бундес лига – Kurir.mk

Ракометната Бундес Лига воведува ВАР

Бошко Тасиќ — Sun, 09 Jul 2023 07:30:32 +0000

Од следната сезона во ракометната Бундес лига ќе се користи видео проверка на спорни ситуации на натпреварите. Раководството на најсилната ракометна конкуренција на последниот состанок реши дека праксата од европските купови и репрезентативните натпреварувања ќе ја има и во Германија. Судиите ќе можат да побараат видео проверка за некоја ситуација, за која нема да бидат сигурни во својата одлука. Своето „деби“ во Германија, ВАР системот ќе го има на Суперкуп дуелот меѓу Рајн Некар Левен и Кил на 23 август во Диселдорф.

ТРАГЕДИЈА: Почина навивач за време на дуелот од Бундес Лигата меѓу Шалке и Баер

Бошко Тасиќ — Sat, 01 Apr 2023 21:01:30 +0000

Натпреварот од 26-то коло во Бундеслигата меѓу Шалке и Баер Леверкузен (0:3) падна во втор план поради трагедија што се случи на трибините бидејќи почина навивач. Навивачите приметија дека на еден навивач му се слоши и го прекинаа навивањето, ги спуштија знамињата и ги повикаа лекарските екипи да интервенираат, но обидите за реанимација беа неуспешни и не успеаја да му го спасат животот на навивачот. Неколку минути по завршување на натпреварот, прес-службата на Шалке потврди дека навивачот починал. „Ова за жал покажува дека фудбалот не е сè, по оваа вест, тој падна во втор план“, изјави тренерот на Шалке по натпреварот.

Унион Берлин го презема лидерското место во Бундес Лигата

Бошко Тасиќ — Sat, 04 Feb 2023 18:47:13 +0000

Унион Берлин го запиша четвриот триумф по ред во германската Бундеслига, па привремено го презема првото место на табелата и го прескокна Баерн Минхен, после триумфот со 2-1 против Мајнц во 19-то коло во германската елита во кое, Борусија Дортмунд му одржа лекција на Фрајбург во дербито за ЛШ и го победи со 5-1. Ајнтрахт Франкфурт со 3-0 ја победи очајната Херта за да дојде до 35 бода на петтото место, само два од Баерн и Дортмунд, а еден од Ред Бул Лајпциг, кој ремизираше без голови кај Келн. Бохум со 5-2 го растури Хофенхајм во последниот денешен меч.

Баерн има три ремија по ред во Бундеслигата

Дарко Андоновски — Sat, 10 Sep 2022 17:51:32 +0000

Баерн Минхен нема победа три натпревари по ред во Бундеслигата. Денеска избраниците на Јулијан Нагелсман одиграа нерешено со Штутгарт (2:2) во 6. коло. Пред тоа Баварците имаа две нерешени – со Унион (1:1) и Борусија Гладбах (1:1). Во преостанатите три натпревари од Бундес лигата актуелниот шампион победуваше. Баерн на крајот од минатата сезона имаше и серија од три меча без победа во Бундеслигата – две нерешени и пораз. Ако зборуваме за сите натпреварувања во тековната сезона, Баерн има шест победи и три нерешени во девет натпревари во сезоната, со гол разлика е 31:8.

Прогласен тимот на сезоната во Бундес-лигата

Бошко Тасиќ — Fri, 13 May 2022 20:07:39 +0000

Прогласен е најдобриот тим во Бундес – лигата, а нападот го предводат Роберт Левандовски и Ерлинг Халанд. Тие најверојатно ова лето ќе ја напуштат Германија. Халанд веќе се договори со Манчестер Сити, а Левандовски е во преговори со Барселона. Бундес – лигата ги одбра најдобрите 11 и тие изгледаат вака: Нојер (Баерн) – Алфонсо Дејвис (Баерн Минхен), Еван Ндика (Ајнтрахт Франкфурт), Нико Шлотенбек (Фрајбург), Дејвид Раум (Хофенхајм) – Џуд Белингем (Борусија Дортмунд), Џошуа Кимих (Баерн Минхен), Флоријан Вирц (Баер Леверкузен) – Ерлинг Халанд (Борусија Дортмунд), Роберт Левандовски (Баерн Минхен), Кристофер Нкунку (Лајпциг). Покрај споменатите, во топ 15 се најдоа Муса Дијаби од Баер Леверкузен, Филип Костиќ од Ајнтрахт, Томас Милер од Баерн Минхен и Џереми Фримпонг од Баер Леверкузен.

Баер Леверкузен сигурен на домашен терен, Борусија М и Волзбург ги поделија бодовите

Бошко Тасиќ — Sat, 26 Feb 2022 17:11:04 +0000

Фудбалерите на Баер Леверкузен со 3:0 ја совладаа Арминија во рамки на 24 коло од Бундеслигата. „Фармацевтите“ поведоа во 30 минута со голот на Лукас Аларио во 30 минута, а во второто полувреме блесна Муса Диаби кој даде два гола. Првио го постигна во 57 минута, а победата ја завери во 81 минута. Возбудлив натпревар одиграа и Борусија Менхенгладбах и Волфсбург во натпревар на кој беа постигнати четири гола и на крајот заврши без победник. Гостите по 33 минути игра имаа водство од 0:2 благодарение на головите на Винд и на Борнау, но Борусија успеа да се врати. Прво Тирам во 42 минута намали на 1:2, а во 82 минута Емболо погоди за израмнување. Домашниот тим во судиското продолжение постигна уште едне гол преку Гинтер, но судијата го поништи поради прекршок. Фрајбург без поголеми проблеми дојде до победа од 3:0 над Херта, додека Гројтер Фирт и Келн одиграа без победник 1:1. Резултати: Баер Л. – Арминија 3:0 Борусија М. – Волфсбург 2:2 Ферајбѕург – Херта 3:0 Гројтер Фирт – Келн 1:1 Унион Берлин – Мајнц 3:1.

Баерм Минхен се разбуди во второто полувреме и го декласира Гројтер

Бошко Тасиќ — Sun, 20 Feb 2022 17:04:04 +0000

Германскиот фудбалски шампион Баерн Минхен го освои трите посакувани бода против Гројтер Фирт на дуелот од 23.коло во Бундеслгата. Бавареците имаа проблеми во првиот дел и истиот го завршија со негатива од 1-0 со голот што го постигна Хргота во 43 минута. Второто полувреме беше сосема поинаква приказна и во тој дел дел фаворитот одигра онака како што се очекуваше и тоа почнувајќи од 47 минута кога Левандовски израмни на 1-1. Веќе во 61 минута беше 2-1 за домаќинот со автоголот на Грисбек по што до крајот Левандовски и Чупо Мотинг ја заокружија приказната на „Алијанц Арена“. Баерн со 55 бода е на првото место и е на добар пат да ја одбрани титулата во Германија.

Баерн Минхен убедливо против Лајпциг

Бошко Тасиќ — Sat, 11 Sep 2021 18:53:48 +0000

Актуелниот фудбалски шампион на Германија Баерн Минхен се враќа со три бода од гостувањето кај Лајпциг, откако запиша убедлива победа од 4-1 во четвртото коло од Бундеслигата.

Роберт Левандовски по 12 минути ја погоди мрежата на Лајпциг за 1-0, по што на стартот на вториот дел Мусиала и Сане стрелаа за убедлива предност од 3-0. Лајмер во 58. минута намали на 1-3, но тоа не им помогна на неговите соиграчи да избегнат пораз, а за уште поубедлива победа на баварскиот гигант стрелаше Чупо-Мотинг во 92. минута. Баерн има 10 бодови по четири одиграни кола, додека пред нив е само Волфсбург кој има 12 бодови.

Гнабри е спасителот на Баерн Минхен во мечот со Келн

Бошко Тасиќ — Sun, 22 Aug 2021 19:04:43 +0000

Баерн Минхен ја запиша првата победа во второто коло во Бундеслигата, но тоа го оствари на доста драматичен начин иако се очекуваше да има рутинска задача. Јулијан Нагелсман се уште ги нема подредено коцките во својот тим како што се очекува, па мораше да се потпре на инспирацијата на Серж Гнабри за да се израдува на првата победа во домашното првенство како тренер на баварскиот великан. Младиот стручњак со голема еуфорија ја прослави „бомбата“ на Гнабри со кој беше решен победникот на „Алијанц арена“, стадион на кој гледавме трилер меч во вториот дел. Првото полувреме донесе разочарувачки 0:0, но во вторите 45 минути видовме дури пет гола, од кои последниот на Гнабри беше убедливо најубав. Левандовски го отвори резултатот по феноменалната минијатура на Мусиала, Гнабри зголеми на 2:0 во 59-та минута, но Келн се врати со два брзи гола во 120 секунди преку Модесте и Ут. По 62 минути игра, на семафорот стоеше 2:2, па Баерн мораше да тргне и по трет гол, кој беше постигнат благодарение на расположениот Гнабри кој испрати неодбранлив удар во 71-та минута за голема радост на клупата кај тренерот Нагелсман.

Публиката се враќа на стадионите во Бундес-лигата

Бошко Тасиќ — Sun, 21 Mar 2021 21:57:14 +0000

Публиката полека ќе се врати на стадионите во Бундеслигата и тоа на почетокот на април, а првиот натпревар на кој навивачите ќе можат да стигнат до трибините е големото дерби меѓу РБ Лајпциг и Баерн Минхен. Властите одлучија да дозволат пристигнување на одреден број навивачи. Вкупно ќе има 999 на „Ред Бул Арената“ и овој натпревар ќе биде почетна и тест-фаза за враќањето на навивачите на стадионите во наредниот период. Детали за враќањето на навивачите на стадионите, Бунделсигата и властите најавија во текот на наредната недела.