цариници – Kurir.mk

ДЕТАЛИ ЗА ПОЛИЦИСКАТА АКЦИЈА ВО ДИВО НАСЕЉЕ: Уапсени полицајци, цариници и државни службеници

Магдалена Андонова — Tue, 21 Dec 2021 10:46:15 +0000

И полициски службеници се уапсени во полициската акција против нарко група во кумановско Диво Насеље, објави Телма. -Во групата која била цел на акцијата имало и полицајци и цариници и државни службеници, пишува телевизијата. Истрага во обвинителство за организиран криминал и корупција е отворена за вкупно деветмина кои биле припадници на групата за шверц на дрога. Претреси се вршат на повеќе локации во Скопје и Куманово, а запленета се и наркотици.

ГП Евзони затворен за сообраќај поради штрајк на грчките цариници

Ивона Петрова — Tue, 24 Nov 2020 06:48:05 +0000

Поради штрајк на грчките царински служби Граничниот премин Евзони ќе биде затворен за секаков вид на сообраќај од денеска од 05:00 часот, па до утре 05:00, соопшти вчера Министерството за внатрешни работи. – Раководителот на смена на ПС за ГП и ГН Богородица е информиран од раководител на смена на ГП Евзони дека поради 24-часовен штрајк на грчките царински служби, ГП Евзони ќе биде затворен за секаков вид на сообраќај од 05.00 часот на 24.11.2020 до 05.00 часот на 25.11.2020 година, се нагласува во соопштението од МВР.

Уапсени 30 цариници и граничари на бугарскиот премин „Калотина“

Дарко Андоновски — Thu, 06 Feb 2020 15:26:21 +0000

Вкупно 30 царински службеници и припадници на Граничната полиција се уапсени при полициска акција на бугарскиот премин „Калотина“, на границата со Србија, објави БГНЕС. – Меѓу уапсените е и началникот на граничниот премин „Калотина“, изјави бугарскиот јавен обвинител Иван Гешев, кој заедно со главниот секретар на Министерството за внатрешни работи Ивајло Иванов информираа за деталите од полициската акција. Истрагите се спроведува по налог на Специјалното јавно обвинителство во Софија. Станува збор за организирана криминална група, која се занимава со корупција, објасни Гешев пред новинарите. Иванов потврди дека се приведени 30 лица, односно целата смена од цариници кои работат на тој премин, како и гранични полицајци.

Притвор за двајца цариници кои примале поткуп на „Табановце“, еве како ги земале парите

Ивана Ефремовски — Tue, 30 Jul 2019 09:03:42 +0000

Основното јавно обвинителство Куманово поведе истражна постапка против две лица кои како соизвршители сториле едно кривично дело – Примање поткуп од член 357 став 1 во врска со член 22 од Кривичниот законик. На 28.07.2019 година околу 02,50 часот на Граничниот премин „Табановце-Патен“ во својство на службени лица-царински службеници вработени во Царинската Управа на Република Македонија, побарале и примиле подарок за да не извршат службено дејствие што би морале да го извршат. Осомничените при вршење царинската контрола на возачот на патничко моторно возило „Фиат Дукато“ со германски регистарски ознаки, побарале и примиле парични средства во висина од 70 евра. Паричните средства биле примени за да не извршат службени овластувања и надлежности кои произлегуваат од нивните работни места, односно доколку се исполнети законските услови на возачот и сопатниците да им пресметаат и наплатат задолжителни царински давачки при внесување стока. Откако бил примен подарокот, осомничените на лицето му дозволиле непречен влез во државата без да биде извршена редовната царинска контрола и без да биде извршена проверка на стоката која ја носел. При извршен претрес од страна на полициски службеници во службените простории се пронајдени и други парични средства кои се предмет на натамошно преземање дејствија во рамки на истрагата на обвинителството. Постапувајќи по поднесената кривична пријава, надлежниот јавен обвинител донесе Наредба за спроведување на истражна постапка и поднесе Предлози за определување на мерка притвор за секој од осомничените. Судот го прифати предлогот на обвинителството и со Решение на осомничените им е определен притвор во траење од 30 дена.

Приведени двајца цариници за поткуп на Табановце

Ивана Ефремовски — Sun, 28 Jul 2019 11:20:58 +0000

СВР Куманово, Одделение за Криминалистичка полиција, Отсек за Економски криминалитет во содејство со Секторот за професионална одговорност - Одделението за внатрешни истраги при Царинска Управа постапуваше по пријавено кривично дело по чл.357 од Кривичниот законик “Примање поткуп” од страна на царински службеници на граничниот премин Табановце. На 28.07.2019 во 03:00 часот примена е дојава од оштетено лице за давање на поткуп на царински службеници на ГП Табановце при влез во Република Македонија, по што од страна на Отсекот за економски криминалитет веднаш е постапено и при личен претрес на царинските службеници З.Ј. од с.Отља и Т.М. од Куманово, и при претрес на службените простории на Царинската управа на ГП Табановце пронајдени се 1670 евра и 190 швајцарски франци. Царинските службеници се лишени од слобода и против нив ќе биде поднесена соодветна пријава.

Штрајк на бриселските полицајци и цариници

Ивона Петрова — Wed, 17 Oct 2018 06:25:04 +0000

Бриселските полицајци и цариниците на аеродромот во главниот град на Белгија денеска ќе штрајкуваат, јави БТА. Незадоволството на државните службеници е поврзано со нивните работни услови. Полицискиот протест, што ќе трае до сабота, ја загрозува безбедноста на тридневниот состанок на Европскиот совет што почнува вечерва. Средбата ќе продолжи и утре, а в петок ќе прерасне во состанок на ЕУ-Азија, на кој ќе учествуваат 49 шефови на држави и влади со нивните делегации. На аеродромот, штрајкот започнува ова утро, и не е познато колку долго ќе трае. МИА