бунарџик – Kurir.mk

Општина Илинден почна со изградба на видиковец во Бунарџик

Тале Кристо — Sat, 21 Oct 2023 12:34:53 +0000

Општина Илинден интензивно работи на реализација на нови проекти од повеќе области, со цел разубавување и уредување на просторот, но и создавање квалитетни услови за одмор и рекреација на жителите. Како што соопштуваат од Општината деновиве почнала изградбата на видиковец во Бунарџик, со поставување на урбана опрема како и просторно и хортикултурно уредување. Оттаму информирата дека овој проект се реализира заедно со општествено одговорни компании, каде е предвидено изградба на видиковец од бетон, ќе бидат поставени клупи, корпи за отпадоци, осветлување и целиот простор ќе биде хортикултурно уреден. Градоначалникот на Општина Илинден, Александар Георгиевски денеска направил убид во градежните работи при што истакнал дека изградбата се одвива со предвидената динамика, а жителите од Општина Илинден наскоро ќе добијат убаво уреден рекреативен простор. -Општина Илинден и во наредниот период ќе продолжи со реализација на проекти за уредување на простор, како и поставување на нова урбана опрема, засадување на зеленило во сите населени места со цел разувабување на секој дел од Општината, се наведува во соопштението.

Велешанка тешко повредена во фирмата каде што работела

Ивана Ефремовски — Sat, 08 Apr 2023 14:33:45 +0000

На 07.04.2023 во 16:10 часот во СВР Скопје, од Градската општа болница „Свети Наум Охридски“ било пријавено дека кај нив со повреда била донесена М.Ц.(29) од Велес. Според пријавеното, таа се здобила со повредата при извршување работни задачи во фирма во индустриската зона Бунарџик. За настанот бил известен трудов инспектор.

Партерно уредување на дворот на подрачното училиште во Бунарџик во општина Илинден

Тале Кристо — Sat, 24 Dec 2022 10:21:16 +0000

Деновиве интензивно се работи на партерно уредување на училишниот двор на подрачното училиште во Бунарџик кое е во рамки на ООУ ,,Ристо Крле” – Кадино. Училишниот двор кој подолго време беше запоставен ќе биде поплочен со бекатон плочки на површина од околу 300 метри квадратни. Покрај поплочувањето со бекатон ќе биде уреден и влезот на патеката. Увид во работните активности направија градоначалникот на Општина Илинден, Александар Георгиевски и директорот на училиштето, Јовче Петковски. Градоначалникот Георгиевски истакна дека Општина Илинден континуирано на изградба и создавање на модерни услови во образованието. Тој додаде дека, оваа акција има за цел зголемување на функционалноста на дворот, каде учениците ќе имаат можност да го користат за време на одморите. Општина Илинден континуирано работи на подобрување на училишната инфраструктура, како и осовременување и унапредување на квалитетот на воспитно-образовниот процес во трите основни училишта.

Фактор: Владата раскина договор за закуп на земјиште во Бунарџик со две странски компании за еден месец

Магдалена Андонова — Thu, 08 Oct 2020 08:43:35 +0000

Владата за помалку од еден месец раскина два договори за долготраен закуп на градежно земјиште под поволни услови со странски инвеститори преку Дирекцијата за технолошко-индустриски развојни зони, пишува фактор.мк Минатата недела Владата му даде дозвола на Дирекцијата да го раскине договорот со фармацевтската компанија Саген, кој требаше да инвестира 20 милиони евра во Илинден. Со албанскиот инвеститор беше потпишан договор во 2018, кога на прес-конференција беше објавено дека ќе вложува во две фази и дека ќе отвори 300 работни места. Подоцна имаше и свечен чин на отпочнување на изградбата со владини претставници. Две недели претходно беше одлучено да се раскине договорот со Кеслер. Германската компанија која во Бунарџик најавуваше 150 висококвалификувани вработувања во Бунарџик најверојатно останува да произведува електромотори во изнајмениот објект во Илинден. Договорот со Кеслер беше постигнат на крајот на 2017 а беа најавувани 150 вработувања, пренесува фактор.мк Целиот текст можете да го прочитате на фактор.мк