Бурки – Kurir.mk

Швајцарците ја изгласаа забраната за покривање на лицето на жената

Дарко Андоновски — Sun, 07 Mar 2021 18:52:33 +0000

Граѓаните на Швајцарија на денешниот референдум го поддржаа предлогот на екстреманата десница во земјата за забрана за носење никаб и бурка, што ги носат одредени муслиманки во земјата. Забраната ќе се однесува на покривање на лицето на јавни места, како што се рестораните, спортските објекти, јавниот превоз или при одење. Исклучок може да биде носењето никаб и бурка во верските објекти или од безбедносни и здравствени причини, како што се носење маски за заштита од коронавирусот, јавија британските медиуми. Швајцарската Влада се спротивстави на мерката затоа што сметаше дека покривањето на лицето е „маргинално“ социјално прашање и предупреди дека туризмот ќе биде загрозен бидејќи повеќето жени кои туристички доаѓаат во Швајцарија доаѓаат од богатите арапски земји, во кои жените го покриваат лицето. Предлагачите на законот тврдат дека носењето шамија на лицето ја симболизира репресијата врз жените и дека се неопходни мерки за да се одржи принципот на покажување на лицето во слободно општество, какво што е Швајцарија.

По крвавиот Велигден: Шри Ланка ги забранува бурките

Ивана Ефремовски — Mon, 29 Apr 2019 07:40:14 +0000

Шри Ланка забранува облека што го покрива лицето. Тоа се наведува во соопштение од Кабинетот на претседателот на државата. Забраната за покривање на лицето влегува во сила денеска. Таа мерка е резултат на вонредната состојба по серијата смртоносни експлозии на Велигден, во кои загинаа повеќе од 250 луѓе, а 500 беа повредени. Забраната стапува во сила само неколку денови откако муслиманските свештеници ги повикаа жените да не ги покриваат лицата. Муслиманите во земјата се околу 10 отсто од 21-милионското население. Претставници на силите за безбедност денеска предупредија дека исламисти кои беа одговорни за нападите од Велигден, планираат нови напади, при што ќе користат минибус и напаѓачи кои ќе бидат облечени како војници. Во предупредувањето се додава дека тие напади можно е да бидат извршени денеска на најмалку пет места. (МИА)

Џонсон најверојатно ќе биде под партиска истрага поради коментарите за бурките

Ивона Петрова — Thu, 09 Aug 2018 13:55:29 +0000

Против поранешниот британски министер за надворешни работи Борис Џонсон ќе биде покрената истрага поради евентуално кршење на кодексот на однесување на Конзервативната партија, поради неговите коментари за жените кои носат бурка, објави денеска „Ивнинг стандард“. Весникот повикувајќи се на неименувани извори во партијата наведува дека формалната одлука за упатување на Џонсон пред истражна комисија се очекува во текот на денот. Конзервативната партија одби да ги коментира таквите наводи. Џонсон во авторски текст објавен во „Дејли телеграф“ наведе дека не ја поддржува забраната за бурките, додавајќи дека е жените во бурка наликуваат на „поштенски сандачиња“ или „крадци на банки“. - Целосно е смешно што луѓето избираат да шетаат облечени како поштенски сандачиња, истакна Џонсон. Претходно, лидерката на британската владејачка Конзервативна партија, Тереза Меј побара од поранешниот министер за надворешни работи Борис Џонсон да се извини поради навредите за жените што носат бурка. И државниот министер за Блискиот Исток во британското Министерство за надворешни работи Алистер Барт изјави дека од коментарите на Џонсон „многу луѓе биле навредени“. Претседателот на британската Конзервативна партија, Брендон Луис на Твитер објави дека се согласува со Барт и побара Џонсон да се извини за неумесните коментари. И основачот на Конзервативниот муслимански форум Мохамед Шеик изјави дека текстот на Џонсон „воопшто не е во ред“. Џонсон се уште не се извини за неумесните коментари. МИА

Холандија забрани бурка во училиштата, болниците и државните институции

Даниел Василев — Tue, 26 Jun 2018 14:15:36 +0000

Горниот дом на холандскиот Парламент денеска усвои законот со кој се забранува носење марами кои го покриваат лицето во јавни згради како училиште, владини канцеларии и болници. Долниот дом на холандскиот Парламент во 2016. година усвои таков закон по обидите за вовдување на сеопфатна забрана на бурки и марами кои го покриваат лицето. Сличен Закон е усвоен во Австрија, Франција, Данска и Белгија. МИА