Цар Борис – Kurir.mk

ВМРО-ДПМНЕ: Власта да почне да го применува Законот за здруженија и партии и да се затвори клубот Цар Борис, кој носи име на нацистички соработник

Катерина Бојаџиева — Thu, 10 Nov 2022 07:45:40 +0000

Власта да почне да го применува Законот за здруженија и партии и да се затвори клубот Цар Борис, кој носи име на нацистички соработник, велат од ВМРО-ДПМНЕ. -Законот за здруженија и партии е донесен и изгласан во собранието, тој треба веднаш да почне со примена. Името на клубот Цар Борис, е име на докажан нацистички соработник, под негова палка Бугарија била дел од нацистичката коалиција на Хитлер. Недозволиво е тој клуб да продолжи со делување. Тој треба веднаш да се избрише од Централниот регистар. Недозволиво е во Македонија која се стреми кон Европа да има активни клубови кои имаат поврзаност со еден од најмрачните делови на историјата, додаваат од партијата.

Мицкоски: Владата веднаш да почне со примена на новиот Закон за здруженија и да го затвори „Цар Борис“, место да го праќа во Венецијанска комисија

Катерина Бојаџиева — Wed, 09 Nov 2022 13:29:16 +0000

ВМРО-ДПМНЕ предложи закон во Парламентот, тој закон помина, тој закон е изгласан и тој закон треба да почне час поскоро да се применува, истакна претседателот на ВМРО-ДПМНЕ, Христијан Мицкоски, одговарајќи на новинарско прашање каде беше запрашан за коментар по вчерашната најава на министерот за надворешни работи, Бујар Османи дека новиот Закон за здруженија и партии, кој што од пратеници и од власта и од опозицијата беше донесен во македонското Собрание, ќе го прати на оценување во Венецијанската комисија. Мицкоски истакна дека ако власта не знае како да почне да го применува, еве тој ќе им помогне, додавајќи дека треба да почне со клубот во Охрид, кој носи име на докажан нацистички соработник, треба веднаш да го затвори и да ја укине неговата регистрација. „Уште утре да го затворат клубот „Цар Борис“ во Охрид и да се укине регистрацијата на тој клуб, бидејќи тој клуб, очигледно и јасно ни е на сите, носи име на фашистички соработник. Однос, на бидам по прецизен, нацистички соработник, за време на Втората светска војна“, рече Мицкоски. Во однос на министерот за надворешни работи, вели дека тој е истиот оној Бујар Османи кој што последниот период, континуирано работи против интересите на македонскиот народ и кој дипломатијата ја сфаќа да се удоволат интересите на сите, а да се загрозат на Македонците. „Тоа е истиот оној Бујар Османи кој што во изминатиот период, континуирано работи спротивно на интересите на македонскиот народ и на државата и го заплетка процесот. Го заплетка процесот со своите егзибиции на меѓународна политика, затоа што тој, дипломатијата ја сфаќа да се удоволуваат интересите на сите, а да се загрозуваат интересите на македонскиот народ. И тоа погрешно поимање на политиката, тоа е погрешно поимање на дипломатијата“, истакна Мицкоски.

ВМРО-ДПМНЕ: Финансиерот на фашистичките клубови, главен гостин кај СДС во влада

Ивона Петрова — Mon, 10 Oct 2022 06:40:02 +0000

Финансиерот на фашистичките клубови, главен гостин кај СДС во влада. Милен Врабевски, за кој медиумите пишуваат дека е главен финансиер на фашистичките клубови Ванчо Михајлов и Цар Борис беше главен гостин во владата на Заев, велат од ВМРО-ДПМНЕ. Од партијата истакнуваат дека луѓе околу Заев се луѓето кои ги отвораат фашистичките клубови, тоа и самиот Заев го има кажано јавно на бугарска телевизија. -Дали СДС ќе се огради од Заев, зошто ако не се оградат, тие се само продолжување на неговата политика, која гледаме дека верно ја следат.СДС на дезертер от Ковачевски практично овозможи да се отворат фашистички клубови, и не презема ништо да го спречи нивното отворање, се наведува во соопштението. ВМРО-ДПМНЕ преку законски измени ќе делува да се променат имињата на клубовите, и да не може клубови со фашистички имиња да се отвораат во иднина.