ПО БУРАТА МЕГИ: Најмалку 121 загинат во поплавите и свлечиштата во Филипините

Ивона Петрова — Thu, 14 Apr 2022 06:56:10 +0000

Најмалку 121 лице загина при лизгање на земјиште и поплави, предизвикани од првата бура што ги погоди Филипините годинава. Поради бурата, раселени се над 200.000 жители, соопштија денеска официјални лица, јави ДПА. Повеќето од жртвите се од градот Бејбеј Сити во провинцијата Лејте, 599 километри јужно од Манила. Оттаму беа извадени 81 тело. Триесет и една жртва има и во градот Абујог, што се наоѓа во близина. Девет други жртви се евидентирани во шест провинции, погодени од тропската бура Меги, што удри на источниот брег на Филипините на 10 април. Повредени беа над 240 лица, додека околу 204.000 жители беа принудени да ги напуштат своите домови. ДПА додадав дека спасувачите продолжуваат да копаат низ густата кал и земја, барајќи исчезнати лица во Бејбеј и во Абујог. Бурата оштети куќи, култури, сточарство и инфраструктура со проценета вредност од 137 милиони пезоси (2,6 милиони американски долари), соопшти националната агенција за катастрофи. Филипинскиот архипелаг во просек е погоден од 20 тропски циклони секоја година.

„МЕГИ“ ГИ ОПУСТОШИ ФИЛИПИНИ, ИМА И МРТВИ: Одрони и поплави на истокот и југот на островската земја, ова е ПОЛОШО ОД ВОЈНА! (ВИДЕО)

Магдалена Андонова — Mon, 11 Apr 2022 16:16:36 +0000

Најмалку 25 лица загинаа во свлечишта и поплави предизвикани од тропската бура Меги, што ги погоди источниот и јужниот брег на Филипините, соопштија денеска властите во Манила. На копното Меги предизвика ветрови со постојана јачина од 65, а налетите достигнуваа и 80 километри на час. Ова е првата бура што го погоди архипелагот оваа година, каде има по околу 20 вакви катастрофи годишно. Во источната провинција Лејте беа пронајдени телата на 22 лица кои биле затрупани под свлечиште, изјави Џомен Коладо, началник на полицијата на градот Бејбеј. Националната агенција за катастрофи, која соопшти дека три лица загинале во јужниот регион Давао, информира дека жртвите сè уште не се идентификувани. Коладо додаде дека поплавите предизвикале лизгање на земјиштето и оти спасувачките операции се во тек, бидејќи најмалку шест лица се водат како исчезнати. Тропската бура Меги се очекува да ослаби до 45 километри на час и утре повторно да се повлече преку морето, соопшти метеоролошкиот завод на Филипините. (МИА)

бура меги – Kurir.mk

ПО БУРАТА МЕГИ: Најмалку 121 загинат во поплавите и свлечиштата во Филипините

„МЕГИ“ ГИ ОПУСТОШИ ФИЛИПИНИ, ИМА И МРТВИ: Одрони и поплави на истокот и југот на островската земја, ова е ПОЛОШО ОД ВОЈНА! (ВИДЕО)