бургас – Kurir.mk

Во Бугарија им беше оддадена почит на жртвите од терористичкиот напад на аеродромот во Бургас

Тале Кристо — Mon, 18 Jul 2022 18:15:20 +0000

Бугарија денеска одбележува десет години од терористичкиот напад на аеродромот во Бургас, во кој загинаа петте израелски туристи и еден бугарски државјанин, а повредени беа 35 лица, јави дописникот на МИА од Софија. На комеморацијата во Бургас присуствуваа амбасадорите на Израел и на САД во Бугарија Јорам Елрон и Херо Мустафа, градоначалникот на Бургас, Димитар Николов, регионалниот гувернер Стојко Танков, директорот на Регионалната дирекција на Министерството за внатрешни работи во Бургас и поранешен министер за внатрешни работи во 2012 година Цветан Цветанов, национални претставници и роднини на починатиот. – Тежок и трагичен момент но, овој настан покажува дека тероризмот нема да победи, изјави Јорам Елрон, амбасадор на Израел во Софија. Бугарската Влада преку писмено соопштение објавено на Фејсбук го осуди терористичкиот акт од 2012 година и го прогласи за варварски, наведувајќи дека бугарските власти остануваат непопустливи кон насилство, омраза и посегнување по животите на невините граѓани. Тероризмот нема оправдување. Во борбата против него, обединети од нашите пријателски односи, продолжуваме да развиваме плодна соработка со израелската страна во интерес на просперитетот на нашите два народа, се наведува во соопштението на бугарската Влада. Две години по нападот, Државната агенција за национална безбедност на Бугарија го објави идентитетот на напаѓачот, Мохамед Хасан Ел Хусеин од Либан. Тој, покрај либанско имал и француско државјанство, а додека бил во Бугарија користел лажна лична карта. Двајцата помагачи на напаѓачот, Мелиад Фарах и Хасан Ел Хаџ се осудени во отсуство на доживотен затвор без помилување. На крајот од судењето на наследниците на жртвите им беше досудена рекордна отштета од 50 милиони евра, помагачи се уште се бараат со црвена потерница од Интерпол. Поранешниот тогашен министер за внатрешни работи на Бугарија, Цветанов, тогаш објави дека зад нападот на паркингот на аеродромот во Бургас стои терористичката група Хезболах.

Авион на пат кон Дубаи принудно слета на аеродромот Бургас

Тале Кристо — Thu, 15 Jul 2021 16:58:57 +0000

Авион на нискобуџетна авиокомпанија попладнево принудно слета на аеродромот Бургас. Како што јави дописникот на МИА од Софија, авионот „Ербас А321“ вршел редовен лет од Кишињев кон Дубаи, кога екипажот пријавил дефект на моторот. Слетувањето е извршено со еден мотор и немало никаква опасност за 131 патник и шестчлениот екипаж во авионот. Тие моментно престојуваат во хотел во црноморскиот град, а бугарските експерти за цивилно воздухопловство ќе извршат преглед на моторот на авионот.

Две доживотни затворски казни за нападот во Бургас врз израелските туристи

Дарко Андоновски — Mon, 21 Sep 2020 11:28:16 +0000

Специјалниот суд во Бугарија им изрече доживотна казна затвор на двајцата мажи за кои во судска постапка се докажа дека биле соучесници во терористичкиот напад врз израелските туристи во Бургас пред осум години, јави ДПА. Пресудите, кои можат да бидат обжалени, им се изречени на австрискиот државјанин Мелиад Фарах (39) и канадскиот државјанин Хасан Ел Хаџ Хасан, појасни германската агенција. Двајцата мажи со либанско потекло се осомничени дека имале врски со Хезболах. Двајцата се осудени во отсуство, како помагатели на 23-годишниот бомбаш-самоубиец кој на 18 јули 2012 година на аеродромот во Бургас уби 18 израелски туристи и возачот на автобусот. Напаѓачот, за кој исто така се верува дека е поврзан со Хезболах, носел експлозив во ранец. Тој влетал во автобусот додека чекал да се качи израелската група и тогаш го активирал експлозивниот уред, појасни ДПА.