булевар србија – Kurir.mk

Продолжуваат активностите на изградба на тротоари и вело патеки на булевар „Србија“

Ивана Ефремовски — Fri, 18 Mar 2022 14:22:45 +0000

Екипите на ЈП „Улици и патишта“ деновиве на булеварот „Србија“ асфалтираа дел од пешачката и велосипедска патека, односно 600 квадратни метри, површина што беше подготвена со тампон слојот и вградени рабници. За асфалтирање на овој дел од патеката се употребени околу 100 тони асфалтна маса. Изградбата на велосипедската и пешачката патека е во насока од булеварот Февруарски поход кон булеварот АСНОМ со вкупна површина од 3.400 квадратни метри. Екипите во текот на наредните денови продолжуваат со следната фаза, ископ на земјен материјал и подготовка на површината за асфалтирање, а по завршувањето на асфалтирањето ЈП „Паркови и зеленило“ ќе го уредат страничниот и средишниот дел со нова зелена површина. На асфалтирањето присуствуваше и директорот на ЈП „Улици и патишта“, Борис Настов, кој изврши увид во текот на градежните работи на терен.

Без вода утре дел од корисниците кај булеварите „Србија“ и „Киро Глигоров“

Магдалена Андонова — Mon, 27 Jul 2020 11:51:11 +0000

Без вода утре ќе останат корисниците од хотел „Хилтон“ на булевар „Србија“ и од булевар „Киро Глигоров“ – Салон на Мерцедес, ФОН, Бриколаж, Славија и Нептун, а со намален притисок ќе бидат корисниците од населба Маџари, Хиподром и Синѓелиќ. Како што соопшти ЈП „Водовод и канализација“-Скопје, поради уличен дефект ф 500 мм на булевар „Киро Глигоров“ кај ФОН, прекинатото водоснабдување ќе биде од 06 часот до санирање на дефектот. (МИА)

Карамбол на булевар „Србија“: Ауди удри во два автомобили, усмртен таксист, Аудито целосно запалено

Ивона Петрова — Fri, 29 Dec 2017 08:24:34 +0000

Едно лице загина, а друго е тешко повредено во сообраќајна несреќа која синоќа околу 1:25 часот по полноќ се случила на булевар „Србија“. - Автомобил „Ауди А4“ управуван од Ѓ.Д.(28) од Скопје се судрил во „Пежо 207“, управуван од А.М.(60) од Скопје, а потоа преку тревникот поминал на коловозните ленти од спротивната насока и удрил во оградата на бензинската пумпа, по што удрил во такси возило марка „Шкода Октавијa“ управувано од Т.Ј.(58) од Скопје. По незгодата, возилото „Ауди А4“ се запалило и целосно е опожарено. Сите возила кои учествувале во сообраќајната незгода се со скопски регистарски ознаки, информираат утринава од полицијата. Во сообраќајната незгода на место на настанот починал Т.Ј., додека тешка телесна повреда (фрактура на колено) е констатирана кај сопатникот од „Ауди А4“ Б.М.(21) од село Сопиште. Полициски екипи извршиле увид на местото на настанот. По наредба на Јавен обвинител телото на починатиот било предадено на обдукција. Сообраќајот на бул. „Србија“, на делот од крстосницата со бул. „Јане Сандански“ до крстосницата со бул. „3-та Македонска Бригада“, бил во прекин во двате насоки од 01.30 часот до 05.30 часот. ФОТО: Ѕид на сообраќајниот срам