цби – Kurir.mk

ЦБИ: Францускиот предлог не го заштитува македонскиот идентитет и ги доведува во прашање јазикот, историјата и културата

Тале Кристо — Mon, 04 Jul 2022 13:03:36 +0000

Центарот за безбедносни истражувања (ЦБИ), како организација која се занимава со истражување на безбедносни појави, но и со истражување и анализа и на други општествени случувања кои може да имаат безбедносни импликации или да имаат негативен ефект врз суверенитетот и уставниот поредок на Република Македонија, ја изразува својата длабока загриженост и несогласување со максималистичките барања кои Бугарија ги постави за симнување на ветото и отпочнувањето на преговорите за членство во Европската Унија, велат од ЦБИ. Став на ЦБИ е дека целиот овој процес ќе заврши (доколку се прифати предлогот) со предизвикување директна штета врз националните и стратешките интереси на Република Македонија. Дополнително, со ставањето потпис на овој предлог, во кој нема ниту еден елемент на заштита на македонскиот идентитет, се доведува во прашање и јазикот, историјата и културата, а со преговарите за промена на значењето на историските личности од странски држави се нарушува и македонскиот национален суверенитет, сметаат од организацијата. Повикуваме на максимална будност и внимателност од страна на македонските државни органи, за да не се оствари штета кон виталните интереси на нашата татковина, Република Македонија!, се вели во повикот на Центарот за безбедносни истражувања.

ЦБИ прослави пет години од своето постоење (ВИДЕО)

Тале Кристо — Mon, 23 May 2022 13:30:50 +0000

Центарот за безбедносни истражувања (ЦБИ) во саботата на 21 мај 2022 година одбележа пет години од своето постоење. -По повод пет години од основањето на Центарот за безбедносни истражувања, минатиот викенд го одбележавме овој значаен јубилеј со организација на Годишна конвенција. На конвенцијата беа присутни претставници од државните органи, претставници од странските дипломатски претставништва, градоначалници, пратеници, претставници на невладини организации и експерти, информираат од ЦБИ. Курир во живо го пренесуваше одбележувањето на годишнината на ЦБИ, а истата можете и во продолжение да ја погледнете:

ЦБИ одбележува 5 години од своето постоење

Тале Кристо — Wed, 27 Apr 2022 13:24:14 +0000

Центарот за безбедносни истражувања (ЦБИ) на 21-ви мај одбележува пет години од своето постоење. Со особено задоволство ја споделуваме со Вас најавата за нашата Годишна Конвенција, која ќе се одржи на 21ви Мај, по повод пет годишнината од основањето на нашата организација Центар за безбедносни истражувања (ЦБИ). ВАЖНО: Заради ограничениот дел на места, доколку сакате да присуствувате на Конвенцијата, потребно е да го регистрирате Вашето учество на електронската адреса која ја има во најавата, информираат од организацијата. Mисијата на ЦБИ е да им помогне на обичните граѓани, но и на донесувачите на одлуки да го направат најдобриот избор при донесувањето одлука, притоа потпирајќи се на најдобрите информации. Решенијата кои ги нуди ЦБИ се направени врз основа на најдобрите информации, најкредибилните методи и најдобрите експерти во одредената област. Ние сме посветени на објективни и квалитетни истражувања кои ги даваат најдобрите резултати и го нудат најдобриот пристап за справување со безбедносните предизвици.

ЦБИ одбележа 4 години постоење

Ивана Ефремовски — Fri, 03 Sep 2021 15:48:35 +0000

Вчера во Скопје свечено беше одбележана четвртата годишнина од формирањето на Центарот за безбедносни истражувања (ЦБИ). Во присуство на членовите на ЦБИ, голем број на гости, партнерски организации, лица од бизнис секторот и од јавниот живот, раководството на ЦБИ ги презентираше резултатите од досегашната работа, како и плановите за идниот раст и развој на организацијата. Настанот со свое обраќање го отвори заменик директорот на ЦБИ, Јане Јанчески, кој даде една ретроспектива на самите почетоци на функционирање на организацијата, предизвиците со кои се соочи организацијата, начинот на функционирање и организационата поставеност на ЦБИ. Вториот говорник, Мартин Стојановски, Советник за надворешни односи и соработка во ЦБИ, се осврна на остварената меѓународна соработка во последните години, партнерствата со институции од земјата и од странство, и на одржаните семинари, работилници и конференции во организација на ЦБИ. Настанот со свое обраќање го затвори Директорот на ЦБИ, доц, д-р Александар Нацев, кој направи краток рекапитулар на функционирањето на ЦБИ во изминатите 4 години, и ги претстави идните планови на организацијата и насоката во која ќе се движи Центарот.

Трибина на ЦБИ во Ново Село на тема „Влијанието на масовното производство на канабис врз криминалитетот во заедниците“

Тале Кристо — Fri, 09 Jul 2021 07:57:35 +0000

Центарот за Безбедносни истражувања (ЦБИ) вчера вечер со почеток од 19:30 часот во домот на културата во општина Ново Село одржа трибина на тема „Влијанието на масовното производство на канабис врз криминалитетот во заедниците“. Свое обраќање на трибината имаа директорот на Центарот за безбедносни истражувања – Скопје и декан на факултетот за Детективи и криминалистика на Европски Универзитет во Скопје, проф. д-р Александар Нацев и специјалниот координатор на програмата за противтероризам на Центарот за безбедносни истражувања задолжен за Југоисточна Европа кој моментално работи на студија за безбедност на Универзитетот во Џорџтаун во Вашингтон, Раби Седрак. На трибината говореше околу производството на конопот во Македонија како и за нелегалните мигранти кои што транзитираат преку нашата земја и на кој начин се перат црните пари. Како што беше кажано на трибината од страна на говорниците дел од канабисот кој се произведува за медицинска употреба во Македонија завршува на црниот пазар се наведува во извештајот. Источниот дел од Македонија вклучува „жешки точки каде наркотиците доаѓаат од Бугарија (хероин и синтетички дроги) а канабиисот оди во обратна насока. Преку Струмица во Грција се пренесува канабис и хероин а кокаинот оди во двете насоки. Во истиот извештај Македонија е на претпоследно место државите на Западен Балкан според запленета дрога од страна на полицијата, зад Република Македонија е единствено Косово. Покрај бизнисот со наркотици а обично овие два одат рака под рака, Македонија останува клучна транзитна рута за мигрантите која е особено популарна за мигрантите од пакистан и авганистан кои ангажираат локални шверцери. Овој нелегален бизнис само на границата меѓу Грција и Македонија се вртат помеѓу 11.8 и 17.7 милиони евра годишно. Дури еден хуманитарен работник кој е цитиран во текстот на извештајот вели дека „Дел од мигрантите Македонија ја нарекуваат Мафијадонија поради нејзината криминална репутација„ Во извештајот се вели: Заеднички именител на бизнисите за перење на парите е користењето кеш, и овие бизниси редовно менуваат сопственици по што доаѓа до зголемување на прометот и профитот. Во перањето пари се вклучени и нотари, адвокати, банкари агенти за недвижности, беше кажано на трибината во Ново Село од страна на говорниците во своите излагања. Следеше интересна дискусија меу присутните, при што беше заклучено дека нема ништо срамно во тоа да бара сите да го почитуваат законот. Нема ништо страшно од тоа да бара еднаков третман, бидејќи колку повеќе дозволуваме да се случува ова кое се случува, атмосферата за живеење во оваа средина ќе стане уште толку понеподнослива.

ЦБИ одржа работилница на тема „Опасностите од пропагандата и дезинформациите во денешниот свет“

Тале Кристо — Thu, 22 Apr 2021 10:19:32 +0000

Центарот за безбедносни истражувања (ЦБИ) ја одржи својата онлајн работилница на тема „Опасностите од пропагандата и дезинформациите во денешниот свет“. Настанот беше во организација на ЦБИ во соработка со Шведската Алумни Мрежа за Западен Балкан (SANWB), а со поддршка од Шведскиот Институт (Swedish Institute). Според организаторите, темата на денешниот настан е многу актуелна и претставува една од најчестите форми на асиметрични безбедносни закани со кои се соочуваат денешните безбедносни системи на сите држави во светот. Токму затоа, ЦБИ како невладина организација која работи во полето на безбедносните истражувања, се одлучи да посвети еден настан на оваа тема, и да ја разработи заедно со експертите кои беа дел од денешниот панел, и се надеваме дека ќе дадеме барем скромен придонес кон пронаоѓањето решенија за безбедносните предизвици кои ги носат пропагандата и дезинформациите. Дел од настанот беа претставници од дипломатските мисии во Република Македонија, претставници од меѓународни организации, претставници од национални и регионални алумни организации на Шведскиот Институт, претставници од медиумите, академскиот сектор и невладиниот сектор. Заради постоечките мерки за заштита од COVID19, настанот се одржа во онлајн формат, на платформата ZOOM.

„Дискусија за европските безбедносни предизвици и закани“ во организација на ЦБИ

Ивона Петрова — Fri, 16 Oct 2020 08:11:43 +0000

Центарот за безбедносни истражувања (ЦБИ), организираше настан на тема “Дискусија за европските безбедносни предизвици и закани“. На настанот свои излагања имаа Извршниот Директор на ЦБИ, доц. д-р Александар Нацев, кој се осврна на асиметричните методи на влијание во изборниот процес и г-дин Раби В. Седрак, специјален советник за антитероризам во ЦБИ, кој зборуваше за терористичките закани, стратегии и тактики преку анализа на научени лекции од Блискиот Исток. На настанот присуствува голем број на претставници од дипломатскиот кор, колеги истражувачи од сродни организации од Блискиот Исток и домашни безбедносни експерти и практичари. Настанот беше организиран со почитување на сите безбедносни мерки и протоколи кои се предвидени во борбата против Ковид-19.

Дискусија на ЦБИ за европските безбедносни предизвици и закани

Тале Кристо — Wed, 14 Oct 2020 14:55:18 +0000

Центарот за безбедносни истражувања (ЦБИ), организира настан на тема “Дискусија за европските безбедносни предизвици и закани“. На настанот кој што ќе се одржи во „Рагуза 360“, предвидено е свои излагања да имааат Извршниот Директор на ЦБИ, доц. д-р Александар Нацев и Раби В. Седрак, специјален советник за антитероризам во ЦБИ. Настанот е со почеток од 19:00 часот, а на истиот ќе присуствуваат голем број на гости, меѓу кои и претставници на дипломатскиот кор. Настанот ќе биде организиран под сите бедбедносни мерки и протоколи кои се предвидени во борбата против Ковид-19.