ЦАС – Kurir.mk

ЦАС не попушти: Забраната за Русија и Белорусија останува

Бошко Тасиќ — Sat, 16 Jul 2022 07:21:06 +0000

Судот за спортска арбитража (ЦАС) ги одби жалбите на Русија и Белорусија, која се однесуваат на суспензиите на фудбалските клубови и репрезентациите од сите натпреварувања на УЕФА и ФИФА. Одлуката клупскиот и репрезентативниот фудбал на овие две земји да биде „замрзнат“ ќе продолжи да важи. Европската фудбалска унија (УЕФА) и Светската фудбалска федерација (ФИФА) потврдија дека суспензијата ќе важи и во претстојната сезона. Покрај тоа, тие ја продолжија одлуката со која странските играчи во руските клубови имаат можност еднострано да ги раскинат договорите со клубовите до 30 јуни 2023 година.

„CAS“ ја потврди забраната на УЕФА за учество на руски тимови на турнирите на организацијата

Тале Кристо — Tue, 15 Mar 2022 20:26:48 +0000

Судот за спортска арбитража (CAS) ја потврди забраната на УЕФА за учество на руски клубови на турнири под покровителство на организацијата. Иако ова е привремена пресуда, целосното рочиште треба да се одржи во наредните недели. Рускиот фудбалски сојуз (РФС) реагираше на одлуката на CAS да ја потврди забраната на УЕФА за отстранување на руските тимови. Светската и Европската фудбалска федерација на крајот на февруари донесоа заедничка одлука за отстранување на руските репрезентации и клубови од натпреварувањата под нивно покровителство до понатамошно известување. Поради ова, рускиот национален тим беше исклучен од списокот на учесници во баражот за СП 2022 година во Катар, а Спартак Москва беше суспендиран од Лигата на Европа, каде требаше да игра во осминафиналето со Лајпциг. Подоцна, РФС поднесе жалба до Судот за спортска арбитража, барајќи да се укине оваа одлука на ФИФА и УЕФА за суспензија, како и да се суспендира нејзината постапка додека трае судењето.

Судот ги отфрли жалбите на 47 руски спортисти, нема да учествуваат во Пјонгчанг

Ивона Петрова — Fri, 09 Feb 2018 10:32:24 +0000

Судот за спортска арбитража (ЦАС) со седиште во Лозана ги отфрли жалбите на 47 руски спортисти и тренери против забраната за учество на Зимските олимписки игри во Пјонгчанг. Руските спортисти тврдеа дека Меѓународниот олимписки комитет (ИОК) неправедно ги исклучил од игрите. Заменик рускиот премиер Виталиј Мутко рече дека одлуката е очекувана, но дека претставува разочарување. Во Пјонгчанг сепак ќе се натпреваруваат 169 руски спортисти, но како независни. ЦАС оваа одлука ја донесе само неколку часа пред свеченото отворање на Зимските олимписки игри во Пјонгчанг.