цеца ражнатовиќ – Kurir.mk

Цеца ќе ја пее песната во филмот за Џеј: Насловот има само две зборчиња, но многу емоции

Ивана Ефремовски — Wed, 18 Oct 2023 20:33:35 +0000

На 6-ти декември се навршуваат три години откако нè напушти легендата на народната музика и големиот боем Џеј Рамадановски, а премиерата на филмот за неговиот живот е планирана за тригодишнината од неговата смрт. Насловната песна на филмот ќе ја пее фолк ѕвездата и блиска пријателка на Џеј, Цеца Ражнатовиќ, а деталите сега ги откри токму таа. Воедно, ова е прва песна на Цеца која ја снимила после 6 години. -Снимена е песна за филмот за Џеј! Фута, Марина и јас во нова песна. Нова песна, стари чувства! Едвај чекам да ја слушнете „За крај“, напиша Цеца. Да потсетиме, филмот за Џеј се снимаше на локација во Белград и во Панчево. Во оваа филмска адаптација Џеј ќе биде прикажан како наратор на филмот. Улогите им беа доделени на истакнати актери.

Snimljena pesma za film o Džeju! Futa, Marina i ja u jednoj novoj pesmi. Pesma nova, osećanja stara! Jedva čekam da čujete “Za kraj”.♥️
— Ceca Raznatovic (@CecaRaznatovic) October 18, 2023

Живее на “стара слава“: Песните на Цеца му носат пари и денес иако ги напиша пред децении – овие хитови се “златна кокошка“

Ивана Ефремовски — Tue, 27 Dec 2022 21:00:42 +0000

Некогаш голема ѕвезда, познатиот рокер и творец на многу хитови, Милиќ Вукашиновиќ, денес живее како потстанар. Тој во една емисија призна дека живее од „стара слава“, поточно од парите што ги добива за неговите песни кои ги напишал пред неколку децении. Некои од неговите најголеми хитови ги испеа Светалана Цеца Ражнатовиќ, а Милиќ призна дека токму од нив заработува најмногу. -Еднаш годишно ми плаќаат за авторски права од претходната година. Главно за неколку песни кои се големи хитови, како „Voljela sam voljela" и „Ja te volim od ljubavi sva gorim" или „Tražio si sve". Добро е што Цеца ги сними овие песни во деведесетите, па поновите генерации дознаа за нив. Верзиите на Ханка се вртеа помалку, рече тој.

Цеца од својата свекрва доби вреден подарок на свадбата со Аркан, а сега тоа “парче“ е кај снаата Богдана – еве за што станува збор

Ивана Ефремовски — Mon, 10 Oct 2022 07:27:55 +0000

Пред нешто помалку од триесет години, колона од дури шеесетина возила се упати кон родното место на Цеца Ражнатовиќ, тогаш Величковиќ, на чело со Аркан, кој беше облечен во црногорска носија, во шест часот наутро. Семејството ги пречека свадбените гости во Житораџа, па започна традиционалниот обичај на дарување на невестата, а потоа Цеца беше изнесена од семејниот дом од таткото Слободан. Оттаму се упатија кон Белград, во црквата Свети Архангел Гаврил, каде што беше одржана свечена церемонија. Свадбата на Вељко и Богдана, одржана во ноември 2019-та година, на некој начин беше одраз на „свадбата на деценијата“ на Цеца и Аркан. Цеца на денот на венчавката влегла во црквата во раскошна венчаница, која нејзината снаа ја носеше 24 години подоцна, но еден од најемотивните моменти бил кога откако се заколнале на вечна љубов пред Бога, младенците отишле во семејната куќа каде ги чекала мајката на Жељко, Славка Јосифовиќ. Имено, свекрвата на својата снаа подарила семејно наследство, а нејзините зборови се прераскажуваат до ден денес: „Ти го подарувам овој златник, кој е од 1700 година. Од мојата прабаба. Нека е среќен и долговечен бракот - рекла свекрвата кога и подарила на Цеца вредемн златник, а години подоцна, како што налагаат обичаите, Цеца го подарила овој вреден подарок на својата снаа Богдана. За потсетување, венчавката на Вељко и Богдана се одржа во црквата Свети Сава, додека нивниот граѓански брак се одржа во елитен белградски хотел, каде организираа гала прослава.

Цеца ужива во луксузната вила на Кипар, а таму не е сама – еве со кого е на одмор

Ивана Ефремовски — Tue, 16 Aug 2022 16:38:57 +0000

Пејачката Светлана Цеца Ражнатовиќ отпатува за Кипар и секој слободен момент го користи за да ужива во својата луксузна вила. Балканската ѕвезда на својот Инстаграм профил објави дека е време за одмор, но и дека не е сама. Имено, пејачката отпатувала со својата сестра Лидија, која често и прави друштво во вилата од 1.500.000 евра, која Цеца ја поседува на оваа егоистичка дестинација.

Цеца пеела на свадба и за половина час земала ОГРОМНА СУМА – еве колку илјади евра младенците издвоиле за секоја песна

Ивана Ефремовски — Mon, 15 Aug 2022 08:28:21 +0000

Најголемата балканска ѕвезда Цеца Ражнатовиќ неодамна настапи на свадба како специјална гостинка, а цената на нејзиниот хонорар за само половина час пеење наводно изнесувала дури 30.000 евра. -Кога младенците ја повикале да биде специјална гостинка, нејзиниот тим договорил Светлана да биде на свадбата половина час, а цената за тој настап е 30.000 евра, пишуваат српските медиуми. Бидејќи една песна во просек трае три минути, Ражнатовиќ можела да отпее најмногу десет песни, па според таа пресметка овој брачен пар платил 3.000 евра за секоја една песна што го испеала Цеца. Кога се појавила во свечената сала, каде била организирана свадбената веселба, присутните гости скокнале од столчињата и се собрале околу пејачката.

Аца Лукас им објави “војна“ на колешките и ги избриша дуетите со нив: Цеца, сепак, е посебна приказна, овие ДВЕ ПЕСНИ се враќаат на Јутјуб

Ивана Ефремовски — Tue, 05 Jul 2022 16:49:02 +0000

Аца Лукас последните месеци војуваше со сите колешки со кои правеше дуети, поради тоа што ги избриша песните од Јутјуб. Меѓу нив беше и Цеца Ражнатовиќ. Меѓутоа, Лукас решил да направи исклучок само заради Ражнатовиќ, па на Јутјуб ги вратил нивните дуети „Црни снег“ и „Не заносим се ја“. -Вистина е дека дуетите со Цеца се симнати, бидејќи никој не може да има песна со мене на својот Јутјуб канал без да плати ништо. Јас учествував во реализацијата на сите тие песни, придонесов тие да бидат слушани, а само другите да имаат заработка. Пејачите не можат да го користат моето име без да платат ништо, изјави тогаш Лукас. -Не бев за отстранување на нашите дуети, бидејќи Цеца е нешто друго, пред се, моја пријателка. Работиме на враќање на дуетите на нејзиниот канал на Јутјуб, изјавил пејачот во таа прилика.

Не дозволила да променат делови од нејзиниот живот: Цеца ја откри вистината за својот изглед и призна зошто нема да има филм и книга за неа

Ивана Ефремовски — Tue, 05 Jul 2022 14:49:08 +0000

Иако и понудиле фантастични услови, Цеца Ражнатовиќ признава дека ја одбила понудата на Американците да напишат книга за неа и да снима филм и серија. Како што истакнува, верува дека не е подготвена да го претвори својот живот во роман или во приказна на екранот. -Имав разни понуди, ги одбив сите! Ме повикаа Американците да снимам филм и серија за мене, дури и да напишам книга, но не успеавме да се договориме. Сакаа да ми променат некои настани од животот... Единствениот услов ми е ништо да не сменат и затоа немаше соработка. На крајот на краиштата, сè уште сум млада за да снимам филмови за мене, вели Цеца за Информер. Таа истакнува дека не би имала време ниту за филм бидејќи има многу концерти во текот на летото, а минатиот викенд го прекина одморот на Кипар поради настап во Јахорина. Таа вели дека едвај чекала да се врати дома и да ги облече пижамите. -Цел живот патувам, често сум во хотели и авиони, а кога ќе се вратам дома сакам да си облечам пижами. Тоа е рај за мене! Често сум без шминка, така најмногу ми се допаѓа. Не се срамам од моето лице и тело. Кога професионалните фотографи ме сликаат, не барам да ми ги издолжат нозете на фотошоп и да ми го испеглаат лицето како да имам 18 години, бидејќи имам 49 години! На Инстаграм објавувам фотографии кои сама ги правам, немам комплекси. На крајот на краиштата, се трудам да спијам доволно, да се грижам за себе и да се грижам за својот изглед бидејќи тоа што го гледам во огледалото ми е важно. Годините не се важни за тоа, погледнете ја Џеј Ло. Таа има 53 години и изгледа неверојатно, рече таа.

Цеца фатена додека купувала огромен букет цвеќе, а ја чекал овој МИСТЕРИОЗЕН човек! (ФОТО)

Ивана Ефремовски — Thu, 23 Jun 2022 14:06:37 +0000

Цеца Ражнатовиќ денеска беше фатена од папараците на ПИНК.РС во Белград, каде што купува огромен букет цвеќе во цвеќара во близина на нејзината вила. Светлана сама излегла од скапиот автомобил, додека телохранителите ја чекале. Мистериозниот млад човек, за кој се претпоставува дека работи за пејачката, ја пречекал и ја отворил вратата од луксузното возило.

Голем концерт на 11-ти јуни на Цеца и Анастасија во Пробиштип: Откриено што бараат задолжително да има на нивната рајдер-листа!

Катерина Бојаџиева — Mon, 30 May 2022 11:11:01 +0000

Има помалку од две недели до најголемиот концерт за ова лето. 11 јуни, „Аква парк“ во Пробиштип – Цеца и Анастасија Ражнатовиќ за првпат со заеднички голем концерт. Ова е нивни прв заеднички настап досега, а покрај македонската публика, се очекуваат и гости од соседните земји Бугарија и Србија. Токму поради тоа хотелите во Пробиштип и околината веќе се резервирани од странски, но и домашни гости. Организаторите на овој голем музички настан велат дека подготовките се во тек. Тие откриваат дека музичките ѕвезди во Македонија ќе пристигнат два дена порано, но не откриваат каде ќе престојуваат. „Строго забрането е да откриеме каде ќе престојуваат, но можеме да ви откриеме дел од нивната рајдер-листа. Претпоставуваме дека луѓето мислат дека Цеца и Анастасија бараат „од пиле млеко“, но не е така. Како и сите нормални луѓе, тие бараат во бекстејџ да има ладна вода, свежи сокови, грицки и тоа е се“ – велат организаторите. Инаку како што кажавме, ова е прв заеднички настап на мега ѕвездата Цеца и нејзината ќерка Анастасија Ражнатовиќ и прашање е дали воопшто некогаш повторно ќе се случи. Карти за овој голем музички настан закажан за на 11-ти јуни во Пробиштип може да купите преку продажната мрежа на „www.kupikarta.com“.

За некои ќе се изненадите: Откриваме колку се високи балканските ѕвезди кога не носат штикли (ФОТО)

Ивана Ефремовски — Fri, 29 Apr 2022 10:24:55 +0000

Сигурно некогаш сте се запрашале колку се високи жените кои се големи ѕвезди на Балканот. Тоа е речиси невозможно да се процени бидејќи секогаш носат високи потпетици. Меѓу највисоките се Јелена Карлеуша и Лепа Брена. Тие имаат иста висина - 178 сантиметри. Лепа Брена е позната по долгите нозе, па не можевме ни да помислиме дека е пониска. Карлеуша е позната по тоа што обожава штикли и секогаш ги носи, а нејзината висина е идеална дури и ако не сака високи потпетици. Многумина веруваат дека идеална висина има Сека Алексиќ, па таа може да носи високи потпетици, но и да носи рамни чевли, кои најмногу ги користи додека го поминува времето со своите синови. Сека е висока 168 сантиметри. Цеца Ражнатовиќ е висока 173 сантиметри. Таа важи за една од највисоките дами на балканската јавна сцена. Сепак, таа секогаш истакнува дека нема да ја видите приватно во високи потпетици, туку во многу поопуштено издание, фармерки, тренерки и рамни чевли. Рада Манојловиќ секогаш во преден план ја има витката фигура и долгите нозе, а можеби мислевте дека таа е уште повисока. Таа има иста висина како Цеца и секогаш плени со својот изглед. Висока е 173 сантиметри. Дали отровот навистина се чува во мали шишиња? Гоца Тржан е висока само 160 см и затоа описот на џебната Венера одлично и прилега.