Железничкиот сообраќај во целосен прекин, машинскиот и извршниот персонал повторно го активираше бојкотот

Тале Кристо — Tue, 15 Mar 2022 14:56:22 +0000

Железничкиот сообраќај попладнево од 15 часот е во целосен прекин и не сообраќаат сите патнички и товарни возови, откако машинскиот и извршниот персонал повторно го активираше бојкотот заради неисплатени материјални трошоци и прв дел од платата за минатиот месец. – Бојкотот ќе трае се до исполнување на барањата, информира за МИА Тони Димовски, претставник на машинскиот и извршниот персонал и претседател на Синдикатот на машиновозачи на Македонија. Од Железници на Република Македонија Транспорт АД-Скопје, пак, преку соопштение информираа дека од 15:00 часот е започнат, како што наведоа, незаконски штрајк од страна на машиновозачите и помошниците машиновозачи во ЖРСМ Транспорт АД-Скопје. Започнувањето на штрајкот од страна на машинскиот персонал, посочуваат, писмено не е најавен. Незаконитиот прекин на работа, односно штрајк, не е организиран согласно Законот за работни односи и Колективниот договор на ЖРСМ Транспорт АД-Скопје и не е предизвикан поради социјален момент или други услови со извршување на работните задачи, туку од лична корист на машиновозачите, оценија од ЖРСМ Транспорт. Тие информираа дека со почетокот на штрајкот не сообраќаат сите возови во патничкиот и товарниот сообраќај и најавија дека „дополнително ќе известат кои возови почнувајќи од утре не сообраќале во патничкиот и товарниот сообраќај, со име и презиме на машиновозачот и помошникот машиновозач кои требале да ги опслужуваат тие возови„. – ЖРСМ Транспорт АД-Скопје ја известува јавноста дека во услови на пандемија, енергетска и светска безбедносна криза, редовно ги исплаќаат платите и надоместоците на вработените, иако Друштвото се соочува со намалени приходи, а во исто време и зголемени трошоци по однос на користење на електричната енергија и нафтата, кој инпут енормно ги зголемува вкупните трошоци во редовното работење, наведува ЖРСМ Транспорт во соопштението и дополнува дека во целост е исплатена платата за јануари годинава. Со целосниот прекин на железничкиот сообраќај, стои во соопштението, се нанесува огромна материјални и нематеријална штета на Железници на Република Северна Македонија Транспорт АД-Скопје, ЈП за железничка инфраструктура на Република Северна Македонија и на целокупното стопанство во државава. – Напоменуваме дека незаконитиот прекин на работа, односно штрајк, не е организиран согласно Законот за работни односи и Колективниот договор на ЖРСМ Транспорт АД-Скопје и не е предизвикан поради социјален момент или други услови со извршување на работните задачи, туку од лична корист на машиновозачите кои имаат примено вкупен паричен надоместок за ноември 2021 година во просечен износ од 48.092 денари, за декември 2021 година во просечен износ од 49.926 денари, за јануари 2022 година во просечен износ од 55.097 денари, односно тримесечен просек за периодот 11 и 12/2021 година и 01/2022 година во износ од 51.038 денари. Во тој контекс, Ве известуваме дека платата на Машинскиот персонал континуирано се зголемува и тоа од 2007 година, па се до денес и тоа со користење на метод на присила, т.е. незаконски прекин на Железничкиот сообраќај во кој тие се главни носители. Во таа насока, Ви посочуваме дека платите на другите вработени се драстично помали и тие воопшто не го следат претходното зголемување на трендот на платите на категоријата Машински персонал (Машиновозачи и Помошници машиновозачи). За споредба само сакаме да Ви посочиме дека платата на еден Дипломиран инжинер во ЖРСМ Транспорт АД-Скопје кој не е на раководна функција изнесува околу 28.000 -29.000 денари, објаснуваат од ЖРСМ Транспорт АД-Скопје. Известуваат и дека Управата за сигурност во железничкиот систем извршила Инспекциски надзор за штрајкот кој беше организиран од страна на машинскиот персонал на 27 јануари годинава и притоа констатирал дека организираниот штрајк од страна на машиновозачите не е легитимен. Поради неисплатените материјални трошоци за минатиот месец машинскиот и извршниот персонал во ЖРСМ Трансппрт неколку часа ја блокираше работата и минатата недела во петок, но бојкотот беше прекинат по ветувањето што го добиле од раководството за исполнување на поставените барања. Како што изјави претходно Димовски, сстапуваат во бојкот согласно со одлуката што ја доставија до раководството во ноември лани, а според која, доколку до 10-ти во месецот не им бидат исплатени материјалните трошоци за претходниот месец, ќе ја прекинат работата наредниот ден. Исто така, според одлуката, доколку до 25-ти во тековниот месец не им биде исплатена платата за претходниот месец во целост, наредниот ден ќе стапат во бојкот.

Судир на две патнички возила кај Длабочица, сообраќајот на патот Куманово-Крива Паланка-Деве Баир во целосен прекин

Тале Кристо — Mon, 18 Jan 2021 21:21:29 +0000

Две патнички возила се судрија вечерва во атарот на селото Длабочица, кривопаланечко, поради што сообраќајот на патот Куманово – Крива Паланка- Деве Баир е целосно во прекин. Од Секторот за внатрешни работи Куманово информираат дека сообраќајната несреќа се случила околу 20:20 часот, а сообраќајот на магистралниот пат Куманово- Крива Паланка – Деве Баир е во прекин од 20:30 минути. Оттаму засега потврдија дека станува збор за две патнички возила, а увидот од страна на екипите на Министерството за внатрешни работи сѐуште трае. Детали за несреќата од МВР најавуваат по завршувањето на увидот.

Поради страшна сообраќајна несреќа во целосен прекин сообраќајот на патот Кавадарци – Неготино

Дарко Андоновски — Fri, 27 Jul 2018 20:14:24 +0000

Поради сообраќајна незгода на регионалниот пат Кавадарци – Неготино, пред село Марена, сообраќајот е во целосен прекин, информира Автомото сојузот на Македонија. Сообраќајот е во прекин од 21:10 часот.

целосен прекин – Kurir.mk

Железничкиот сообраќај во целосен прекин, машинскиот и извршниот персонал повторно го активираше бојкотот

Судир на две патнички возила кај Длабочица, сообраќајот на патот Куманово-Крива Паланка-Деве Баир во целосен прекин

Поради страшна сообраќајна несреќа во целосен прекин сообраќајот на патот Кавадарци – Неготино