Бурџ Калифа – Kurir.mk

Колку чини реклама на „Бурџ калифа“?

Ивона Петрова — Mon, 07 Mar 2022 13:03:29 +0000

Реклама или порака на облакодерот „Бурџ калифа“, чини најмалку 250.000 дирхами (62.500 евра), за триминутната реклама, пишува „Арабијан бизнис“ (Arabian Business). Цените се движат од 62.500 евра за три минути во работните денови од 20 до 22 часот, но за викендите се искачуваат до 88.000 евра. За два триминутни термина секоја вечер меѓу 20 и 22 часот, цената е 125.000 евра, а петпати по три минути чинат милион дирхами (над 250.650 евра). Рекламите се управувани од маркетинг-агенцијата „Мулен лоу МЕНА“ (Mullen Lowe MENA) со седиште во Дубаи. Се плаќа однапред, а содржината мора да се достави четири недели однапред заради одобрување од фирмата-сопственик на „Бурџ Калифа“ – „Емар“. На екранот може да се додаде и музика.

Му докажа на светот дека навистина стоела на врвот од Бурџ Калифа – ќе занемете кога ќе ги видите сцените од оваа реклама (ВИДЕО)

Дарко Андоновски — Wed, 18 Aug 2021 09:46:09 +0000

По илјадниците коментари низ целиот свет дека рекламата им е снимеа во студио, време е светот да дознае како навистина изгледа да се стои на врвот на светот. Имено авиокомпанијата „UAE Emirates Airlines“ неодамна објави видео со цел да прослави за тоа што Емиратите се најдоа на таканаречената „килибарна листа на патување“ на Велика Британија. Но, она што привлече најмногу внимание е видеото објавено од авиокомпанијата на кое се гледа стјуардеса качена на врвот на Бурџ Калифа, на височина од 820 метри, која држи транспаренти со натпис: „Тоа што Емиратите се наоѓаат на килибарната листа на Британија прави да се чувствуваме како да сме на врвот на светот“. По ова многу од корисниците на социјалните мрежи ја нападнаа авионската компанија дека видеото е снимено во студио. Сепак, откако тие го објавија видеото како навистина се снимала рекламата светот не трепна додека ги гледаше адреналинските сцени, уживајте.

Египетските пирамиди и Бурџ Калифа во боите на либанското знаме

Тале Кристо — Wed, 05 Aug 2020 06:13:41 +0000

По силната експлозија што вчера го потресе Бејрут, во чест на големиот број жртви, египетските пирамиди и зградата Бурџ Калифа синоќа беа во боите на либанското знаме. На тој начин, Египет им оддаде почит на сите жртви кои загинаа во Бејрут. Исто така, и Дубаи, со осветлување на најголемата зграда во светот Бурџ Калифа во боите на знамето на Либан, им оддаде почит на жртвите. Според досегашните податоци, најмалку 78 лица загинаа во експлозијата, а околу 4.000 се повредени.