бутан – Kurir.mk

Бутан сака да го запре ширењето на коронавирусот: Прогласи сеопшт карантин поради еден позитивен случај

Ивона Петрова — Wed, 12 Aug 2020 05:51:03 +0000

Бутанските власти за првпат објавија општ карантин откако граѓанин позитивен на новиот коронавирус бил во близок контакт со луѓе во главниот град на Бутан – Тимбу. Одлуката, со која ќе се ограничи движењето на граѓаните на земјата со население од 750.000, е донесена откако 27-годишна бутанска државјанка била тестирана на вирусот негативно и пуштена од изолација откако се вратила од Кувајт, а потоа била позитивна на повторното тестирање. Тој неочекуван целосен карантин е прогласен со цел полесно да се утврдат контактите на заразеното лице и да се запре ширењето на вирусот, соопштија властите. Бутан, иако е држава што зависи од туризмот, ги затвори своите граници во март откако американски турист беше тестиран позитивно за Ковид-19 и нареди тринеделен карантин за сите оние кои се враќаат од странство. Вкупно 113 луѓе биле заразени во таа држава на Хималаите.

ФОТО: Само една земја во светот не ја загадува планетата

Ивона Петрова — Wed, 02 May 2018 07:58:42 +0000

Речиси сите држави во светот емитуваат повеќе јаглен диоксид отколку што шумите може тоа да го апсорбираат. Меѓутоа една држава е поинаква. Бутан е единствената земја која најмалку го загадува воздухот и влијае на климатските промени. Оваа независна држава има околу 800.000 жители, a нејзината посветеност во одржувањето на здравата животна средина стана дел од националниот идентитет.

За „National Geographic“, премиерот на Бутан пред две години изјави дека владата и нејзините монаси успешно работат на балансирање на економскиот раст и зачувување на животната средина.

Во Уставот на Бутан е наведено дека екологијата и заштитата на животната средина се исклучително важни и законите налагаат најмалку 60 проценти од земјата во секој момент да се пошумени.

Во 2015 година тим од 100 Бутанци постави светски рекорд засадувајќи 49.672 дрва за само еден час.

Кога имала 7 години му рекла на кралот дека сака да се омажи со него, денес е најмладата и најубава кралица на светот (ФОТО)

Ивана Ефремовски — Wed, 28 Feb 2018 15:57:31 +0000

Кралицата на Бутан ќе ве воодушеви со природната убавина и интересните традиционални носии што ги обожава. Кралицата на Велика Британија, Елизабета, има скоро 92 години и на тронот е веќе 65 години, што за некои луѓе е цел животен век. Од друга страна пак, актуелната кралица на Бутан е најмладата кралица на светот. Gyaltsuen Jetsun Pema Wangchuck има само 27 години и е новата кралска сензација на социјалните мрежи. Таа дојде на власт во 2011 година кога се омажи за кралот на Бутан Jigme Khesar Namgyel Wangchuck. Нивната љубовна приказна наликува на бајка. Тие се запознаа кога Џецун имала само 7 години и била дел од пикник организиран за пријателите на кралското семејство. Таа воодушевена дека го видела во живо престолонаследникот кој тогаш имал 17 години, притрчала кон него и му рекла „Сакам да се омажам за тебе“. Тој се насмевнал по што рекол дека така ќе биде кога ќе пораснат ако се заљубат еден во друг. На сите тоа им изгледаше како шега, но по 14 години станало реалност. Со оглед на тоа дека нејзиното семејство е во блиски врски со кралското, таа секогаш била воспитувана во тој дух.