булевар партизански одреди – Kurir.mk

ФОТО: Скопјанец со автомобил се качи на жардињера на Партизанска

Магдалена Андонова — Tue, 26 Jul 2022 14:50:17 +0000

Сообраќајна незгода попладнево се случи на булеварот „Партизански одреди“. Возач на автомобил „Опел Корса“ со скопски регистерски таблици се качи на жардињера. Имено незгодата поминала само со материјална штета и без повредени лица во непосредна близина на Факултетот на туризам. Причините се се уште не се познати, а полицијата во моментов го обезбедува местото на несреќата.

35 годишен скопјанец со мотор удрил во паркирано полициско возило на „Партизанска“ – еве ги деталите

Дарко Андоновски — Tue, 07 Sep 2021 14:19:10 +0000

На 06.09.2021 во 19.18 часот во СВР Скопје било пријавено дека на бул.„Партизански одреди“ се случила сообраќајна несреќа во која мопед со скопски регистарски ознаки, управуван од А.С.(35) од Скопје, удрил во запрено патничко моторно возило „ гранд чироки“, сопственост на МВР. Притоа, со телесни повреди се здобил А.С., констатирани во Ургентен центар на Клинички центар „Мајка Тереза“. Увид на местото извршила екипа од СВР Скопје.

Уште едно драматично видео од скопските булевари: Вози во спротивен правец на „Партизанска“!

Катерина Бојаџиева — Fri, 26 Jul 2019 14:44:46 +0000

На социјалните мрежи се појави уште едно драматично видео од скопските булевари. Среде бел ден на „Партизански одреди“ возач со својот автомобил се движи во спротивен правец.

Нов ден нова будала на скопските улици.
? pic.twitter.com/eZ0fNWxWwf — Ја Ничарче (@JaNicharce) July 26, 2019

Од денеска: Дел од „Партизанска“ затворен за сообраќај ќе се пренасочуваат и автобуси

Катерина Бојаџиева — Wed, 17 Jul 2019 14:01:49 +0000

Град Скопје ги информира граѓаните дека поради изведување на градежни работи на дел од булеварот Партизански одреди, од денеска ќе се воведе привремен сообраќаен режим. Поради нанесување завршен асфалтен слој на дел од трасата на булеварот Партизански одреди, од мостот Обединети Нации до ул. Московска, целосно за сообраќај ќе биде затворен делот од булеварот од кружниот тек кај Порта Влае до крстосницата со улица Московска (кај ТЦ Сити мол), во правец на движење од Ѓорче Петров кон Центар. По трасата во спротивниот правец сообраќајот ќе се одвива непречено. За време на привремениот режим, автобусите на ЈСП кои сообраќаа по овој дел од бул. Партизански одреди, ќе се пренасочат преку ул. Адолф Циборовски и бул. Митрополит Теодосиј Гологанов, а ќе се вратат на нормалната траса преку ул. Московска. Асфалтирањето се врши во рамките на проектот за реконструкцијата на коловозот на дел од булеварот Партизански одреди, на потегот од крстосницата со булеварот 8.Септември до мостот Обединети нации, на должина од два километра. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Поради временските услови, одложено асфалтирањето на дел од „Партизанска“

Катерина Бојаџиева — Sun, 14 Jul 2019 10:13:15 +0000

Град Скопје ги информира граѓаните дека поради временските услови се одложува предвиденото асфалтирање на дел од булеварот „Партизански одреди“, на дел од мостот „Обединети Нации“ до ул. „Московска“, во правец на движење од Ѓорче Петров кон Центар. Предвиденото нанесување на финалниот асфалтен слој ќе се изврши веднаш штом се создадат соодветни временски услови за непречена работа. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Прекин во водоснабдувањето на бул.„Партизански Одреди“

Дарко Андоновски — Mon, 24 Jun 2019 08:18:50 +0000

Поради дефект на затворач Ф-80 милиметри денеска на булевар „Партизански Одреди“ бр.82 во населба Карпош, прекинато водоснабдување ќе имаат корисниците на бул.„Партизански Одреди“ на потег од крстосница бул.„8 Септември“ до крстосница со „Франклин Рузвелт“ (непарни броеви). Од Информативниот центар на ЈП Водовод и канализација-Скопје соопштија дека прекинот во водоснабдувањето ќе биде од 10:00 часот до санирање на дефектот.

Скопјанец физички нападнат од две лица на мостот „обединети нации“

Дарко Андоновски — Tue, 12 Feb 2019 14:44:54 +0000

На 11.02.2019 година во 22.30 часот во СВР Скопје, Д.П.(50) од Скопје пријавил дека околу 21.15 часот на булеварот „Партизански одреди“, на мостот „Обединети нации“, физички го нападнале две лица, информираат од МВР. Се преземаат мерки за целосно расчистување на случајот.

„Партизанска“ и утре затворена- еве од каде ќе се пренасочуваат возилата и автобусите

Катерина Бојаџиева — Sat, 03 Nov 2018 12:50:06 +0000

Поради извршување градежни работи во рамки на реконструкцијата на булеварот Партизански одреди во Влае, како и асфалтирање прекоп извршен од БЕГ кај Порта Влае, викендов има привремен сообраќаен режим. Денеска од 8 часот, е затворен бул. Партизански одреди на потег од крстосницата со ул. Никола Парапунов до мостот Влајко, во правец од Центар кон Ѓорче Петров. Сите возила и автобуси кои гравитираат од Центар кон Ѓорче Петров, се пренасочуваат по улиците Московска и Васил Чакаларов или по улиците Скупи и Ацо Шопов. Утре пак, ќе биде целосно затворен за сообраќај бул. Партизански одреди во насока од Ѓорче Петров кон Центар. Сите возила и автобуси на ЈСП кои ќе се движат од Ѓорче Петров кон Центар, ќе се пренасочат по улиците Васил Чакаларов и Ацо Шопов. -Апелираме сите учесници во сообраќајот да бидат внимателни, да ја приспособат својата брзина на движење според условите на патот и да ја почитуваат поставената сообраќајна сигнализација, велат од Град Скопје.

Хаосот на „Партизанска“ продолжува: Викендов времен сообраќаен режим

Катерина Бојаџиева — Fri, 02 Nov 2018 14:34:32 +0000

Градот Скопје ги известува граѓаните дека поради извршување градежни работи во рамки на реконструкцијата на булеварот Партизански одреди во Влае, како и асфалтирање прекоп извршен од БЕГ кај Порта Влае, претстојниов викенд ќе биде воведен привремен сообраќаен режим. Утре (03.11.2018 година, сабота) со почеток од 8 часот, ќе се затвори бул. Партизански одреди на потег од крстосницата со ул. Никола Парапунов до мостот Влајко, во правец од Центар кон Ѓорче Петров. Сите возила и автобуси кои ќе гравитираат од Центар кон Ѓорче Петров, ќе се пренасочат по улиците Московска и Васил Чакаларов или по улиците Скупи и Ацо Шопов. Во недела (04.11.2018 година) ќе биде целосно затворен за сообраќај бул. Партизански одреди во насока од Ѓорче Петров кон Центар. Сите возила и автобуси на ЈСП кои ќе се движат од Ѓорче Петров кон Центар, ќе се пренасочат по улиците Васил Чакаларов и Ацо Шопов. -Апелираме сите учесници во сообраќајот да бидат внимателни, да ја приспособат својата брзина на движење според условите на патот и да ја почитуваат поставената сообраќајна сигнализација, велат од Град Скопје.

ВИДЕО: Пожар во автобусот со број 2 на „Партизанска“

Дарко Андоновски — Wed, 20 Jun 2018 09:01:32 +0000

Пожар избувна во автобусот со број 2 што вози по улицата „Партизанска“. Повредени нема, објавува Независен. Патниците во паника се симнаа кај трговскиот центар „Антико“ во Карпош 4. Тие сведочат дека неколку станици мирисало на оган и ненадејно избувнал чад од автобусот. Веднаш пристигнаа полициска и противпожарна екипа. Погледнете: