булевар александар македонски – Kurir.mk

Се уредува страничното и средишно зеленило на булеварот Александар Македонски на излезот од Скопје

Магдалена Андонова — Sat, 02 Apr 2022 14:49:25 +0000

Екипи на ЈП „Паркови и зеленило“ деновиве работат на средување на страничното и средишно зеленило на булеварот Александар Македонски на излезот од Скопје. На потегот од ,,Агросервис" до надвозникот на автопатот Скопје – Велес се коси тревната површина и диво израсната вегетација, а се собираат и отпадоци од средишната жардиниера и страничното зеленило покрај автопатот. Екипите на ЈП „Паркови и зеленило“ континуирано работат и на чистење на парк шумата Водно. Во рамките на овие активности, екипите на ЈП „Паркови и зеленило“ изминатата недела собраа два полни камиони со отпадоци. Апелираме до граѓаните да се грижат за природата, да го одложуваат отпадот во најблиската корпа за отпадоци и да го одржуваме Водно чисто.

Скопјани мака мачат со Шилегов: Не се откажува од реконструирањето на булеварот среде бел ден, граѓаните гневни (ФОТО)

Дарко Андоновски — Mon, 14 Sep 2020 10:59:41 +0000

Скопјани со недели имаат исти проблеми додека градоначалникот Петре Шилегов мува не го лази, (камо ли комарец). Жителите кои живеа во близина на булеварот Александар Македонски кои се реконструира повеќе од две недели мака мачат за да стигнат на работа или да завршат некоја друга обврска. Километарските колони возила на влезот во Скопје се секојдневие на овој дел од градот, а истото ги пречекува и сите кои влегуваат во главниот град преку автопатот. И додека Шилегов наместо да најде соодветно решение за реконструирање, ги манипулира граѓаните да ја користат скопската обиколница како алтернативен пат. Колоните нервозни граѓани не беа изоставени ниту денеска од нашите читатели кои фотографиите кои редовно ни ги доставуваат на социјалните мрежи.

Шилегов за влез во Скопје ја понуди обиколницата, граѓаните му одржаа лекција: „Од Маџари до Автокоманда ќе одиме преку Визбегово“ (ФОТО)

Дарко Андоновски — Fri, 11 Sep 2020 06:47:36 +0000

Хаосот на влезот во Скопје никако да се регулира. Жителите на околните места кои го користат булеварот Александар Македонски за да стигнат на работа или да завршат некоја обврска овие денови буквално маки мачат со градежните работи кои се одвиваат таму. И додека градоначалникот на Скопје Петре Шилегов преку соопштение апелира да се користат алтернативните рути за влез во Скопје додека се реконструира булеварот Александар Македонски, граѓаните му одржаа лекција преку коментари на социјалните мрежи. „Градот Скопје апелира граѓаните да ги користат алтернативните приоди и сообраќајници за влез во градот, пред се поради големата реконструкција на булеварот Александар Македонски во општината Гази Баба, што е во тек. Граѓаните можат во Скопје да пристапат преку скопската обиколница, на исклучувањето кај населбата Радишани, преку новиот булевар Христијан Тодоровски Карпош кон општина Чаир, како и на исклучувањата кај населбата Визбегово кон Момин Поток и населбата Волково кон општина Ѓорче Петров“, стои во нивното соопштение до јавноста. По дадената „алтернатива“ граѓаните му одржаа лекција на Шилегов, коментарите од револтираните граѓани се во продолжение.

Грција бесна: Автопатот го прекрстивте ама булеварот остана „Александар Македонски“

Катерина Бојаџиева — Mon, 02 Jul 2018 11:29:48 +0000

Грчки претставници реагираат до македонските власти целосно да се спроведе ветувањето за менување на имињата на сообраќајницата која што го носи името на големиот војсководец како што ветила владата на Зоран Заев уште лани во Атина. Дипломатските тензии повторно растат откако грчки претставници во Скопје забележале дека владини институции во своите официјални документи се уште пишуваат дека дел од автопатот за кој лани грчката јавност беше известена дека сега се нарекува „Пријателство“ сепак се уште се именува како „Александар Македонски“. Последен пример за ваков според грчката страна „инцидент“ е јавен документ издаден од МВР пред три дена во кој се вели дека се случил настан на булеварот „Александар Македонски“. За грчката страна е неприфатливо тоа што булеварот Александар Македонски се уште е со старото име иако технички е посебна сообраќајница која што не е под ингеренции на владата туку под локалната самоуправа во општина Гази Баба. Откако добиле одговор дека за менување на името на овој булевар е одговорна општина Гази Баба, грчките преставници реагирале со информација дека градоначалник на општината е претставник на СДСМ, а мнозинството во советот на општината заедно со албанските партии го има владеачката коалиција. За Грција нема никаква пречка и овој булевар да се нарекува Пријателство како автопатот кој што е поврзан со него а кој започнува на излезот од Скопје. Булеварот Александар Македонски е именуван во 1994 година кога на власт во Скопје и Македонија беше Социјалдемократискиот сојуз а започнува на Бит Пазар и оди се до излезот на Скопје кај Хиподром. Извор: Република