целосен карантин – Kurir.mk

Грција најверојатно ќе оди во едномесечен целосен карантин

Магдалена Андонова — Wed, 04 Nov 2020 19:02:57 +0000

Комисијата епидемиолози на грчката Влада и предложи да воведе 30-дневен карантин во целата земја, откри министерот за здравство на Грција Василис Кикиљас говорејќи вечерва за грчката телевизија „Антена“, јави дописничката на МИА од Атина. -Препораката на Комисијата на епидемиолози до Владата е lockdown во целата земја за следниот месец. Премиерот на земјата, ќе излезе утре со соопштенија, очигледно земајќи ја предвид оваа препорака, рече Кикиљас. Грчкиот премиер Кирјакос Мицотакис заедно со шефот на Комисијата на епидемиолози во Министерството за здравство на Грција, професорот Сотирис Циодрас, утре напладне ќе излезат со соопштенија за справување со епидемијата, а ќе одговараат и на новинарски прашања. Во Грција денеска беа регистрирани рекордни 2.646 нови случаи на Ковид-19, а починаа 18 лица. (МИА)

Бутан сака да го запре ширењето на коронавирусот: Прогласи сеопшт карантин поради еден позитивен случај

Ивона Петрова — Wed, 12 Aug 2020 05:51:03 +0000

Бутанските власти за првпат објавија општ карантин откако граѓанин позитивен на новиот коронавирус бил во близок контакт со луѓе во главниот град на Бутан – Тимбу. Одлуката, со која ќе се ограничи движењето на граѓаните на земјата со население од 750.000, е донесена откако 27-годишна бутанска државјанка била тестирана на вирусот негативно и пуштена од изолација откако се вратила од Кувајт, а потоа била позитивна на повторното тестирање. Тој неочекуван целосен карантин е прогласен со цел полесно да се утврдат контактите на заразеното лице и да се запре ширењето на вирусот, соопштија властите. Бутан, иако е држава што зависи од туризмот, ги затвори своите граници во март откако американски турист беше тестиран позитивно за Ковид-19 и нареди тринеделен карантин за сите оние кои се враќаат од странство. Вкупно 113 луѓе биле заразени во таа држава на Хималаите.

Мелбурн од денеска е под целосен карантин

Ивона Петрова — Thu, 06 Aug 2020 08:04:52 +0000

Вториот по големина град во Австралија, Мелбурн, од денеска е под целосен карантин, што ќе трае шест недели, бидејќи властите се борат со вториот бран на коронавирусот. За време на карантинот, повеќето продавници и компании ќе бидат затворени, што предизвика загриженост кај жителите од можен недостиг на храна. Од утрово, улиците во градот со пет милиони жители, главниот град на сојузната држава Викторија, кој пријави 471 случаи на коронавирус и осум смртни случаи во последните 24 часа, се празни. Австралија сега има вкупно околу 20.000 случаи на Ковид-19 и 255 смртни случаи, што, сепак, е се уште помалку од многу други развиени земји. Пандемијата во Викторија се заканува дека ќе се прошири во други држави. Нов Јужен Велс вчера соопшти за 12 нови случаи на коронавирус, со што вкупниот број на заразени е на 483.