Бурим Рустеми – Kurir.mk

Адвокат со допис до судот по средба со Рустеми: „Судот ќе ги одбие доказите, за „ТНТ“ да заврши до крај на 2021“

Магдалена Андонова — Tue, 26 Oct 2021 13:30:45 +0000

Допис со обвинувања дека постои договор меѓу обвинителот Бурим Рустеми и Кривичниот суд, пресуди за предметите кој тој ги застапува да има до средината на декември е доставен до претседателот Иван Џолев, шефицата на Обвинителството за гонење организиран криминал Вилма Русковска, републичкиот обвинител Љубомир Јовески и странски амбасади, дознава А1он.мк Според неофицијалните извори на А1он.мк, во дописот испратен од адвокатот Мерџан Даути, бранител на Елисавета Најдосвска обвинета во „ТНТ“, стои дека за да биде пресудата донесена што побрзо, обвинителот Рустеми бил на средба со бранителот и му посочил дека ќе продолжи на судечкиот совет да ги одбие овие докази на одбраната и тоа ќе биде прифатено. Рустеми за А1он.мк потврдил дека таа средба се остварила и дека се разговарало за докази, но не дека тие ќе бидат одбиени од судот. Целата објава може да ја погледнете на А1он.мк

Обвинителот Рустеми постапувал спротивно на закон за случајот ТНТ, одбраната бара негово изземање од овој случај

Ивана Ефремовски — Tue, 26 Jan 2021 10:57:21 +0000

На денешното рочиште за случајот „ТНТ“ обвинетите во овој случај поднесоа барање за изземње на јавниот обвинител Бурим Рустеми. Во барање за изземање на обвинителот Рустеми од овој случај се застапени четири околности кои за одбраната предизвикуваат сомневање за непристрасност на обвинителот Рустеми. Во денешното барање за изземањето на Рустеми одбраната се сомнева за постапување на обвинителот Рустеми и поранешната специјална обвинителка Катица Јанева спротивно на Закон и елементи на пристрасност и корумптивни дејствија. За овој аргумент се доставени докази во која била опфатена кривична пријава до ЈО поднесена од страна на општина Гази Баба за нелегално градење, при што ОЈО Скопје ја прифатило како основана на ден 31.03.2017 година и за овој предмет била започната судска постапка и закажани рочишта против лицето Ардијан Азмоски и правното лице ТДУТУ Фине. Исто така е доставена и комуникација која беше приложена како доказен матријал во друг предмет наречен Рекет 2, каде што предметот против Ардијан Азмоски го превзема во своја надлежност СЈО на Катица Јанева од ОЈО Скопје, по што по превземањето на овој предмет после само 6 дена СЈО поднесува Поднесок за негово повлекување. Од доказните матријали јасно се гледа дека обвинетитот Азмоски во истиот ден по повлекувањето на овој предмет, преку смс комуникација му се заблагодарува на Бојан Јовановски - Боки 13 за помошта за повлекувањето на предметот. Овие доказни матријали беа презентирани во предметот Рекет 2, каде што јасно беше посочено дека таму обвинетиот Бојан Јовановски после 1 месец од затворањето на предметот на Азмоски, од бизнисменот добива 350 илјади евра на рака, а претходно меѓу двете лица е склучен договор за деловна соработка. Наредните неколку месеци, Бојан Јовановски Боки 13 и Меѓународен сојуз, а преку Јасна Мандиќ, од страна на Трговскот друштво Дримм Билдинг Струга чија сопственост е на Азманоски во неколку наврати биле уплатени суми на Меѓународен сојуз во изност од 850 000 евра. Одбраната на обвинетите во случајот ТНТ исто така се сомнева во директна инволвираност од страна на обвинителот Рустеми во дејствија од сомнителен карактер спротивни на законот за кривична постапка, кои предизвикуваат сомневање за негова пристрасност. За оваа пристрасност одбраната се сомнева за наодите и доказите во предметот Рекет 2, каде што јасно се гледа влијанието на обвинителите Катица Јанева и Бурим Рустеми за повлекување предметот за нелегално градење на Ардијан Азмоски и правното лице ТДУТУ Фине. Бурим Рустеми како јавен обвинител заедно со Катица Јанева како специјален јавен обвинител без ниту еден дополнителен доказ или околност се откажале од обвинението против и ТД ,,ФИНЕ’’ ДОО Струга и Ардијан Амзоски како управител на ова трговско друштво, што според одбраната создава сомнеж за можна вмешаност на Катица Јанева и Бурим Рустеми во случајот познат во јавноста како “Меѓународен сојуз”. Дека Рустеми како јавен обвинител и помогнал на Катица Јанева како специјален јавен обвинител и лично учествувал и се согласил да се повлече обвинителниот акт против ТД ,,ФИНЕ’’ ДОО Струга и Ардијан Амзоски како управител на ова трговско друштво е фактот дека на ден 17.08.2019 година за порталот ФОКУС Бурим Рустеми како јавен обвинител истакнува дека тој лично решил, а Катица Јанева како специјален јавен обвинител се согласила со откажувањето од обвинителниот акт против ТД ,,ФИНЕ’’ ДОО Струга и Ардијан Амзоски како управител на ова трговско друштво. Според адвокатите на одбраната за слуајот ТНТ, тоа што Рустеми заедно со Јанева го повлекол обвинителниот акт во рок од само 5 дена по неговото превземање од ОЈО, а притоа неземајќи ги во предвид законското постапување на обвинетиот во овој случај Тони Трајковски и Елисавета Најдовска кое е потврдено со 36 судски пресуди, одлуки и решенија. Одбраната тврди дека обвинителот Рустеми постапил спротивно на член 57 став 11 и член 288 став 2 од Законот за кривична постапка.

Одбраната на „ТНТ“ најави кривична пријава против Катица Јанева и Бурим Рустеми за измама од над 1 милион евра

Магдалена Андонова — Tue, 15 Dec 2020 17:43:18 +0000

Адријан Амзовски е бизнисменот кој што беше обвинет во случајот ТНТ за нелегално градење како инвеститор во објектот Космос. Но јавноста најмногу слушна за неговата вмешаност во случајот Маѓународен сојуз. Во овој случај, бизнисменот Амзовски го обвини Бојан Јовановски- Боки 13 и неговата невладина Меѓународен сојуз за измама од над 1 милион евра, заедно со уште еден бизнисмен за градење на старечки домови. Имено во овој случај, каде што според доказите во рочиштето ТНТ може да се види дека не се исплатени 270 илјади евра од страна на Амзовски, туку повеќе од 850.000 евра за помош од страна на Бојан Јовановски за повлекување на обвинението за случајот ТНТ. Ова обвинение најпрвo го поднесе ОЈО, но потоа го превзема Катица Јанева и Специјалното јавно обвинителство. Тогаш ОЈО поднесе обвинение против Адријан Амзовски и фирмата „ФИНЕ“ ДОО Скопје (каде што основач е Фијат Цановски) поврзана со изградбата на објектот „Космос“ каде што Амзовски бил инвеститор. Се работи за нелегалностите во изградбата на објектот „Космос“. Ова обвинение од страна ОЈО поднесено во Основниот суд, тогаш беше прифатено и потоа и закажано судско рочиште. Но, потоа на 15.10.2017 беше превземено од страна на СЈО, по нарачка на Катица Јанева. За по превземањето експресно во рок од 5 дена, 20.10.2017 без ниту еден дополнителен документ или доказ ова обвинение го повлекуваат Катица Јанева и обвинителот Бурим Рустеми. Истиот ден според доказите од предметот Меѓународен сојуз Амзовски му испраќа порака на Јовановски. За целата разврска на овој предмет пред 10 тина дена во суднцата во основен суд Скопје беше презентирана комуникација помеѓу Јовановски и Амзовски, каде што се гледа дека бизнисменот му се заблагодарува на Боки 13 за завршената работа, за повлекувањето на обвинението од страна на Катица Јанева и СЈО. Според доказите јасно може да се види дека благодарноста од страна на Амзовски е на истиот ден кога е повлечено неговото обвинение. Според пораките презентирани во судница, Јовановски имал интензивна комуникација и со бизнисменот Ардијан Амзовски.. Заедно барале локација за изградба на старечи дом во Карпош. Во една од пораките, Амзовски пишува. „СЈО го повлече денеска предметот. Ти благодарам. Ајде сега да работиме“.

Рустеми ја дозакопа: Јанева барала да не замрзнува стан на нејзината „пријателка“ пратеникот Сашо Василевски

Ивона Петрова — Tue, 28 Jan 2020 09:48:20 +0000

На денешното рочиште во случајот „Рекет“ сведочеше поранешниот обвинител во СЈО Бурим Рустеми. Тој истакна дека предметот „Поштенска банка“ се оформил од прислушуваните материјали и имало предлог за притвор за три лица, но судот тоа не го прифатил и одредил само мерки за претпазливост и одземање на пасошите. Потоа имало предлог за замрзнување на имотите на Главчев и Димитровски. Рустеми истакна дека за еден стан кој бил сопстеност на Главчев, тогашната специјална обвинителка Катица Јанева побарала да се тргне од замрзнување бидејќи бил продаден на нејзина пријателка и само би се направила штета. Јанева потоа побара да му се врати пасошот на Главчев во замена за гаранции за машини вредни еден милион евра, нагласи обвинителот. Обвинителката Смаќоска го запраша Рустеми како се чуствувал кога дознал за намерите и искреноста на Јанева по што тој одговори дека по разговорот со Лиле Стефанова дошле до знаење дека е можно станот да е во сопственост на Сашо Василевски. Тој еден од пратениците „пребегуши“ на ВМРО-ДПМНЕ кој се одметна и благодарение на чија група од осуммина беа изгласани уставните измени и променето името на државата. Јавноста е во очекување дали Рустеми ќе ја засени колешката Лиле Стефанова, која вчера пред сите извади дел од валканиот веш на СЈО, а заврши со зборовите на Јанева. „Гомн*рке и ор*спијо една!“ Дилемата која оправдано се отвора по вчерашниот настап на екс специјалната обвинителка е со какви зборови од својот „богат“ вокабулар, Јанева ќе го награди Рустеми. Или, сепак, поучен од кажаното кон Стефанова, Рустеми мудро ќе премолчи дел од информациите за „дејствувањето“ на Катица со СЈО.

Рустеми: Сметам дека мојот исказ ќе придонесе за развој на истрагата

Предраг Кукиќ — Fri, 16 Aug 2019 12:36:48 +0000

Сметам дека мојот исказ ќе придонесе за развој на истрагата, во делот на настаните поврзани со предметот „Поштенска банка“, изјави обвинителот Бурим Рустеми од Специјалното јавно обвинителство, по неговото двочасовно сведочење во Обвинителството за организиран криминал за случајот „Рекет“. Рустеми е трет обвинител од СЈО, што е сослушан за случајот „Рекет“, откако од почетокот на неделата беа сослушани неговите колешки Елизабета Јосифовска и Лиле Стефанова. – Дадов изјава во својство на сведок во случајот „Рекет“ во врска со прашања поврзани со истрагата „Поштенска банка“, која истрага јас ја водам во СЈО. Одговорив на сите прашања за кои што се интересираше Обвинителката, ги дадов сите информации. Ја кажав вистината и сметам дека мојот исказ ќе придонесе за развој на истрагата, во делот на настаните поврзани со предметот „Поштенска банка“, изјави Рустеми. Прашан дали се точни информациите дека добиле закани од специјалната јавна обвинителка Катица Јанева дека „ќе пропаднат заедно со неа“, Рустеми рече дека тој не чувствувал сериозно влијание за неговиот исказ денеска и доколку имало влијаење тоа ќе го пријавел. – Јас не чувствував сериозно влијание за мојот исказ што го дадов денеска. Во спротивно, јас би пријавил ако некој влијаеше што да кажам, изјави Рустеми. Во однос на истрагата за „Поштенска банка“, Рустеми рече дека таа привршува и ќе одлучат кога ќе се преземат следните чекори. Прашан зошто претходно не пријавиле доколку имале несогласувања, Рустеми само кратко рече дека летово немало такво барање.

Обвинителот Рустеми пристигна на сведочење во ОЈО

Катерина Бојаџиева — Fri, 16 Aug 2019 09:49:45 +0000

Обвинителот Бурим Рустеми од Специјалното јавно обвинителство пристигна во Обвинителството за организиран криминал, каде треба да даде исказ за случајот „Рекет“. Рустеми беше повикан да сведочи во ЈО вчера, но неговото сослушување беше одложено поради рочиштето за предметот „ТНТ“, каде тој го застапува обвинението. Во Обвинителството за организиран криминал од почетокот на неделава искази за случајот „Рекет“ дадоа специјалните обвинителки Лиле Стефанова и Елизабета Јосифовска, а во вторник на распит е повикана и шефицата на СЈО, Катица Канева. Стефанова и Јанева беа спомнати во снимените разговори и видеата што ги објави интернет изданието на италијанскиот весник „Ла Верита“ во врска со случаите „Рекет“ и „Империја“. Истрагата за „Рекет“ во Јавното обвинителство ја води шефицата на организиран криминал Вилма Рускоска. Засега единствените осомничени за случајот „Рекет“ Бојан Јовановски и Зоран Милески остануваат во притвор. Обвинителството двајцата ги товари за кривично дело „примање награда за противзаконито влијание“, а првоосомничениот Јовановски и за „перење пари и други приноси од казниво дело“.

Обвинителот Рустеми денеска ќе даде исказ за „Рекет“ во ОЈО, Стефанова и Јосифовска сослушани- Катица Јанева повикана од вторникот

Катерина Бојаџиева — Fri, 16 Aug 2019 06:46:33 +0000

Обвинителот Бурим Рустем од Специјалното јавно обвинителство денеска треба да даде исказ во Обвинителството за организиран криминал за случајот „Рекет“. Рустеми беше повикан да сведочи во ЈО вчера, но неговото сослушување беше одложено поради рочиштето за предметот „ТНТ“ каде тој го застапува обвинението. Во Обвинителството за организиран криминал од почетокот на неделава искази за случајот „Рекет“ дадоа специјалните обвинителки Лиле Стефанова и Елизабета Јосифовска. Во вторник на распит е повикана и шефицата на СЈО Катица Канева. Стефанова и Јанева беа спомнати во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“. Од Основното јавно обвинителство за гонење организиран криминал и корупција, единствено информираа дека согласно утврдениот план се преземаат истражни дејствија во насока на обезбедување на доказите и целосно расветлување на случајот „Рекет“ и дека е во тек финансиска истрага во повеќе насоки и прибирање доказен материјал што ќе помогне во утврдувањето на фактичката состојба. – Воедно, дел од одземените електронски уреди се вештачат, а за дел се прават напори за декриптирање на пронајдените содржини, соопштија од Јавното обвинителство. Истрагата за „Рекет“ во Јавното обвинителство ја води шефицата на организиран криминал Вилма Рускоска. Засега единствените осомничени за случајот „Рекет“ Бојан Јовановски и Зоран Милески остануваат во притвор. Обвинителството двајцата ги товари за кривично дело „примање награда за противзаконито влијание“, а првоосомничениот Јовановски и за „перење пари и други приноси од казниво дело“.