бунар – Kurir.mk

Несреќа во Србија: Старец пронајден мртов во бунар, пријавил неговиот внук

Ивана Ефремовски — Fri, 09 Dec 2022 19:15:40 +0000

Во селото Рановац кај Петровац во Србија, попладнево е пронајдено безживотно тело на 81-годишен старец. Според информациите од СВР Пожаревац, телото го пронашол внукот на жртвата, кој потоа повикал полиција. Набрзо, покрај полицијата, на терен пристигнала и противпожарната единица која го извлекла телото од бунарот. Надлежното обвинителство нареди обдукција за да се утврди точната причина за смртта. Случајот ќе биде затворен доколку се утврди дека падот во бунарот се случил случајно или се работи за самоубиство. Само доколку се посомнева дека смртта е предизвикана од насилство, ќе се покрене истрага.

8-годишно дете заглавено во бунар длабок 120 метри, го извлекуваат 16 часа: Хорор во Индија, во тек е трка на спасувачите со времето (ВИДЕО)

Ристе Здравков — Wed, 07 Dec 2022 15:32:47 +0000

Во индиската држава Мадја Предеш спасувачите имаат полни раце работа и се тркаат со времето, во намера да спасат 8-годишно момче кое е заробено подолго од 16 часа во бунар, откако паднало во него. Како што соопштиле властите, детето по име Тамнај Саху е заробено некаде на длабочина од 16 метри во бунарот, кој е длабок вкупно 120 метри. Тамнај претходно си играл во полето кога во вторникот навечер паднал во дупката, пренесува „Daily Mail“. Спасувачите му симнуваат кислород на детето, но постои опасност дека би можело да останато без свест бидејќи „не одговара на повиците“, вели Шјамендра Џајасвала од округот Бетул. Видеото погледнете го ТУКА „Спасувачките операции траат откако добивме информација. Се вложуваат напори детето да се извади од бунарот“, рекол тој. Тој истакнал дека спасувањето трае подолго од тоа што мислеле поради камењата. „Во текот на ноќта повикавме машина за да ги крши камењата наоколу“, рекол тој. Таткото на детето, Сунил Саху, за индиските медиуми рекол дека детето паднало во бунарот во околу 17 часот на 6-ти декември додека си играло. Како што навел, детето си играло на фарма, а потоа се упатило на друго поле, каде се случил инцидентот. „Мојата ќерка го видела и ми кажа дека паднал во бунар. Веднаш истрчавме таму, дишеше и ние го слушавме неговиот глас кој доаѓаше од бунарот. Операцијата за спасување почна во вторникот од 18 часот и сè уште трае“, рекол Саху. На снимката која е објавена на социјалните мрежи се гледа маса на луѓе кои во текот на ноќта ја гледале акцијата за спасување. Вообичаено е фармерите во Индија да поставуваат бушотини – длабоки бунари закопани во земја за наводнување – поради недостиг на вода. Бунарите остануваат отворени откако ќе престанат да се користат, што значи дека претставуваат опасност по јавноста. Бројни деца биле заробени во тесните бунари, а некои починале од задушување. Во мај едно 6-годишно дете починало по 7-часовна акција за спасување, додека минатиот декември едно девојче било спасено од бунар во Мадја Прадеш.

ВИДЕО: Нова драма, 9 годишно момче два дена е заглавено во бунар во Авганистан

Ивона Петрова — Fri, 18 Feb 2022 06:58:54 +0000

Деветгодишното момче Хаидар од Авганистан веќе два дена е заглавено во бунар, јавуваат светските медиуми. Момчето се наоѓа во бунарот на длабочина од 10 метри, а вкупната длабочина на бунарот е 25 метри. Настанот е во село во провинцијата Забул. На социјалните мрежи се објавени фотографии и снимки на кои е прикажано како спасувачи се обидуваат да дојдат до него. Момчето може да ги движи рацете и горниот дел од телото, во контакт е со постојано со својот татко кој го охрабрува. Ангажирани се итните служни, а надлежните тврдат дека е направено се што е потребно за негово спасување. Тоа значи и користење на градежна механизација за ископ на земјата. Дедото на момчето изјавил дека тој паднал во бунарот додека се обидувал да им помогне на возрасните да ископаат нова дупка во потрага за вода во селото опустошено од суша.

#Haidar is still stuck. These rescuers are still trying to save him deep in the night. Please pray for #Haidar! #SaveHaidar #حيدري_وژغورئ pic.twitter.com/CQtPBya85R
— Sangar | سنګر پیکار (@paykhar) February 17, 2022

На малото момче му биле доставени храна и вода. За потсетување, пред две недели во Мароко спасувачите пет дена го спасуваа петгодишниот Рајан кој падна во бунар на длабочина од 32 метри. По извлекувањето од бунарот, момчето почина.

ВО ЖИВО: Спасувачите го извлекоа детето паднато во бунар во Мароко, не се знае дали е живо

Дарко Андоновски — Sat, 05 Feb 2022 16:53:03 +0000

Момчето Рајан (5), кое во вторникот падна во бунар длабок 32 метри, со помош на големи напори на спасувачките служби е извлечено по 4 дена заробеништво, но засега не се знае дали детето е живо. Експертите предупредуваат дека е „невозможно“ да се потврди дали момчето е живо, откако помина четири дена во невозможни услови. Спасувачките екипи кои со раце копаа последните три метри за да не почне одронот, стигнаа до момчето кое е „неподвижно“. Ископале тунел паралелно со местото каде момчето било заглавено со багери и успеале да го евакуираат. Момчето е на пат кон ургентниот центар. На самото место се собрале неколку илјади луѓе, меѓу кои и родителите на Рајан кои не спиеле ноќе поради грижите за животот на момчето. Несреќата се случила кога таткото на детето работел на бунарот. „Го оттргнав погледот од него само на секунда и тој падна во бунарот. Воопшто не спиевме“, изјави претходно неговиот татко за новинарите.

Петгодишно момче паднало во бунар длабок 32 метри, три дена се обидуваат да го спасат

Магдалена Андонова — Fri, 04 Feb 2022 08:28:21 +0000

Петгодишното момче Рајан три дена било заробено во бунар на северот на Мароко, а спасувачите очајнички се обидуваат да го спасат, пренесуваат светските медиуми. Детето во вторник паднало во бунар длабок 32 метри. Момчето е од мало село во близина на градот Шефшауен на северот на Мароко. Тој има повреда на главата. Спасувачите прикачиле камера на јажето за да ја следат неговата состојба и да се уверат дека е безбедно. Досегашните обиди да се спаси се покажаа како неуспешни. Локалните медиуми објавија дека малото дете земало храна и вода кои му биле доставени со јаже. Во обид да го спасат, спасувачите копаат покрај бунарот. Дијаметарот на бунарот се стеснува до дното, од 45 сантиметри на врвот, што ги спречува спасувачите сами да се симнат за да го земат малото дете. Драмата на момчето стана позната благодарение на социјалните мрежи, а започна и кампањата „Спаси го Рајан“

Ужас: Мртов маж пронајден во бунар

Ивана Ефремовски — Wed, 24 Nov 2021 16:46:23 +0000

На 23.11.2021 во СВР Битола било пријавено дека во бунар во с.Кукуречани било пронајдено телото на Б.М.(55) од с.Кукуречани. Телото било извлечено од екипа на Територијалната противпожарна единица, а по наредба на Јавен обвинител телото на починатиот било дадено на обдукција. Увид извршила екипа на СВР Битола.

Маж падна во канал и се повреди, му помогна МАЧКА

Ивана Ефремовски — Mon, 29 Jun 2020 15:57:40 +0000

Во јапонскиот град Тоиома, маж пропаднал во канал, односно се повредил полесно, но неговата несреќа не би била толку необична да не му помогнала мачка, јавуваат јапонските медиуми. Имено, една мачка упорно гледала во каналот за наводнување во кој паднал мажот, па така заинтересираните граѓани застанале да проверат што се случува. Тогаш во каналот гледале тело на маж кое не се поместувало, па го извлекле. Мажот поминал со полесни повреди и гребнатинки, а мачката за тој потфат е наградена со пофалница која и е врачена од властите на градот,

Бегал од куче па паднал во бунар: Го нашле после шест дена! (ВИДЕО)

Ивана Ефремовски — Tue, 09 Jun 2020 20:40:24 +0000

Еден 29-годишен Британец бил извлечен откако бил заглавен во бунар во Бали, а таму седел заглавен цели шест дена. -Во бунарот кој бил длабок 4 метри, имало малку вода која Јаков Робертс можел да ја пие, а кога паднал ја скршил ногата, јавува „ББС“. Несреќата се случила во селото Пекату, додека тој бегал од кучето, а поради скршеница на ногата не можел да се спаси. Тој бил спасен кога неговите повици за помош ги слушнал еден од селаните, кој, во тој изолиран дел од селото, барал храна за добитокот. Во спасувачката акција учествувале тројца спасувачи во заштитни костуми, велејќи дека Робертс изгледал слаб и измачен. Засега е непознато дали Робертс живее во Бали или е турист. Бали веќе два месеци е во карантин поради епидемијата на вирусот корона.

ХОРОР ВО СКОПЈЕ: Син си го пронашол таткото во бунар

Дарко Андоновски — Sat, 20 Jul 2019 13:40:33 +0000

Триесет и осумгодишен маж од Арачиново го пронашол телото на неговиот татко Н.Р.(68) во бунар во близина на својата куќа во Арачиново. Како што соопшти МВР, лекар констатирал смрт без траги на насилство. По наредба на Јавен обвинител телото на починатиот било дадено на обдукција.

Светот се молеше за него, но големата потрага заврши со трагичен крај: Пронајдено телото на 2- годишното дете кое падна во бунар

Катерина Бојаџиева — Sat, 26 Jan 2019 09:18:50 +0000

Спасувачките тимови го пронајдоа телото на мртвото двегодишно дете Хулен Росел кој падна во бунар пред 13 дена во градот Тоталан во Шпанија. Неговото тело рано утрото го пронајдоа спасителите кои копаа тунел за да дојдат до него, изјави портпаролот на владината канцеларија во Малага и додаде дека за случајот ќе биде спроведена истрага. Тој падна во необележана бушотина длабока 110 метри на 13 јануари додека беше на пикник со родителите.