Боки 13 преку адвокатите опоменува: Џабе се заканувате, центрите на моќ да ги тргнат рацете од операцијата „Бумеранг“

Ивана Ефремовски — Wed, 01 Mar 2023 16:35:18 +0000

Бојан Јовановски познат како Боки 13, осуден за случајот Рекет, минатата недела најави операција „Бумеранг“ со над милиони „бомби“ меѓу кои со вмешани бизнисмени и функционери, а сега бара центрите на моќ да не вршат притисоци. Неговиот правен тим соопшти дека во врска со кривично-правната операција со кодно име “Бумеранг” од страна на полномошниците на подносителот Бојан Јовановски , м-р. Владимир Туфегџиќ и Сашко Дукоски, адвокати од Скопје, вчера на ден 28.02.2023 година истакнато е барање за определување на термини за доставување на докази и сослушување на подносителот Бојан Јовановски пред надлежниот обвинител по оформениот предмет од јавниот обвинител Ислам Абази. Од таму велат дека поради итноста, но истовремено и поради целисходноста и ефикасноста на започнатата кривично-правна операција со кодно име ”Бумеранг” ја информираат јавноста дека за почеток на овој процес ќе бидат побарани однапред определени и утврдени повеќе термини со оглед на обемноста на доказниот материјал. Квалитативната обработка на материјалот, доказите ќе се врши исклучиво во присуство на подносителот Бојан Јовановски и на неговите полномошници, адвокати. Како што велат поради чувствителноста , карактерот и сериозноста на отпочнатиот процес со кодно име “Бумеранг” апелираат до јавноста дека истиот ќе се врши транспарентно во име на високиот степен на јавниот интерес. Нивното соопштение прочитајте го во продолжение: Гласно укажуваме до центрите на моќ кои веројатно се директно засегнати од овој процес да не вршат притисоци, да не упатуваат директни и индиректни закани и да престанат со незаконски дејствија на уценувања и заплашувања со цел да го спречат и попречат започнатиот процес “Бумеранг”, секако дека ваквите погоре опишани дејствија од центрите на моќ беа очекувани за нас, но недвојбено истакнуваме дека ништо од сето тоа нема да ја спречи реализацијата на кривично-правната операција “Бумеранг” и дека во одреден момент доколку продолжи трендот на притисоци, закани, уцени, засегнатите страни ќе добијат соодветен одговор за нивните незаконити дејствија кои интензивно и задкулисно се случуваат изминатите денови од кога е јавно објавено започнувањето на процесот“ Го повикуваме и меѓународниот фактор во име на императивната заложба за владеење на правото и во име на фактот сто во изминатите години токму од меѓународната заедница се вложени големи финансиски средства во нашата држава и правосудните институции за подобрување и прогрес на правото и правната држава, да го следат со внимание отпочнатиот процес и во рамки на своите надлежности да дадат свој позитивен придонес кон реализација на процесот. Јавноста ќе биде информирана за првиот термин и за останатите усогласени термини за предавање на доказниот материјал и пријави во ОЈО за ГОКК Скопје.

Животот е како бумеранг: Сѐ што правиме ни се враќа назад

Катерина Бојаџиева — Mon, 26 Aug 2019 10:08:43 +0000

Еден човек се возел во автобус и размислувал за животот. Па така, тој во себе си зборувал и велел: „Жена ми – глупава, пријателите – кретени, животот – одвратен.“ Зад него стоел еден ангел и забележувал сѐ во својот нотес и го гледал чудно. По некое време, ангелот рекол: „Чуден е овој човек, а чудни се и неговите желби. А најинтересно е тоа што секој ден го посакува истото... Ама што да правам – морам да му ги исполнувам желбите.“ Играта на животот е како игра со бумеранг. Нашите мисли, дела и зборови (и позитивните и негативните), порано или подоцна ни се враќаат како бумеранг и ни го обликуваат животот со неверојатна прецизност. Едноставно не е возможно човек да мисли и да прави лошо, а за возврат да прави добро!

бумеранг – Kurir.mk

Боки 13 преку адвокатите опоменува: Џабе се заканувате, центрите на моќ да ги тргнат рацете од операцијата „Бумеранг“

Животот е како бумеранг: Сѐ што правиме ни се враќа назад