна сала

Ивана Ефремовски — Mon, 26 Dec 2022 14:41:40 +0000

Градоначалникот на општина Гази Баба, Бобан Стефковски во објава на својата официјална страна на Фејсбук, информира дека е издадено одобрение за изградба на нова училишна сала на ООУ „Наум Охридски“ во Булачани. Во објавата, градоначалникот Стефковски напиша: -ООУ „Наум Охридски“ во Булачани добива нова училишна спортска сала! Утрово го потпишав Решението со кое се издава одобрение за изградба на нова училишна сала во ООУ Наум Охридски во Булачани. Учениците од Булачани добиваат современи услови за реализација на часовите по физичко и здравствено образование. Се реализира уште едно ветување од изборната програма! Гази Баба се сака со дела! - напиша Стефковски.

Скопјанка пријави дека е исчезнат нејзиниот сопруг

Ивана Ефремовски — Mon, 15 Nov 2021 15:47:13 +0000

На 14.11.2021 во 13:00 часот во СВР Скопје, Д.С.(46) од с. Булачани, скопско, пријавила дека од домот се оддалечил нејзиниот сопруг Ч.С.(53) од с. Булачани. Според пријавата, тој имал здравствени проблеми. Се преземаат мерки за пронаоѓање на лицето.

Стефковски: Граѓаните на Булачани добиваат асфалтирани улици, промените во Гази Баба се случуваат

Магдалена Андонова — Thu, 11 Nov 2021 15:05:11 +0000

Граѓаните на Булачани добиваат асфалтирани улици. Граѓаните од улица 5 и сите нејзини краци повеќе нема да газат во кал, стои во Фејсбук објавата на градоначалникот на Гази Баба, Бобан Стефковски. Тој напиша дека пред изборите на граѓаните од Булачани им ветил дека во првиот месец од мандатот ќе се асфалтираат улиците и тоа денес станува реалност. - Промените во Гази Баба се случуваат. Гази Баба се гради и менува, додава Стефковски.

Жител од скопско Булачани во својот дом си направил лабораторија за производство на марихуана

Тале Кристо — Mon, 27 Apr 2020 08:44:58 +0000

Скопското обвинителство до Кривичниот суд во Скопје, поднесе Обвинителен акт против едно лице кое се товари за кривично дело – Неовластено производство и пуштање во промет наркотични дроги, психотропни супстанции и прекурсори, информираат од ОЈО Скопје. Во описот обвинителството се вели дека на 2 март, на автобуска станица во населбата Хиподром, обвинетиот 26-годишник во рацете носел две најлонски ќеси со наркотична дрога – марихуана и една дигитална вага, која веднаш му била одеземена од полициски службеници. – Подоцна во неговиот автомобил, паркиран во неговиот двор, биле пронајдени три најлонски ќеси и една сина кутија со марихуана, како и еден шприц со хашиш масло. При претрес на домот на обвинетиот во селото Булачани, пак, било утврдено дека тој неовластено произведувал марихуана, за што набавил опрема и инсталирал лабораторија за одгледување. Притоа биле пронајдени и 69 саксии со засадено растение – канабис, како и метална кутија со шест полиетиленски паковки марихуана, соопштија од обвинителство. Со оглед на тоа што и натаму постојат околности кои укажуваат на опасност од бегство и можност обвинетиот да го повтори делото, надлежниот јавен обвинител до Судот достави и посебен предлог со кој побара да се продолжи претходно определениот притвор за обвинетото лице.