Бундеслига – Kurir.mk

Баерн го освои германскиот Суперкуп

Ивона Петрова — Wed, 18 Aug 2021 05:39:46 +0000

Актуелниот шампион во Бундеслигата, Баерн Минхен го освои Суперкупот на Германија, откако вечерва ја победи Борусија Дортмунд на нејзин терен со 3:1. Најзаслужен за триумфот на Баварците е Роберт Левандовски кој два пати се запиша во листата на стрелците (41. и 74. минута). Гол за Баерн постигна и Томас Милер, додека Марко Ројс е стрелец на единствениот погодок за „милионерите“. Левандовски постигна гол на 14-ти последователен официјален натпревар. За Баерн ова е деветти освоен Суперкупот и е најуспешна екипа, Борусија Дортмунд е втор тим по успешност со шест трофеи.

Бундеслигата со новата сезона стартува на 13.август

Бошко Тасиќ — Fri, 25 Jun 2021 17:47:15 +0000

Бранителот на титулата во Бундеслигата, Баерн Минхен, ќе ја започне новата сезона со меч против Борусија Менхенгладбах на гостински терен. Од останатите фаворити се издвојува Борусија Дортмунд. „Милионерите“ во првото коло ќе се соочат со Ајнтрахт Франкфурт на домашен терен. Актуелниот вицешампион РБ Лајпциг ќе патува за Мајнц. Прво коло: Борусија Менхенгладбах – Баерн Минхен Арминија Билифилд – Фрајбург Аугсбург – Хофенхајм Борусија Дортмунд – Ајнтрахт Франкфурт Келн – Херта Мајнц – РБ Лајпциг Штутгарт – Гројтер Фирт Унион Берлин – Баер Леверкузен Волфсбург – Бохум Новата бундеслигашка сезона започнува на 13 август, а четири дена подоцна е закажан Суперкупот меѓу Баерн Минхен и Борусија Дортмунд.

Шалке ги осуди навивачките инциденти по испаѓањето од Бундеслигата

Тале Кристо — Wed, 21 Apr 2021 15:01:19 +0000

Раководството на фудбалскиот клуб Шалке денеска остро ги осуди постапките на дел од клупските навивачи, кои фрлаа со јајца врз играчите и вербално ги нападнаа неколку часа откако екипата синоќа и официјално го загуби прволигашкиот статус во Бундеслигата. -Дел од навивачите ја преминаа линијата за која сметаме дека не смее да се премине, соопшти Шалке. Навивачите се судрија со играчите на клубот од Гелзенкирхен ноќта меѓу вторникот и среда, откако тимот се врати од Билефилд каде загуби од Арминија со 1:0 и за прв пат во последните 30 години се пресели во второлигашка конкуренција. Клупското раководство наведе дека го разбира гневот на навивачите, но истакна оти надлежните никогаш нема да прифатат незадоволството да биде повод за загрозување на безбедноста на фудбалерите и персоналот. -Токму тоа се случи во постапките на поединци, се нагласува во клупското соопштение. Полицијата соопшти дека околу 600 навивачи биле собрани пред клупскиот стадион каде го чекале враќањето на Шалке од Билефилд. Засега никој не е приведен, а истрагата е во тек.

Коронавирус и во Бундеслигата – цел тим во изолација, три натпревари се одложени

Магдалена Андонова — Fri, 16 Apr 2021 12:50:27 +0000

Германската фудбалска лига (ДФЛ) во петокот објави дека трите претстојни бундеслигашки натпревари на Херта Берлин се одложени поради четири позитивни теста меѓу играчите и клупските службеници. На сите играчи, членови на стручниот штаб и вработените во клубовите им беше одредена мерка 14-дневна изолација, поради што беше одложено неделното гостување на клубот Берин во Мајнц, како и натпреварите Херта - Фрајбург и Шалке - Херта. - Беше јасно дека вакво нешто може да се случи. Предизвикувачки е, но ќе видиме како ќе го прилагодиме распоредот, изјави извршниот директор на ДФЛ, Кристијан Зајферт, за Билд во емисија. Херта е на 15-то место со 26 бода и се бори за опстанок во Бундеслигата. Арминија има ист број бодови на 16-та позиција, а 17-от Келн има 23 бода. Последен е Шалке со 13 поени.

Нојер го сруши рекордот на Кан за „суви“ мрежи во Бундеслигата

Тале Кристо — Sun, 24 Jan 2021 20:13:49 +0000

Голманот на Баерн Минхен, Мануел Нојер успеа да ја зачува неначната мрежата во 18. коло од германскиот фудбалски шампионат против неговиот поранешен клуб Шалке (4:0). Овој натпревар стана 197-та „сува“ мрежа во Бундеслигата за Нојер по што тој го сруши рекордот на Оливер Кан. Поранешниот голман на Германија во текот на својата кариера имаше 196 „чисти“ мрежи бранејќи за Карлсруе и Баерн Минхен во периодот од 1987 до 2008 година. Нојер е во Баерн Минхен од 2011 година, а пред тоа ги бранеше боите на Шалке.

Шалке без триумф 28 натпревари во низа, се поблиску до неславниот рекорд во Бундеслигата

Магдалена Андонова — Wed, 16 Dec 2020 21:45:16 +0000

Прославениот германски фудбалски клуб Шалке 04 остана без победа и во 28-от бундеслигашки натпревар во серија, откако вечерва го загуби мечот од 12. коло против Фрајбург со 2;0. Гостите славеа на стадионот во Гелзенкирхен со двата гола на унгарскиот репрезентативец Роланд Салај (50, 68). Шалке последен пат победи на 17 јануари годинава, а доколку серијата без триумф продолжи во следните три натпревари, бундеслигашот од Гелзенкирхен ќе го израмни рекордот на екипата на Тасманија Берлин, која во сезоната 1965-66 имаше 31. натпревари во серија без победа. Шалке во последните пет натпревари сезонава во Бундеслигата освои само еден бод и е последнопласиран на табелата со четири бодови. (МИА)

Борусија Дортмунд и Андре Шурле се разделија

Магдалена Андонова — Wed, 15 Jul 2020 18:06:17 +0000

Борусија Дортмунд објави дека го раскинале договорот со Андре Шурле по меѓусебна согласност една година порано, откако светскиот шампион во 2014 година не успеа да ги покаже своите квалитети за неговиот четиригодишен престој во редовите на вицешампионите во Бундеслигата. Сега Германецот остана без клуб и покрај тоа што има 57 натпревари за репрезентацијата и 22 гола, меѓу кои и два во историската победа над домаќинот Бразил со 7:1 во полуфиналето на СП во 2014 година. Неговиот последен натпревар за репрезентацијата беше во 2017 година и во последните четири години, Шурле одигра само 51 натпревар и постигна осум гола за Дортмунд. Трансфер-прозорецот во Германија се отвори во среда и ќе трае до 5 октомври, а извршниот директор на „жолто-црните“ Ханс-Јоаким Вацке за Спорт 1 изјави дека дефинитивно ова не било успешна приказна за ниту една страна. – Од таа причина, подобро беше порано да се раскине договорот, рече тој. Заминувањето на Шурле следеше по она на Геце, кој се раздели со Дортмунд минатиот месец откако му истече договорот и ниту една страна не ја бара опцијата да го продолжи престојот во клубот. Геце не успеа да импресионира со своите настапи под водство на Лусиен Фавр, а Дортмунд остана втора последователна сезона на второто место во Бундеслигата по Баерн Минхен. (МИА)

Левандовски прв фудбалер во Бундеслигата кој стана најдобар стрелец во три последователни сезони

Магдалена Андонова — Sat, 27 Jun 2020 17:50:49 +0000

Напаѓачот на Баерн Минхен, Роберт Левандовски постигна најмногу голови во германската Бундеслига која заврши денес. Полскиот фудбалер стана првиот играч во историјата на првенството кој ја освои титулата најдобар стрелец во три последователни сезони. На сметка на Полјакот оваа сезона се 34 погодоци за 31 натпревар. Левандовски и денес постигна гол во триумфот над Волзсбург со 4:0. Претходно, Левандовски беше прогласен и за најдобар играч во Бундеслигата за оваа сезона. По Левандовски на листата на стрелците се Тимо Вернер од Лајпциг со 28 гола на 34 натпревари и Џејдон Санчо со 17 гола на 17 натпревари. (МИА)

Вердер се избори за бараж за опстанок, Фортуна Дизелдорф ја напушта Бундеслигата

Магдалена Андонова — Sat, 27 Jun 2020 16:16:41 +0000

Поранешниот германски шампион Вердер Бремен го избегна претпоследното место на табелата во Бундеслигата и ќе игра бараж за опстанок, откако попладнево во последното коло забележа победа, а директниот конкурентот за 16. место, Фортуна Дизелдорф загуби и заедно со Падерборн испаѓаат од елитата. Ова е епилогот на дното, додека на врвот речиси се беше познато претходно. Резултати на средбите од 34. коло во Германското фудбалско првенство: Аугзбург – Лајпциг 1:2 Баер Леверкузен – Мајнц 1:0 Борусија Менхенгладбах – Херта 2:1 Борусија Дортмунд – Хофенхајм 0:4 Ајнтрахт Франкфурт – Падерборн 3:2 Фрајбург – Шалке 4:0 Унион Берлин – Фортуна Дизелдорф 3:0 Вердер Бремен – Келн 6:1 Волфзбург – Баерн Минхен 0:4. Баерн е шампион, а со него во Лигата на шампионите одат двете Борусии и Лајпциг. Во Лига Европа ќе играат Баер, Хофенхајм и Волфсбург.

Флоријан Вирц стана најмладиот стрелец во Бундеслигата

Тале Кристо — Sun, 07 Jun 2020 07:43:42 +0000

Тинејџерот Флоријан Вирц од Баер (Леверкузен) стана најмладиот стрелец на гол во историјата на германсата фудбалска Бундеслига. На возраст од 17 години и 34 дена, младиот фудбалер постигна гол при домашниот пораз со 2:4 од шампионот Баерн, една минута пред крајот. Вирц, кој е дете на Келн и беше привлечен на „БаиАрена“ во јануари, постигна гол по додавањето на Паулињо. Така, членот на германската јуниорска репрезентација го подобри претходниот рекорд на Нури Шахин, кој во 2005 година постигна гол за Борусија (Дортмунд) во германската елита на возраст од 17 години и 82 дена.