бурек – Kurir.mk

Домашен бурек со сирење! Крцкав и вкусен, идеален за појадок (ВИДЕО)

Ристе Здравков — Fri, 25 Aug 2023 09:24:19 +0000

Наместо да купувате бурек од пекара, можете да направите домашен со сирење. Состојки: 200 гр сирење 2 лажици кисела павлака 50 мл јогурт 30 мл масло 1 јајце 1/2 прашок за пециво тенки кори Подготовка: Грубо издробете го сирењето за да останат ситни парчиња, додадете ги јајцето, јогуртот, прашокот за пециво и нежно измешајте. Раширете две кори и малку спојте ги краевите, па еден дел премачкајте со масло. На дното на кората ставете 3-4 лажици сирење, па полека завиткајте ја кората и потоа свиткајте ја во полжав. Тавата намачкајте ја со масло, па наредете ги питите во неа. Ако ви останал фил, премачкајте го преку питата. Бурекот се пече на 200 степени околу 40 минути.

Не мора да одите во пекара: Направете БУРЕК СО МЕСО дома (РЕЦЕПТ+ВИДЕО)

Ристе Здравков — Tue, 13 Jun 2023 13:29:11 +0000

Доколку сте љубители на бурек, можете сами да го направите СОСТОЈКИ: 300 гр мелено месо 1 главица кромид сол или сув зачин мелен пипер тенки готови кори масло Подготовка:

КРЦКАВА ПИТА СО ШУНКА Подобра од купечката, а лесно се прави (ВИДЕО)

Ристе Здравков — Thu, 25 May 2023 12:30:13 +0000

Ако сте гладни, не мора да одите во пекара, можете да направите крцкава пита со шунка дома. Состојки: 500 гр тенки кори 2 јајца 200 мл јогурт 100 мл млеко 200 гр сирење 1/2 прашок за пециво 200 гр рендана шунка 50 мл масло Подготовка: Скршете ги јајцата во сад, издробете го сирењето, додадете ги јогуртот и млекото, прашокот за пециво и маслото. Шунката изрендајте ја, плехот премачкајте го со масло, па на дното ставете една кора. Сите останати кори една по една потопете ги во филот со сирење и јогурт и наредете ги. На вториот ред ставете малку шунка и така додека не се потроши. Покријте со кора и премачкајте со масло, па печете на 200 степени 50 минути. Пред крајот покријте ја питата со фолија.

БУРЕК КОЈ МОРА ДА ГО ПРОБАТЕ! Необичната комбинација со овошје е идеална за сладок појадок (ВИДЕО)

Ристе Здравков — Sat, 08 Apr 2023 12:16:35 +0000

Доколку не сте ја пробале слатката варијанта на бурек, тогаш можете да направите со банани и јаболка и ќе имате одличен појадок. Состојки: 4 големи јаболка малку цимет 1 банана 200 мл кисела вода 500 гр тенки кори масло Подготовка: Јаболката изрендајте ги, бананата исецкајте ја и на јаболката додадете малку масло. Тава за печење со дијаметар од 24 см премачкајте со масло или обложете ја со хартија за печење. На дното ставете ја првата кора, па посипете ја со кисела вода и малку масло. Наредете две стуткани кори, посипете ги со вода и масло и додадете од смесата со банана и јаболка. Следниот ред исто додека не се потроши се. Покријте го врвот и завиткајте го бурекот. Попрскајте со вода и масло и печете го бурекот на 200 степени 40-50 минути додека убаво порумени.

Подобар од купечкиот: Највкусниот бурек со шунка и сирење (РЕЦЕПТ+ВИДЕО)

Ристе Здравков — Sun, 15 Jan 2023 14:34:48 +0000

Вашите домашни сигурно ќе побараат репете. Доколку сте љубители на бурекот, нашиот предлог сигурно ќе ви се допадне. Како ви звучи топол, крцкав бурек со шунка? Одлично, нели? На крајот на краиштата, пробајте го и уверете се сами! Состојки: 500 гр средни кори 250 гр сирење 100 гр шунка 1/2 прашок за пециво масло Подготовка:

БУРЕК СО МЕСО! ВКУС како од ПЕКАРА! ЛЕСНО се прави и ПРЕВКУСЕН е!

Ристе Здравков — Fri, 30 Dec 2022 08:38:20 +0000

Бурекот со месо е омилен избор за појадок, а знаеме како да го подготвиме најдобриот со готови кори кој е поубав отколку оној од пекара Состојки: 500 грама кори за пита 300-400 грама месо 2 големи главици кромид 50 мл масло 250 мл вода сол бибер малку масло за динстање на месото Подготовка: На малку масло продинстајте го ситно сечканиот кромид. Додадете го меленото месо, сол, бибер и динстајте уште малку. Во еден сад измешајте ги водата и маслото и посолете по желба. На дното на тркалезна тава од 25 сантиметри ставете 4 кори така што ќе висат преку рабовите на тавата. Од приготвената вода и масло одвојте 30 мл за преливање на бурекот. Попрскајте ги корите со мешавина од вода и масло. Одозгора ставете малку фил со месо. Останатите кори исечете ги и ставете дел над месото. Испрскајте ги корите, ставете малку фил, па повторно кори и течност, па месо и така во круг додека не се потроши целиот материјал. Последниот слој месо посипете го со 30 мл вода. Бурекот убаво ушушкајте го со висечките кори. Печете на 200 степени околу 40 минути или додека убаво не порумени. На здравје!

И бурекот ќе стане луксуз: Една четвртина ќе се продава за 100 денари?!

Ивана Ефремовски — Sat, 06 Aug 2022 15:38:42 +0000

И лебот станува луксуз за граѓаните. Во повеќето маркети ржаниот леб скокна на 93 денари, интегралниот на 84, а белиот на парчиња се продава по цена од над 50 денари. Нови цени и во пекарниците - сегашната цена од околу 70 ден за четвртина бурек може да достигне и до 100 денари во наредните недела две, анализира ТВ 24. Причината за ваквиот раст е поради неколкукратното поскапување на струјата и гасот. Граѓаните затекнати и исплашени од новиот бран на поскапувања особено кај основните продукти за прехрана. Според Сојузот на синдикатите, цената на лебот за една година е зголемена за повеќе од 100 проценти. Велат работниците кои и покрај тоа што работат, од ден на ден се сѐ посиромашни поради тоа што инфлацијата изнесува 14,5 отсто. Тие сметаат дека Владата нема слух за потребите на граѓаните и работниците оти во услови на криза не презема никакви мерки. „Синдикалната минимална кошница за една година е зголемена за 5.498,00 денари односно за 16 отсто, разликата меѓу просечната нето-плата и синдикалната кошница во 2022 година е 7.384 денари, цената на лебот за една година е зголемена за повеќе од 100 проценти, на маслото за јадење за 94 проценти, на горивата за 64,5 проценти, на електричната енергија за 9,4 проценти, на гасот за 64,6 отсто, а не е намалена на ниту еден производ или енергенс“, реагираат од ССМ.

БУРЕК ПО БАБИН РЕЦЕПТ: Еве како да си го направите омилениот појадок брзо и лесно, потребни ви се пет состојки! (ВИДЕО)

Магдалена Андонова — Fri, 13 May 2022 14:22:59 +0000

Денеска ви претставуваме рецепт за бурек со шунка од кујната на вашата баба, идеален за појадок. Потребно е за 4 лица: 500 гр средна големина на кора 250 гр сирење 100 гр сункарица 1/2 прашок за пециво масло Подготовка:

Тајните на старите бурекџии: Најдобриот рецепт за домашен бурек, како од пекара!

Ристе Здравков — Wed, 30 Mar 2022 18:04:34 +0000

А уште подобро е кога знаете да го направите сами. Со овој едноставен рецепт ќе успеете и затоа што е погоден за почетници. Состојки: 1/2 кг подебели кори 500 гр сирење 250 ml вода 125 мл масло по потреба сол Подготовка: Во длабок сад измешајте вода и масло и посолете (ако сирењето ви е премногу солено, внимавајте да не претерате). Ќе биде неопходно оваа течност да се промешува пред секое прскање на кората, бидејќи маслото се одвојува. Намачкајте со масло округла тавче и ставете 2 кори чии краеви треба да ги преминат рабовите на тавата, или да висат од страна. Попрскајте со мешавина од масло и вода. Остатокот од кората поделете го во групи од по 3 кори. Земете 3 кори и ставете ги во тавче една врз друга, гужвајќи ги да стојат, па третата попрскајте ја и посипете со рендано сирење. Повторете го ова со останатите кори освен последните три. Во тавче ставете ја првата од овие три стуткани и посипете. Се става претпоследната кора. Посипете ја и неа и ставете го остатокот од сирењето. Се става последната кора и се посипува со мешавина од вода и масло. Сега преку последната кора префрлете ги краевите кои висат од страна, затворајќи го бурекот и посипете со течност. Се пече во рерна загреана на 180 степени додека ситно порумени.

Ништо не ви е СВЕТO: Во Белград се појави БУРЕК со нов вкус, луѓето не можеа да поверуваат што гледаат

Ристе Здравков — Tue, 25 Jan 2022 19:30:30 +0000

Од секогаш постои дилемата дали бурекот е со сирење или со месо. Меѓутоа тоа што го направи една пекара никој не можеше да го поверува. Покрај стандардните понуди на бурек, односно на тие со сирење и со месо, почнале да прават и нудат и други вкусови. Една пекара во Белград на својот излог се пофали со својот нов произвор. Ни помалку ни повеќе направи бурек со сарма.

Dabogda se zaratilo pic.twitter.com/x9GY1wiSMT
— Uros  (@OvoNisamJa__) January 23, 2022

Малку е да се каже дека луѓето останале запрепастени од овој нов произвор, па така некои од нив коментираа: -Тоа се вика пита со купус? Како изгледа? Ако некој јаде нека фотографира. Баш ме интересира како изгледа. - Бурек на срамот би било точниот назив. -Со нетрпение чекам бурек со руска салата.

-Би сакал да видам како изгледа пресечен. -Ништо не ви е свето!